Gn 23:2 - Chuj San Sebastian Bible

² yic 'ix cham 'ix 'a lum Quiriat-arba, atn 'a Hebrón 'a yol yic Canaán. Caw 'ix 'oc' win Abraham yuj schamlil 'ix Sara cha, 'ix 'ochcn win 'a cusc'ojlal yuj 'ix.

Chuj San Mateo Bible

² ayic ix cham ix d'a chon̈ab' Quiriat-arba, aton Hebrón d'a yol yic Canaán. Ix te oc' vin̈aj Abraham yuj schamel ix Sara chi', ix ochcan vin̈ d'a cusc'olal yuj ix.

Gn 23:2 Iomraidhean Croise

Gn 13:18

Yuj cha, xyi'n chan̈ Abram smantiado 'ix c'och cajn 'a sla'nil 'aj 'ay jun tzo'n̈ te ma'ach', 'a yol yic win Mamre sb'i, 'a stz'ey chon̈b' Hebrón. Xlajw cha, sb'on jun yet'l xajmb'al 'a 'aj tzyal sb'a 'a Jehová.

Gn 23:1

A 'ix Sara, 'ay 127 ab'il sq'uinal,

Gn 23:19

'Ixta to b'i'an, 'ix smucn Abraham sniwnal yistzil 'a q'uen olb'il q'uen 'ay 'a lum Macpela cha, 'a yojltac 'el yic win Mamre 'a stojlal 'aj tzq'uel c'u, atn pax tzcuch Hebrón, 'a yol yic Canaán.

Gn 24:67

Yajn̈j wal cha, 'ix yi'n 'at win Isaac 'ix Rebeca chi 'a yojl smantiado snun, atn 'ix Sara chamnac. Xlajw cha, 'ix nupn win yet' 'ix, caw wal xchamc'ojlax 'ix Rebeca chi yuj win Isaac cha. 'Ixta 'ix 'aj yec' scusc'ojlal win yuj schamlil snun.

Gn 27:41

At xo ta xchichn can 'och sc'ojl Esaú 'a Jacob, yuj tas 'ix alx can 'a yib'n̈ yuj smam cha. Yuj cha, 'ix snan 'ixtic: Jab'xoj wal 'oj in cus yuj schamlil in mam tic. Lajw xoj cha, ax in miln cham jun wu'tac Jacob tic, xchi.

Gn 35:27

'Ix 'at win Jacob 'at yil smam, atn win Isaac, cajn win 'a lum Mamre, 'a chon̈b' Arba, tzcuch pax Hebrón. Ata 'e'nc cajn Abraham yet' Isaac.

Gn 37:14

—Wach' tzach 'ati, 'at 'ilto tas yaj eco, yet' e no calnelu cha, toto wach' e no', tzlajw cha, tzach meltzj muc'uc yic tzwul alnc wab'i', xchi winac. Xchecn 'at Israel win José 'a lum span̈nil Hebrón. Ax yic xc'och José 'a yol yic Siquem,

Gn 50:1

Ax José 'ix 'och la'n̈joc 'a smam, caw x'oq'ui stz'ub'n can 'elt sti smam cha.

Gn 50:10

A yic xjaw eb' 'a Goren-ha-atad, 'a stojlal 'aj tzq'uel c'u 'a a niwn a Jordán, ata 'ix stan̈wj eb' yac'wlil sniwnal win Jacob, ax José caw wal niwquil xcus yuj smam chi 'a uque c'ual.

A Ch'an̈ Schab'l Libro Samuel 1:12

Caw x'oc' eb' yuj schamlil Saúl yet' Jonatán, an̈jtona yujto xlajw 'el eb' soldado israel 'a owal, atn eb' schon̈b' Jehová. 'Ix 'och pax eb' 'a c'ajb'c'ojlal masnto 'a yic xq'uic'b' 'ejm 'a yic jun c'u cha.

