Gn 3:16 - Chuj San Sebastian Bible

¹⁶ Xyaln pax 'a 'ix 'ix cha: —'Oj wac' ab' syail yic et'x one', ax wa'n niwtjoc a yailal yic 'oj 'aljoc one'. Toxn̈ej 'ay yailal 'oj ela', palta 'oj a nib'cn̈ej echmil. A win winc 'oj 'och ajliloc, xchi 'a 'ix.

Chuj San Mateo Bible

¹⁶ Ix yalanxi Dios d'a ix icha tic: —Ol vac' a yaelal ayic yab'ix ach, axo yic ol aljoc une', ol vac'an nivtaj a yaelal chi'. Vach'chom ay yaelal ol ila', ol a nib'ejn̈ejoch vin̈ etb'eyum. A vin̈ ol och ajaloc, xchi Dios.

Gn 3:16 Iomraidhean Croise

Gn 4:7

Toto wach' tas tza b'o'o, tzaljc'ojlal am aji, palta tu tas tza nib'j a b'o', yuj cha, a maysch'olnil chi q'ueln xo 'och 'ayach yic tzach ya'n telwoc, palta tztac' ach tzac' 'ejm jun maysch'olnil cha, xchi.

1 Cr 4:9

A Jabes cha, 'ixtc 'ix 'ajx sb'ic yuj snun yujto 'ix yal 'ix 'ixtic: Yet' wal yailal x'aj yalj jun wune tic, xchi 'ix. Caw niwn yel'ch Jabes cha 'a yib'n̈ eb' yu'tac.

Ester 1:20

A jun ley cha, yowlal tz'ojcax 'el 'a yol smasnil qui nacion̈. Toto 'ixta', smasnil eb' 'ix 'ix, yiclum 'oj yutc sb'a eb' 'ix 'a yichmil, yaln̈j tas 'anma'il, xchi winac.

Salmos 48:6

'Ix 'och eb' 'a xiwc'ojlal, xlaj somchjc chan̈ eb'. 'Icha tz'aj junc 'ix yab'n syail yic tz'alj yune', 'ixta x'aj eb' yab'n syail.

Is 13:8

Ton̈j 'oj sat sc'ojl eb'. A xiwlal, cusc'ojlal yet' yailal, a chi 'oj yic' yip 'a scal eb'. Caw 'oj yab' eb' syal jun tzo'n̈ chi 'icha tzyac' eb' 'ix 'ix tz'alj yune'. Toxn̈ej 'oj laj yil-lac 'och sb'a eb', ax schacb' chan̈ sat eb' soldado chi yuj q'uixwc'ojlal.

Is 21:3

Caw tzyab' in niwnal syail, caw 'ayn 'och 'a in yailal, 'icha wal junc 'ix 'ix tzyab' syal yalj yune'. Tzin 'och 'a somc'ojlal yuj tas tzlaj wab'i, tzin xiw pax chan̈ yuj tas tzwila.

Is 53:11

A yic tox xlajw 'ec' jun tzo'n̈ yailal chi 'a yib'an̈, ax stzalj pax yiln 'och spac jun syailal cha, to man̈ nab'an̈ejoc. Til wal eb' 'oj 'ojcan el jun schecb' Dios cha, 'oj 'ochcn eb' wach'l yu'uj, yujto a 'oj 'i'nc 'el smul eb' 'a yib'an̈.

Jeremías 13:21

'Ix yaln Jehová 'ixtic: ¿Tas 'oj eyal ticnec ex 'aj Jerusalén, yic 'oj 'och jun tzo'n̈ 'anma yac' yajlil 'a eyib'an̈, atn jun tzo'n̈ eb' xe sayq'ui, yic tz'och eb' e wach'c'ojloc? 'Oj ya'ch wal eb' yailal 'a eyib'n̈ si'mb'il, 'icha yab'n junc 'ix 'ix syail yic tz'alj yune'.

Jeremías 22:23

A ticnec, caw tzaljc'ojlal eyajc' 'a eyatut cotnc stel 'a Líbano, nab'a c'ute 'aych 'a 'a. Palta a wal yic 'oj jawc yailal 'a eyib'an̈, caw 'oj 'el eyaw eyab'n syail, 'icha yab'n junc 'ix 'ix syail yic tz'alj yune 'ix, xchi Dios.

