Gn 22:3 - Chuj San Sebastian Bible

³ Yic wal caw sq'uin̈b'ilto, 'ix q'ue wan Abraham, 'ix ya'n 'och stz'um jun no sb'uru, stzu'n win sc'atzitz yic tz'a te yet' jun xajmb'al cha. 'Ix 'at 'a jun lugar 'aj 'ix yal Dios 'a 'a. Xyi'n 'at Isaac, yet' pax chawn̈ eb' schecab'.

Chuj San Mateo Bible

³ Axo d'a junxo c'u, te ac'valto ix q'ue vaan vin̈aj Abraham chi'. Ix yac'anoch stz'um noc' sb'uru vin̈, ix xican te' sc'atzitzal jun silab' chi' vin̈. Ix yic'anb'at vin̈aj Isaac yuninal yed' chavan̈ eb' schecab', ix b'at vin̈ yed' eb' d'a jun lugar ix yal Dios chi'.

Gn 22:3 Iomraidhean Croise

Gn 17:23

Wal 'a jun c'u cha, 'ix ya'ch Abraham yechl win Ismael yet' 'a smasnil eb' schecab', eb' to 'aljnac 'a yatut, yet' smasnil eb' to manb'il yu'uj, yet' smasnil eb' winc cajn 'ec' yet' 'a yatut. 'Ix ya'ch yechl eb' smasnil, 'icha xyutj yaln Dios 'a 'a.

Gn 21:14

A yic caw sq'uin̈b'il to 'a yic junx c'u, 'ix yac' win Abraham pan yet' jun tz'um b'ut'n yet' a 'a 'ix Agar. Xya'n scuch 'ix, xya'n pax 'och win 'unn chi 'a yol sc'ab' 'ix. 'Ix 'at 'ix, palta man̈ checloc 'aj tzc'ochi, a 'a cusltac lum 'a yol yic Beerseba, ata 'ix satcn 'at 'ix yet' win 'unn cha.

Gn 22:18

Yujto 'ix a yiclj tas 'ix wala, yuj cha, smasnil chon̈b' 'a yolyib'n̈q'uinl tic, 'oj scha eb' in yaxilal o'oj, xchi Dios 'a winac.

Gn 22:2

'Ix yaln Dios 'a Abraham 'ixtic: —'Ij 'at jun c'otn̈ win onnal Isaac, win caw chamc'ojlb'il o'oj, tzach 'at 'a lum Moriah. A yic tzach c'och 'a sjolm lum tzaln 'oj in ch'ox 'ayach, tza'n tz'a win xajmb'al-l 'ayin, xchi Dios 'a winac.

Gn 22:4

Ax 'a yic schab'jial, 'ix yiln 'at win Abraham lum witz chi 'a najat.

Salmos 119:60

Caw yajn̈j cha, xin yiclni jun tzo'n̈ a checnb'il tic, may niwn tiempo xwij 'eq'ui.

Ec 9:10

A smasnil tas tzqui b'o'ec, qui b'oc 'a smasnil qui c'ojol; yujto a yic 'oj qui chamec, yic 'ayn̈ecx 'ec' 'a campusan, toc 'ayt tas 'oj qui b'oc ta'. Ata', man̈x 'a tas 'oj qui na'ec, man̈x 'a pax yel'ch jelnal ta'.

Mt 10:37

A mach yel xo niwn tzchamc'ojlej smam snun 'a wib'an̈, man̈ smojc eb' yoch wico'oc. An̈jtona', a mach yel xo wal niwn tzchamc'ojlej yunnal 'a wib'an̈, man̈ smojc yoch eb' wico'oc.

Lc 14:26

Toto 'ay mach tzjaw 'ayin, palta yel xo niwn yel'ch smam snun 'a wib'n̈ snani, yet' yistzil, yunnal, yu'tac, yanab', yet' stzatzil, toto 'ixta', matz tac' yoch in cuywumoc.

Gl 1:16

'ix ya'n wojcoc 'el Yunnal, sec wach' tz'ec' wal-l yab'xil colnb'il 'a e cal ax man̈ ex israeloc. A 'a yic xlajw in chan Cristo, may junc 'anma cuyjnac in.

A Ch'an̈ Carta D'a Eb' Hebreo 11:8

A Abraham, caw ya'jnac 'och Dios 'a sc'ojol. Yuj cha, a yic yawtx yu'uj, syicljnac. 'Atnc 'a jun lugar ya'jnac Dios yico'oc. Wach'xam mant yojcoc 'aj tz'ati, palta yactjnac can slu'um, s'ati.

Josué 3:1

Ax 'a junx c'u cha, 'ix seb' q'ue wan Josué, x'ochx 'a b'eyl yet' eb' yit chon̈ab'. 'Ix 'el paxt eb' 'a lum Sitim, 'ix jaw eb' 'a sti a Jordán. 'Ix 'och wan eb' ta 'oxe c'u.

Josué 8:10

Ax 'a junx c'u cha, caw 'ix seb' q'ue wa'an, 'ix ya'n lista eb' soldado tz'at yet'oc. 'Ix b'ab'lj yuj eb', yet' eb' yichm wincal chon̈ab', 'ix c'och eb' yac' owl 'a chon̈b' Hai.