Gn 3:14 - Chuj San Sebastian Bible

¹⁴ Xyaln Jehová Dios 'a no chan 'ixtic: —Yujto 'ix a b'o jun tic, yuj cha, 'oj a chacx can 'el 'a scal smasnil no noc' 'a smasnil tiempo. A sn̈i a c'ojol, a 'oj a b'eylab'oc ax eq'ui. Ax lum pocc 'oj a lo'.

Chuj San Mateo Bible

¹⁴ Yuj chi' ix yalan Jehová Dios d'a noc' chan chi': —Yujto icha tic ix a c'ulej, yuj chi' tzach in catab'ejcan d'a scal masanil noc' molb'etzal noc' yed' noc' c'ultaquil noc'. D'a juneln̈ej a yalan̈ a c'ool ol n̈ervoc. A spococal lum luum ol a lo'o.

Gn 3:14 Iomraidhean Croise

Gn 3:1

Palta a no chan yel xo wal jeln no 'a yib'n̈ smasnil no calte'al noc' sb'o Jehová Dios. Xyaln no 'a 'ix 'ix 'ixtic: —¿Tom yel 'ix yal Dios, to matz e lo sat smasnil te 'awb'ente tic? xchi no'.

Gn 4:11

A ticnec, tzach catb'tzax can 'el 'a sat lum lum tic, atn lum 'ix 'u'n can 'ejm schic'l win o'tac 'ix a ma' cham cha.

Gn 9:6

A mach tzmiln cham yit 'anma'il, 'anma 'oj milnc chamoc, yujto ax 'anmax tic, 'icha in tic, 'ixta ex wutj ex in b'oni.

Salmos 72:9

A eb' 'ajc'ojl yajch 'a winac, eb' cajn 'a lum cusltac lu'um, 'oj yic' 'ejm sb'a eb' 'a 'a.

Is 29:4

Caw 'oj 'ijxoc 'ejm Jerusalén, 'icha to 'oj can t'ocn 'a sat lu'um, ax 'a sat lum chi 'oj paxtinc cha'an̈, toxn̈ej 'oj wulwnoc spaxtin 'a scal pococ, axn̈ej 'a yol lum 'oj paxtinc q'ueta, 'icha junc mach tzpaxtin yet' spixn junc chamnc 'anma'.

Is 65:25

An Jehová in, an tzwala to a no 'oques yet' no calnelu, junn̈j 'oj 'ec' say wa sb'a e no', ax no león yet' no wacax, a te c'ultc 'oj slo e no', a no chan a lum pococ 'oj slec' no'. May junc tas 'oj stac' yixtn jun tzo'n̈ noc' chi 'a lum tzaln to wicn̈ej yaji, xchi Dios.

Lv 20:25

Yuj cha, yowlal 'ay cab' sjelpal no noc' 'a e sat. 'Ay no wach', 'ay pax no man̈ wach'oc, 'ay no ch'ic wach', 'ay pax no man̈ wach'oc. Man̈ eyixtc 'el e b'a yic tze chin no noc' man̈ wach'c cha, no ch'ic yet' no tzjucsb'a 'a sat lu'um, atn no xwala to man̈ wach'c no'.

Miqueas 7:17

Caw wal 'oj xiw eb', ax yi'n 'ejm sb'a eb', 'oj can teln eb' 'a scal pococ 'icha no chan. 'Oj laj 'ib'xoc eb' yuj xiwlal, ax yelt eb' 'a scuartel. Caw tzxiw eb', ax sjaw eb' 'a 'ayn an Jehová e Diosal in tic, xchi Dios.