Jeremías 4:31

A eb' 'aj Sión tz'el yaw cha. Caw tzwab' yel yaw eb' 'icha wal yel yaw junc 'ix 'ix 'a yic tz'alj junc sb'ab'l 'une'. Caw tzc'acw eb', tzlaj sjilnc 'at eb' sc'ab', tzyaln eb' 'ixtic: ¡'Ay, 'oltacn̈ec wali! ¡Caw 'oj on̈ smilc cham eb' milm cham 'anma'! xchi eb'.

Jeremías 49:24

A eb' 'aj Damasco, caw man̈x 'a yip eb', wan snan eb' to 'oj 'at eb' 'eloc. Cojxn̈ej xiwc'ojlal, b'ilc'ojlal, yet' yailal 'ay 'a scal eb', 'icha junc 'ix 'ix wan yalj yune'.

Jeremías 6:24

A eb' 'anma 'a Jerusalén, tzyal eb' 'ixtic: Tox 'ix cab' jun 'ab'x cha, caw wal tz'el quip yuj xiwc'ojlal, on̈ 'och 'a cusc'ojlal cab'n syail, 'icha wal yab'n junc 'ix 'ix syail 'a yic tz'alj yune'.

Nm 30:13

A win yichmil 'ix cha, a win tztac' yalni, toto tzyac' 'el'choc 'ix yistl win chi sti 'a 'aj ya'jnac sti cha, mto ma'ay.

Jn 16:21

Q'uinloc 'ay junc 'ix ticnec, wan yalj yune'. Tzcus toni, yujto 'aych 'a syailal. Palta ax yic tox 'ix 'alj yune cha, man̈xtzac sna cot syailal cha, caw tzalj paxi, yujto x'alj jun 'unn chi 'a yolyib'n̈q'uinl tic.

1 Co 11:3

Palta tzin nib'j tzeyojquej 'eli, to a Cristo, a Yajl yaj 'a junjn winac, 'icha to sjolm yaji. Ax yichmil junjn eb' 'ix 'ix, a yajl yaj 'a eb', 'icha Dios, Yajl yaj 'a Cristo.

1 Co 14:34

An̈jtona', 'ixta 'ayex, yowlal sictac tz'aj eb' 'ix 'a 'aj tzeyam e b'a cha, yujto may spermiso eb' 'ix spaxtin 'a culto. Yiclum cab' tzyutj sb'a eb', yujto 'ixta tzyal sley Dios.

1 Co 7:4

Yujto may yaln yic jun e niwnal chi ya'n mandar sb'a sch'ocoj. A eyichmil cha, a 'ay yaln yic 'ayex. An̈jtona', 'ixta pax ax 'ichmilab'il ex, may yaln pax jun e niwnal chi ya'n mandar sb'a sch'ocoj. A eyistl cha, a 'ay yaln yic 'ayex.

A Scarta San Pablo D'a Eb' Aj Colosas 3:18

Ax xo ex 'istlab'il, yicljec tas tzyal eyichmil 'ayex, smoj tzeyiclej, yujto 'aych e c'ojl 'a Cajlilec.

1 Ts 5:3

A 'a yic jun tiempoal cha, 'oj cob' yal eb' 'anma 'ixtic: An̈ec tic, caw wach' cajec, toc 'ay tas tzqui na'ec, 'oj schic cob' eb'. Palta yajn̈j wal cha, ax satx can 'ejm eb'. 'Icha tz'aj sjaw syailal junc 'ix tz'alj yune', 'ixta 'oj 'aj sjaw syailal eb' cha. Wal yel, may junc eb' 'oj colchjoc can 'el 'a jun syailal cha.

1 Ti 2:13

Yujto a Adán, a b'ab'l b'ob'il yuj Dios. Ax Eva, tza'n to b'onac.

1 Ti 2:15

A yopiso eb' 'ix, to tzq'uib'tzej eb' yune'. Palta 'oj colchjoc eb', yujto tzya'ch eb' Dios 'a sc'ojol. Toto 'ay schamc'ojlal eb', toto wach' sb'eyb'al eb' 'a sat Dios, tzya'n cuenta sb'a eb', 'oj colchjoc eb'.

Tito 2:5

Yujto a eb' cob'stac 'ix, yowlal tzyac' cuenta sb'a eb'. Yowlal caw tojl tzyutj eb' sb'eyb'al. C'asn cab' tzyutj sb'a eb' ya'n cuenta yol yatut. Caw wach' tzyutj eb' snab'en 'a eb' yit 'anma'il. Tzyiclni pax eb' tas tzyal yichmil. Toto 'ixta tzyutj sb'a eb', ax spaxti Dios, ma'oj b'uchxoc yuj eb'.