A Ch'an̈ Schab'l Libro Samuel 1:17

Xlajw cha, sb'itnan David jun b'it tic yuj schamlil Saúl yet' yuj Jonatán.

A Ch'an̈ Schab'l Libro Samuel 2:11

'Ixta x'aj David yoch sreyloc eb' yin̈tl Judá 'a uque ab'il yet' waque xo 'ujal, a jun chon̈b' 'aj xyac' reyal, atn 'a chon̈b' Hebrón.

A Ch'an̈ Schab'l Libro Samuel 5:3

'Ixta 'ajnc smasnil eb' yichmtac wincal chon̈b' Israel xwulc' paxtinc yet' win rey David 'a Hebrón. 'Ix sb'on win rey chi jun strato yet' eb' 'a Hebrón cha, xya'n 'och eb' Jehová stestigooc. 'Ix ya'n can 'och eb' David chi sreyloc.

A Ch'an̈ Schab'l Libro Samuel 5:5

Nan̈l swajxquil ab'il ya'jnac reyl 'a chon̈b' Hebrón 'a yib'n̈ eb' yin̈tl Judá, ax 'a Jerusalén, 33 ab'il ya'jnac reyl 'a yib'n̈ smasnil chon̈b' Israel yet' 'a Judá.

1 Cr 6:57

A 'a eb' yin̈tl Aarón, ata 'ix 'ajx chon̈b' Hebrón 'a yol yic Judá, atn 'a jun chon̈b' chi 'aj wach' 'at scolnc sb'a eb' ma'm cham 'anma', toto man̈ sc'anc sc'ojl eb' tzmilwji. 'Ix 'ajx pax jun tzo'n̈ xo chon̈b' tic 'a eb': atn Libna, Jatir, Estemoa,

2 Cr 35:25

Ax Jeremías 'ix sb'o jun poesía yuj snax cot schamlil Josías, yic tzb'itnaxi. Smasnil eb' winc tzb'itni yet' eb' 'ix 'ix tzb'itni, tzna cot eb' jun b'it yic schamlil rey Josías, yic tzb'itnan eb' jun tzo'n̈ b'it yic cusc'ojlal yuj eb' tzlaj chami. Ax x'aji, x'och jun tic sb'eyb'alc eb' israel. A jun tzo'n̈ tic ata tz'ib'b'il can 'a ch'an̈ libro yic b'it yic cusc'ojlal.

Nehemías 11:25

'Ay eb' yin̈tl Judá xcan cajn 'a Quiriat-arba, 'a Dibón, 'a Jecabseel, 'a Josué, 'a Molada, 'a Bet-pelet, 'a Hazar-sual, 'a Beerseba, 'a Siclag, 'a Mecona, 'a En-rimón, 'a Sora, 'a Jarmut, 'a Zanoa, 'a Adulam, 'a Laquis, 'a Azeca yet' 'a yaldeail eb', yet' a 'aj tzlaj 'och munljel, tzchaj 'at 'a Beerseba masnto 'a lum pan̈n 'a'lic yic Hinom.

Jeremías 22:10

Man̈ ex 'oc' yuj schamlil rey Josías, palta 'o'n̈ec yuj win Salum, atn win yunnal winac, yujto 'ix 'ijx 'at 'a jun 'ejmn̈ej, man̈x b'a'n̈ 'oj meltzjoc, man̈x 'oj yil slum 'aj 'ix 'alji.

Jeremías 22:18

'Ix yal Jehová 'ixtc yuj win Joacim sreyl Judá win yunnal Josías: May junc mach 'oj 'oc' yuj schamlil Joacim, may junc mach 'oj 'oc'oc yic tzyaln 'ixtic: 'Oltacn̈ wal ach wit 'anma'il, caw 'ix cham win qui reyal, 'oltac wal winac, man̈ xchic eb'.

