Gn 28:1 - Chuj San Sebastian Bible

¹ Yuj cha, xyawtn cot Isaac win Jacob, syamn 'och yaln can wach' paxti 'a yib'an̈, xyaln can jun checnb'il 'a 'ixtic: Man̈ ec' a b'a yet' junc 'ix 'aj Canaán tic.

Chuj San Mateo Bible

¹ Yuj chi' ix avtajcot vin̈aj Jacob yuj vin̈aj Isaac chi', ix och ijan vin̈ yalancan vach' lolonel d'a yib'an̈ vin̈, ix yalancan jun checnab'il vin̈ d'a vin̈ icha tic: Malaj b'aq'uin̈ ol ic' junoc ix etb'eyum d'a scal eb' ix aj Canaán tic.

Gn 28:1 Iomraidhean Croise

Gn 24:3

tza'n a ti 'a sat Jehová sDiosal satcha'an̈ yet' sat lum tic, to ma'oj a say yistzil ni wunnal Isaac 'a scal eb' 'ix yisl ewin 'aj Canaán 'aj cajn on̈ 'ec' tic.

Gn 24:37

A win in patron̈ cha, 'ix yala to tzwac' in ti in yiclni schecnb'il, yuj cha, 'ix yaln 'ayn 'ixtic: Ma'oj stac' yi'n ni wunnal tic junc 'ix 'ix 'aj Canaán, 'a 'aj cajn in 'ec' tic.

Gn 24:4

Palta tzach 'at 'a in chon̈ab', ata tza say junc yistzil ni wunnal 'a scal eb' 'ayt wuj in b'a yet'oc, xchi Abraham cha.

Gn 27:4

Tza b'on junc schib'l woch tan tz'aji, wach' tz'aj 'icha wal tzin nib'ej. A yic tzb'o 'el'ch o'oj, tze'n cot 'ayin, ax in wa yet'oc. Ya' sb'a tzin wa cha, ax waln can in wach' paxti 'a eb'an̈, yic mantzac in chami, xchi.

Gn 27:46

Xlajw cha, xyaln 'ix Rebeca 'a Isaac 'ixtic: —Caw wal tzcus in c'ojl yuj eb' 'ix hitita, eb' 'ix yistzil ni Esaú tic. Yuj cha, toto tzyij sb'a ni Jacob yet' junc eb' 'ix hitita cajn 'a Canaán tic, yel xo am wach' tzin chami, xchi 'ix.

Gn 28:6

Ax yic xyiln win Esaú to wan yaln Isaac wach' paxti 'a yib'n̈ Jacob, schecn can 'at 'a Padan-aram, sec ata tz'och yistzil ta'. An̈jtona', 'ix yil paxi to a smam, a yic xyaln can swach' paxti cha, xya'n yojcoc can 'eli to matz tac' yi'n sb'a Jacob yet' eb' 'ix 'ix 'a Canaán cha.

Gn 34:16

to 'ixta', tztac' eyi'n e b'a yet' eb' 'ix quisl tic on̈, tztac' pax qui'n qui b'a yet' eb' 'ix eyisl chi 'on̈, 'ixta to b'i'an, tztac' caj 'a e cal, sec junxn̈ej chon̈b'al tzon̈ canec.

Gn 34:9

Tztac' eyoch quit chon̈b'oc on̈, tztac' cab' qui'n qui b'a yet' eb' eyisl tic, ax xo, tzeyij e b'a yet' eb' 'ix quisl chi 'on̈.

Gn 38:2

Ata xyilch win jun 'ix yisl jun win 'aj Canaán tzcuch Súa, xyi'n sb'a win yet' 'ix.

Gn 48:15

Xyaln can win wach' paxti 'a yib'n̈ José 'ixtic: A Dios 'aj syicljnac in mam 'ichm Abraham, yet' in mam Isaac, a tzin tan̈wni yictax in 'alji yet' yic in b'ey cot 'a wojltac.

Gn 49:28

Atn wal yab'xil eb' lajchwan̈ yunnal win Israel tic. A smasnil jun tzo'n̈ paxti tic, xyalcn win 'a yic xyaln can wach' paxti 'a yib'n̈ junjn eb' yunnal, yuj tas 'oj 'ec' 'a yib'n̈ junjn eb'.

Gn 6:2

Ax yic xyiln 'och ewin yunnal Dios eb' 'ix yisl ewin 'anma cha, to caw wal wach' yilx eb' 'ix, 'ix syamn 'och ewin si'lan yistzil 'a scal eb' 'ix.

Jeremías 29:6

'A'c 'och eyistzil, 'alj cab' eyunnal yet'oc, 'och cab' pax yistzil eb' eyunnal cha, 'alj cab' pax yunnal eb'. Q'uib' cab' e b'isl ta', man̈ 'emtoc cab' e b'isul.

Dt 33:1

A yic jab'xoj sc'och stiempoal scham Moisés win schecb' Dios, 'ix syamn 'och yaln can wach' paxti 'a yib'n̈ eb' yit israelal.

Josué 22:7

Spacln̈ej eb' yin̈tl Manasés 'ac'b'ilx can smacl lum 'a yol yic Basán yuj Moisés. Ax spacl xo eb', a Josué a x'a'n slum eb' 'a stojlal 'aj tz'em c'u 'a a Jordán. A yic 'ix yaln can sb'a Josué 'a eb' 'ix can smacl 'a stojlal 'aj tzq'uel c'u 'a sti a Jordán, xyaln can wach' paxti 'a yib'n̈ eb',