Gn 26:4 - Chuj San Sebastian Bible

⁴ Caw 'oj wac' niwtjoc sb'isl eb' en̈tl 'icha c'anal 'a satcha'an̈, ax wa'n jun lum tic 'ayach. An̈jtona', yujn̈ej eb' en̈tl cha, ax schan smasnil nacion̈ in yaxilal.

Chuj San Mateo Bible

⁴ Man̈ jantacoc ol vutej eb' in̈tilal, icha sb'isul q'uen c'anal d'a satchaan̈ icha chi' ol aj eb'. Ol vac'an jun luum tic smasanil d'a eb'. Yujn̈ej in̈tilal chi' ol scha in vach'c'olal masanil nación,

Gn 26:4 Iomraidhean Croise

Gn 13:16

'Icha wal spoccal lum lu'um, may mach tztac' sb'isni, 'ixta 'oj 'aj en̈til.

Gn 15:18

Atn 'a yic jun c'u cha, 'ix yac' Jehová strato 'a jun 'ejmn̈ej yet' Abram, 'ix yaln 'a 'ixtic: —A jun lum tic, 'oj wac' 'a eb' en̈til, atta tzcot lum 'a sti a b'eymal a yic Egipto, masnto 'a sti a niwquil a Éufrates.

Gn 15:5

'Ix yi'n 'el Abram 'a b'esan, 'ix yaln 'a 'ixtic: —'Ilt wal yilx q'ue satcha'an̈, b'is nab'n jun tzo'n̈ c'anal cha, toto tzb'ischj eb' o'oj. 'Ixta 'oj 'aj sb'isl en̈til, xchi Dios.

Gn 18:18

yujto a 'oj 'och smamc jun niwquil chon̈b' to caw 'ay yip. Tox 'ix wac' in ti 'a 'a; to yu'uj ax schan smasnil chon̈b' 'a yolyib'n̈q'uinl tic in yaxilal.

Gn 26:24

A 'a yic jun 'ac'wl cha, ata sch'ox sb'a Jehová 'a 'a, 'ix yaln 'a 'ixtic: An ton tic sDiosal in a mam, atn Abraham, man̈ ach xiwoc, 'ayn 'och et'oc. Yujn̈ej to in checb' Abraham, yuj cha, 'oj wac' yaxilal 'a eb'an̈, til wal 'oj wutc sb'isl en̈til, xchi Dios.

Gn 28:14

A eb' en̈tl cha, caw niwn 'oj 'aj eb' 'icha spoccal lum lu'um, ax spuccn 'at eb' 'a stojlal norte yet' 'a stojlal sur. 'Ay pax eb' 'oj 'atcn 'a stojlal 'aj tzq'uel c'u yet' 'a stojlal 'aj tz'em c'u, ax smasnil eb' 'anma 'a yolyib'n̈q'uinl tic, 'oj scha eb' yaxilal 'a a patctacl ach tic, yet' a eb' en̈tl b'aq'uin̈.

Gn 28:3

Ax Dios tztac' yuj smasnil, a 'oj yac' syaxilal 'a eb'an̈, til wal 'oj 'aj 'el'ch sb'isl en̈til. A 'a scal eb', ata niwn nacion̈ 'oj 'eltoc.

Gn 35:12

A lum lum 'ix wac' 'a Abraham yet' 'a Isaac, tzwac' pax lum 'aych ach tic. Ax wa'n pax lum 'a eb' en̈til, xchi Dios 'a 'a.

Gn 47:27

Smasnil eb' yunnal win Israel, xcan eb' 'a Egipto cha, smacn eb' yico'oc lum Gosén, ata xniwtj sb'isl eb'.

1 Cr 27:23

A David ma'ix yij chan̈ sb'isl eb' to 'ayt stz'acw 'a sjunc'lil ab'il sq'uinal, yujto tox 'ix yac' Jehová sti', to 'oj q'uib' sb'isl eb' israel 'icha sb'isl c'anal 'a satcha'an̈.

