Gn 28:5 - Chuj San Sebastian Bible

⁵ 'Ixta 'ix 'aj xchecx can 'at Jacob yuj Isaac 'a lum Padan-aram. 'Ix c'och Jacob 'a yatut Labán, win yunnal Betuel win arameo, snul'j 'ix Rebeca 'ix snun Jacob yet' Esaú.

Chuj San Mateo Bible

⁵ Ix lajvi chi', ix checchajcanb'at vin̈aj Jacob yuj vin̈aj Isaac d'a Padán-aram. Ix b'atcan vin̈ d'a spat vin̈aj Labán, yuninal vin̈aj Betuel arameo, snulej ix Rebeca, ix snun vin̈ yed' vin̈aj Esaú.

Gn 28:5 Iomraidhean Croise

Gn 22:23

A Betuel cha, atn smam 'ix Rebeca; atn wajxcwan̈ yune Milca tic yet' Nacor, win yu'tac Abraham.

Gn 24:54

Xlajw cha, xwa win yet' eb' ajun yet' cha, 'ix can eb' 'a jun 'ac'wl chi ta'. Ax yic sacb' 'el 'a junx c'u, 'ix q'ue wan win checb' cha, 'ix yaln 'ixtic: —A ticnec jun, checc 'at 'unx cob's 'unn tic wet' 'a win in patron̈ cha, xchi winac.

Gn 25:20

A Isaac 40 ab'il sq'uinal, yic xyi'n sb'a win yet' 'ix Rebeca yisl Betuel, yanb' Labán win arameo, cajn 'a Padan-aram.

Gn 27:43

Yuj cha, ach wune', ab' wal tas 'oj wala'. 'Eln̈ 'a tic, ata tzach c'ochcn 'a lum Harán, a yet' ni 'in nul'j Labán, ata tzach 'aji.

Gn 28:2

Ata tzach 'at 'a yol yic Padan-aram 'a yatut a mam 'ichm Betuel. Tze'n a b'a yet' junc eb' 'ix yisl win Labán, win snul'j a nun tic.

Gn 29:1

'Ix 'atx Jacob masnto xc'och 'a slum ewin cajn 'a stojlal 'aj tzq'uel c'u.

Gn 29:12

'Ix yaln Jacob 'a Raquel cha, chajtlto yune 'ix Rebeca winac, 'ix yanb' win Labán, yuj cha, carela x'at 'ix, yic tz'at yalnc 'ix yab' smam cha.

Gn 31:24

Palta a 'a yic jun 'ac'wl cha, sch'ox sb'a Dios 'a Labán 'a waychil, xyaln 'a win 'ixtic: Tzcham wal a nani tas 'oj al 'a Jacob, man̈ comnoc tu 'oj a paxtini, xchi Dios 'a winac.

Gn 35:27

'Ix 'at win Jacob 'at yil smam, atn win Isaac, cajn win 'a lum Mamre, 'a chon̈b' Arba, tzcuch pax Hebrón. Ata 'e'nc cajn Abraham yet' Isaac.

Ez 27:16

A eb' 'aj Edom, til wal tas tzwul sman eb' 'ayach: A tas tzya'cn eb' stojloc, atn q'uen granate, te nip jalb'il 'a te ch'al púrpura, te yelwnub'l pichul, te nip jalb'il 'a te lino ch'al, q'uen coral yet' q'uen rubí tz'och ton̈al.

Os 12:12

A Jacob, 'atnc 'eloc, axta c'ochnc 'a lum Aram. Ata 'ochnc 'ilj calnelu yuj stojloc yistzil.

Dt 26:5

Tzlajw cha, tzeyaln jun tzo'n̈ xo paxti tic 'ixtc 'a sat Jehová qui Diosalec: A eb' qui mam quichmec, arameo eb', jaywn̈ej wal sb'ey eb'; ton̈j 'e'lb'a yec' eb', 'ijn xcham eb' yuj wejel; yuj cha, x'atcn eb' 'a Egipto yet' jaywn̈ yunnal, ata xcan cajn eb' ta'. Axta 'ix 'och eb' niwquil chon̈b'al, caw jeln x'aj eb', caw niwn pax x'aj sb'isl eb'.