Nm 13:22

'Ix 'ec' eb' 'a lum Neguev, masnto xc'och eb' 'a Hebrón. Ata cajn Ahimán, Sesai yet' Talmai. A eb' tic, yin̈tl can win Anac eb'. A chon̈b' Hebrón cha, yucl xo ab'il sb'o'i, yic 'ix b'o chon̈b' Zoán 'a Egipto.

Nm 20:29

Ax yic xyab'n eb' israel to xchamcn Aarón, yuj cha, lajn̈schawinq'uin̈ 'ix 'oc' eb' yu'uj.

Jn 11:35

A Jesús 'ix 'oq'ui.

A Tas Sc'ulejnac Eb' Schecab' Jesús Hechos 8:2

Xlajwn̈ej scham Esteban, 'ay jun tzo'n̈ winc 'aych snab'en 'a Dios, 'ix yi'n 'at eb' sniwnal, x'at smucnc eb'. Caw x'oc' eb' yu'uj.

Dt 34:8

Jun 'ujl 'ix 'oc' eb' yit israelal Moisés cha, x'och eb' 'a cusc'ojlal yuj schamlil win 'a lum cusltac lum yic Moab.

Josué 10:39

'Ix smiln cham eb' sreyl jun chon̈b' cha, yet' pax smasnil 'anma cajn 'a stz'ey cha. Man̈x 'a xon junc 'anma pitzn xcan ta', c'uxn xlajw 'el eb' smasnil. 'Icha wal xyutj can eb' Hebrón yet' sreyal, Libna yet' sreyal, 'ixta pax xyutj can eb' junx chon̈b' cha.

Josué 15:13

Ax Josué, a 'ix 'a'n jun macn̈ lum smacl lum eb' yin̈tl Judá 'a win Caleb yunnal Jefone. 'Icha yaj yaln Jehová, x'ajx lum Quiriat-arba 'a 'a, atn lum tzcuch pax Hebrón, atn jun chi schon̈b' eb' yin̈tl win Anac yaji.

Josué 20:7

Yuj cha, si'n 'el eb' israel jun tzo'n̈ chon̈b' 'aj wach' scoln sb'a eb' tzmilwji, atn jun tzo'n̈ chon̈b' tic: Quedes 'a Galilea 'a eb' lum jolmctac witz yic Neftalí, Siquem 'a jolm witz yic Efraín, Quiriat-arba (tzcuch pax Hebrón) 'a jolm witz yic Judá.

Josué 21:11

A 'a lum jolmctac witz yic Judá, ata x'elt Quiriat-arba, (tzcuch pax Hebrón) atn sb'ab'l chon̈b' eb' yin̈tl can win Anac,

Jueces 1:10

Xya'n pax eb' owl yet' eb' cananeo cajn 'a Hebrón, tzcuch Quiriat-arba 'a yic pecti'. 'Ix smiln can cham eb' win Sesai, win Ahimán yet' win Talmai.

A Ch'an̈ B'ab'el Libro Samuel 20:31

Yujto ya' sb'a pitzn win yunnal Isaí cha, ma'oj och reyl ach tic. Yuj cha, a ticnec 'a't saymal, tzlajw cha, tze'n cot 'ayin, yujto smoj 'oj chamoc, xchi.

A Ch'an̈ B'ab'el Libro Samuel 25:1

'Ix cham win Samuel, yuj cha, syamn sb'a smasnil eb' yit israelal, caw 'ix 'oc' eb' yu'uj. Ata smuc eb' 'a 'aj 'ay yatut 'a Ramá. Atn 'a jun tiempoal cha, 'ix 'atcn David 'a lum cusltac lum 'a yol yic Parán.

A Ch'an̈ B'ab'el Libro Samuel 28:3

A yic scham Samuel, smasnil eb' israel 'o'n̈c eb' yu'uj, smucn eb' 'a schon̈ab' atn 'a Ramá. Ax Saúl yajn̈ej spechn 'el eb' cob' jeln snan 'el junc paxti', yet' eb' tzcob' yal to tzc'umj spixn eb' chamnc 'anma 'a scal chon̈b' Israel.