Gn 26:14 - Chuj San Sebastian Bible

¹⁴ Til wal scalnelu, swacax, yet' schecab'; yuj cha, caw xchichn 'och ewin filisteo chi 'a 'a.

Chuj San Mateo Bible

¹⁴ Ix te aj noc' scalnel vin̈, noc' svacax vin̈ yed' schecab' vin̈. Yuj val chi' ix te chichon sc'ol eb' vin̈ filisteo chi' d'a vin̈.

Gn 26:14 Iomraidhean Croise

Gn 12:16

Yujn̈ej Sarai, yuj cha, wach' 'ix yutj win rey snab'en 'a Abram cha. Til wal calnelu, wacax, b'uru, 'axna, cameyo, til wal pax ewin checab' yet' eb' 'ix checb' siyj win rey chi 'a winac.

Gn 13:2

A Abram, caw rico, til wal oro 'a 'a, yet' plata, til wal no noc' cajb'il yu'uj.

Gn 24:35

'Ix sch'ox Jehová swach'c'ojlal 'a yib'n̈ win in patron̈ cha, caw wal rico win si'mb'il. 'Ay scalnelu, 'ay swacax, 'ay scameyo, 'ay sb'uru, caw 'ay q'uen oro yet' plata 'a 'a, 'ay pax ewin schecab', yet' eb' 'ix schecab'.

Gn 25:5

Smasnil tas 'ay 'a Abraham, 'ix ya'cn smacloc win Isaac.

Gn 30:43

'Ixta x'aj yoch Jacob ricoal, yujto niwn scalnelu, niwn ewin schecab', niwn pax eb' 'ix schecab', niwn scameyo yet' pax sb'uru.

Gn 37:11

'Ixta x'aj swach' chichn 'och eb' yu'tac chi 'a 'a, ax win mamb'il cha, niwn sna yuj jun swaych José cha.

Job 42:12

'Ix ya'n pax Dios niwtjoc tas 'ay 'a Job, 'ec'b'al 'ix yutj ya'n pax 'icha xon tas 'ay 'a win 'a yic yalan̈. Yujto 'ix q'uexc'och sb'isl scalnelu win 'a chan̈lajn̈e mil, waque mil scameyo, jun mil mojn̈ smam swacax, jun mil no 'axna.

Job 5:2

A junc 'anma may snab'en, a yowl sc'ojl chi 'oj milnoc, ax mach tznib'n 'och junc tas, 'oj c'un cham yuj schichnc'ojlal.

Salmos 112:10

Ax yic 'oj yilnc sb'a eb' maysch'olnil snab'en 'a eb', 'oj cot yowl eb', caw 'oj juch'ch'oc ye eb' scot yowal, palta jab'jnal 'oj sat 'ejm eb'. A snib'b'en eb', 'oj lajwc can 'ejmi.

Salmos 112:3

Til wal 'oj 'aj sricoal eb' 'a yatut, 'elan̈ej pax eb' 'a smasnil tiempo.

Pr 10:22

Yuj swach'c'ojlal Jehová tz'och junc mach ricoal, man̈ yujoc to caw wal tzyixtj sb'a smunlji.

Pr 27:4

A c'a'lc'ojlal yel xo wal tu', niwn tas tzjuw 'el yu'uj. Ax pax chichnc'ojlal, toc 'ay mach tztac' scoln sb'a 'a 'a.

Ec 4:4

Xwiln paxi, 'ay 'aj caw tzcob' quixtquec qui b'a qui munlji yic tzcob' qui nib'noquec q'ue'ch qui b'a yet' tas 'ay 'ayn̈ec. Nab'an̈ej jun tzon̈ munljel cha, yujto lajn wal 'icha yic tzcob' qui pechnec qui b'a yet' 'ic' yic tzcob' ca'lnoc qui yamni.

A Ch'an̈ B'ab'el Libro Samuel 18:9

A 'a yic jun c'u cha, syamn 'och Saúl schichn 'och 'a David.