Salmos 72:17

B'inax cab' sb'i win rey 'a smasnil tiempo, ya' sb'a 'ayt 'ec' c'u. Smasnil nacion̈ 'a yolyib'n̈q'uinl tic, scha cab' eb' yaxilal yuj winac, yal cab' eb', chajtlto wach' yic eb' yuj winac.

Ex 32:13

Comnoc tza na cot tas aljnac can yet' eb' a checb' 'a pecti', atn Abraham, Isaac yet' Israel. A 'a eb' aljnac can 'ixtic: 'Oj wac' q'uib' sb'isl eb' eyin̈tl b'aq'uin̈, lajn wal 'oj 'aj sb'isl eb' 'icha c'anal 'a satcha'an̈. A smasnil lum lum tic, 'ix wac' in ti wa'n 'a eb' eyin̈til, yic eb' tz'aj lum 'a smasnil tiempo, 'in xa chi, xchi Moisés cha.

Ex 6:4

'Ix in b'o jun in trato yet' eb', xwac' in ti wa'n lum Canaán 'a eb', lum 'aj 'e'nc eb' 'a pecti'.

A Tas Sc'ulejnac Eb' Schecab' Jesús Hechos 3:25

Ax tic, eyit chon̈b' can e b'a yet' eb' schecb' Dios quet' on̈. Yuj cha, a yic ya'n can Dios strato 'a eb' qui mam quichmec, ya'n can pax 'ayn̈ec yet' eb'. Atn jun strato tic ya'jnac 'a Abraham, 'a yic yaln can 'ixtic: Yuj en̈til, 'oj wac' in yaxilal 'a eb' 'anma 'a junjn chon̈b' 'a yolyib'n̈q'uinl tic, xchi Dios 'a Abraham.

Gl 3:16

Ax Dios, ya'jnac can sti 'a Abraham yet' 'a yin̈til. Ma'ix yal 'a Ch'an̈ U'un̈: A jun tzo'n̈ eb' en̈til, man̈ xchioc. Yujto man̈ niwnoc eb' yin̈tl 'aj xyala. Palta xyal 'ixtic: A en̈til, xchi. Yujto jun wal yin̈tl Abraham chi 'aj xyala, atn Cristo.

Gl 3:8

'Aycto, yaln can 'a Ch'an̈ U'un̈, chajtlto ax man̈ ex israeloc, 'ayx 'oj eyoch wach'l 'a sat Dios, yujn̈ej to tzeya'ch e c'ojl 'a 'a. Yictax pecti', alb'il can wach' 'ab'x 'a Abraham, yic yalx 'a 'ixtic: O'oj, ax wa'n yaxilal 'a yib'n̈ smasnil 'anma 'a yolyib'n̈q'uinl tic, xchi Dios.

Dt 13:17

Ax xo tic, man̈ eyi'cn jac eyic 'a jun tzo'n̈ tz'ajx lajwc cha, sec ma'oj cot yowl Jehová 'a eyib'n̈ yuj jun tzo'n̈ cha. Yujto caw 'ay schamc'ojlal 'ayex, yuj cha, 'oj yac' q'uib' e b'isl 'a yol e chon̈ab', 'icha wal yaj yaln can 'a eb' qui mam quichmec.

Dt 9:5

Man̈ yujoc e wach'il, mto yuj stojlal e nab'en ax 'at e cajnc lum lum cha, palta yuj smaysch'olnilal eb' 'anma cha. Yuj cha, ax satx 'el eb' 'a eyojltac yuj Jehová, sec 'ixta 'oj 'aj yel'ch strato sb'ojnac yet' Abraham, Isaac yet' Jacob, atn eb' qui mam quichmec.

A Ch'an̈ Carta D'a Eb' Hebreo 11:2

A eb' qui mam quichmec, 'ochnc eb' wach'l 'a sat Dios, yujto ya'jnac 'och eb' sc'ojl 'a 'a.