Gn 3:6 - Chuj San Sebastian Bible

⁶ 'Ix yiln 'och 'ix te sat cha, to wach' sloxi, wach' pax yilxi, snib'n pax 'ochi sec wach' tz'acw snab'en 'ix yalni. Yuj cha, sch'inn 'elt 'ix jun te sat cha, slon 'ix te'. 'Ayc' pax win yichmil 'ix chi yet'oc, xya'n 'ix te 'a winac, slon pax win te yet' 'ix.

Chuj San Mateo Bible

⁶ Axo ix yilanoch sat te' chi' ix, te vach' am sloji, te vach' yiljiochi, ix snib'anoch ix, yic vach' stz'acviel spensar ix snaani. Yuj chi' ix sb'ixanelta jun sat te' chi' ix, ix sloan ix. Ix lajvi chi' ix yac'anpax ix d'a vin̈ yetb'eyum chi', ix sloanpax te' vin̈ yed' ix.

Gn 3:6 Iomraidhean Croise

Gn 3:12

'Ix ta'w win 'ixtic: —A 'ix 'ix xac' wistzilc tic, a 'ix x'a'n sat te te 'ayin, yuj cha, xin lon te', xchi winac.

Gn 3:17

Xyaln pax 'ixtc 'a win winc cha: —Yujto xa yiclj 'a 'ix estzil tic, xa lon sat te te xwal to matz a lo'o, a ticnec, tic wal tzin catb'ej can 'el lum lum tic a mulojoc. Ya' sb'a 'aych 'ec' 'a yolyib'n̈q'uinl tic, 'oj ab' syal a munlji, 'ixta to b'i'an ax yilchj tas tza c'uxu.

Gn 39:7

'Ixta x'aj yec' tiempo, ax x'aji xya'n 'och 'ix yistzil win Potifar snab'en 'a win José cha, xyaln 'ix 'a win 'ixtic: —Comnoc tzyal a c'ojl tzach way wet'oc, xchi 'ix.

Gn 6:2

Ax yic xyiln 'och ewin yunnal Dios eb' 'ix yisl ewin 'anma cha, to caw wal wach' yilx eb' 'ix, 'ix syamn 'och ewin si'lan yistzil 'a scal eb' 'ix.

A Ch'an̈ Schab'l Libro Samuel 11:2

Ax x'aji 'ay jun yemc'ual, 'ix q'ue wan David chi 'a sat sch'at, 'ix q'ue 'a span̈nil yib'n̈ sdespacho b'eyc'oc. Axta 'ix yil sb'a 'a jun 'ix 'ix wan yachni yic tzsacb'tzan sb'a 'ix. Caw wal wach' yilx 'ix. Yajn̈j cha, 'ix ya'n David c'anb'xoc mach jun 'ix cha. 'Ix alx 'a 'a, to a 'ix Betsabé yisl win Eliam, 'ix yistzil win Urías hitita. 'Ix ya'n 'at David chi schecb' 'a 'ix yic tzcot 'ix ta'wc 'a winac. Ax yic xjaw 'ix, xway win yet' 'ix. 'Ix paxx 'ix 'a yatut.

A Ch'an̈ B'ab'el Libro Yic Yab'ixal Eb' Rey 13:19

Yuj cha, x'at jun schecb' Dios yet' win 'ichm winc cha, xwa'i, xyu'n pax a yet' win 'a yatut cha.

Job 31:1

An tic, ma'ix wa'ch in nab'en in nib'n 'och eb' 'ix cob'stac 'ix.

Ez 24:16

Ach 'anma', jun wal rato ax wi'n 'ec' sq'uinl 'ix estzil caw wal chamc'ojlb'il o'oj. Palta man̈ a na', man̈ ach 'oc' yu'uj, may cab' yal a sat tz'el yu'uj.

Ez 24:21

Al 'a eb' et israelal, to an Jehová in, an 'oj wac' juwc 'el watut, atn jun caw nib'b'il yilxi, nib'b'il pax eyu'uj. Tze b'an̈ e b'a yu'uj, 'icha to a 'aych eyipoc. An̈jtona eb' eyunnal yet' eb' eyisl xcancn eyuj 'a Jerusalén, 'oj cham pax eb' yuj owal, xchi.

Ez 24:25

'Ix yaln pax Dios 'ayn 'ixtic: Ach 'anma', a ticnec 'oj wi'l jun tas 'aych yipc sc'ojl eb' et israelal tic. Atn watut caw wach' yilxi, caw tzalj eb' yet'oc, yel xo wal nib'b'il yuj eb'. Ax in satn 'el pax yunnal eb'.

Os 6:7

Palta ax in chon̈b' ex tic, 'ix e ten in trato, ma'ix eyiclj 'ayin, 'icha ya'jnac Adán.

Mt 5:28

Palta an tzwal 'ayex, tzann̈j mach tz'och q'ueln 'a junc 'ix, tznib'n 'ochi, a jun cha, tox x'och 'ajmulal yet' 'ix 'a snab'en.

1 Ti 2:14

Man̈oc Adán 'ix 'ixtx paxti yuj win diablo, palta a Eva. Yuj cha, a 'ix 'ix x'och smul 'a Dios.

Josué 7:21

A 'a scal jun tzo'n̈ tas 'ay 'a Jericó, ata xwij cot jun te pichl cotnc 'a Babilonia, yujto caw wach' yilxi. Xwi'n cot chab' ciente q'uen plata yet' jun teln̈ q'uen oro, 'ec'b'al jun libra yalil. 'Ix in nib'j 'och jun tzo'n̈ tic, yuj cha, xwi'n coti. Ata mucn eb' wuj 'a yol in mantiado. A 'a yaln̈ te pichl cha, ata c'ub'b'il 'el q'uen tumn chi wu'uj, xchi winac.

1 Jn 2:16

A eb' yic yolyib'n̈q'uinl tic, cojxn yic sniwnal eb' tznib'j 'ochi. Tznib'n pax 'och eb' jun tzo'n̈ tastc tzyil yet' sat. Tzb'an̈n pax sb'a eb' yuj jun tzo'n̈ tastc 'ay 'a 'a. Palta a jun tzo'n̈ b'eyb'al cha, man̈ yico'oc qui Mam Dios, yic yolyib'n̈q'uinl tic.

Jueces 14:17

Ax 'ix, 'oc'ln̈ej sb'o 'ix 'a yojltac win 'a uque c'ul cha, yic 'aych cob' sq'uin̈ eb'. Palta 'aychn̈ej 'ix smontn win 'a junjn c'u, ax 'a yucl c'u chi b'i'an, 'ix yaln win 'a 'ix tas tzyal 'el'ch jun tzo'n̈ paxti cha. Cojn wal yic xyab'n 'ix tas yaji, 'ix 'at yalnc yab' eb' yit chon̈b' cha.