Gn 21:16 - Chuj San Sebastian Bible

¹⁶ Najt 'ix cot wocn 'ix sec wach' matz yil 'ix scham win 'unn chi yalni. Ax yic 'ix 'em wocan, 'ix 'o'chan̈ 'ix.

Chuj San Mateo Bible

¹⁶ Najattac ix b'at ix, ix em c'ojan ix, yic vach' max yil ix scham vin̈ yune' chi' snaani. Ayic ix em c'ojan ix chi', ix q'ue sjaj vin̈ yoq'ui.

Gn 21:16 Iomraidhean Croise

Gn 21:15

Ax yic xlajw a a 'a yol no tz'um cha, xyactn can 'ix win 'unn chi 'a yich jun te yune te'.

Gn 27:38

'Ix tew 'och wal to Esaú 'a smam, 'ix yaln 'ixtic: —¿Man̈x am wal junc xo wach'l tzalcn 'a wib'n̈ jun mamin? ¡Alcn pax a wach'l 'a wib'n̈ jun xo! xchi. Xlajw cha, 'ix 'el yaw Esaú yoc' jun 'ejm xo.

Gn 29:11

Yajn̈j wal cha, xya'n win stzatzl sc'ojl 'ix stz'ub'n 'elt win sti 'ix, xlajw cha, syamn 'och win yoq'ui.

Gn 44:34

¿Tasto wal 'oj 'at wutc wiln in mam, toto man̈ocjun ni wet'oc? Caw matz yal in c'ojl tzwa'ch in mam 'a cusc'ojlal, xchi Judá.

A Ch'an̈ B'ab'el Libro Yic Yab'ixal Eb' Rey 17:12

'Ix ta'w 'ix 'a win 'ixtic: —'A sat Jehová a Diosal tzwaln 'ayach, to man̈x xon junc woch uyb'nac. Cojxn wal jun jop jab' in harina 'ay 'a yol in xalu yet' jab'x in aceite 'a yol yet'ul, cojn tzin c'och yet' chab' in c'atztz tic, ax in b'on jab'x chi in c'ux yet' jun wune'. 'Oj lajwc xoj cha, ax qui tan̈wni b'a'n̈ 'oj qui cham yuj wejl on̈, xchi 'ix.

A Ch'an̈ B'ab'el Libro Yic Yab'ixal Eb' Rey 3:26

Palta ax 'ix snun jun 'unn pitznto cha, caw 'ix 'och pitz'n cusc'ojlal 'a 'ix yuj jun yune cha, 'ix yaln 'ix 'a win rey chi 'ixtic: —¡Mamin rey! ¡'El cab' 'a a c'ojol, matz polx 'ejm snan̈l jun 'unn pitznto tic! ¡'Ajx cab' 'a 'ix tic! xchi 'ix. Palta 'ix yaln junx 'ix cha: —Matz can wet'oc, matz can pax yet' 'ix. ¡Polx cab' 'ejm snan̈al! xchi 'ix.

Ester 8:6

Yujto caw ma'oj techjoc wu'uj, yic 'oj wilnc tas 'oj jawc 'a yib'n̈ eb' wit chon̈ab', yet' 'a yib'n̈ eb' wican, yuj tas tzon̈ satn 'el qui masnil on̈, xchi 'ix.

Is 49:15

Palta ¿tom tzsat sc'ojl junc nunb'il 'a junc yune chamc'ojlb'il yu'uj? Wach'xam pax tzsat sc'ojl 'ix jun, palta an tic ma'oj e 'at satc'ojlal wu'uj.

Jeremías 6:26

Ex wit chon̈ab', 'a'c 'och te pichl n̈achtac sat yuj e ch'oxn 'el e cusc'ojlal. 'E'n̈ec b'alb'noc 'a scal stan̈il c'ac', 'ochn̈ec 'a niwquil cusc'ojlal, 'o'n̈ec wal si'mb'il, 'icha yic tzcham junc eyunnal to jun c'otn̈ wali, yujto a jun mach 'oj qui satnec 'eli, caw jab'xoj sjaw 'ayn̈ec.

Am 8:10

A e q'uin̈ tzlaj eya'chi, 'oj wac' meltzjoc 'och cusc'ojlal 'ayex. Ax e b'it tzlaj e b'itnoc, a 'oj 'ochcn 'oc'lal 'ayx yuj chamel. Axn̈ej pichl yic cusc'ojlal 'oj eya'chi, ax e joxn 'el xil e jolom, yuj e ch'oxn 'el e cusc'ojlal. 'Oj eyoc' 'icha junc mach tz'oc' yuj schamlil jun c'otc yunnal, caw man̈ wach'c 'oj 'aj slajw c'och smasnil.

Zacarías 12:10

'Oj wac' jun espíritu yic wach' nab'enal 'a eb' yin̈tl David yet' 'a eb' cajn 'a Jerusalén, sec wach' 'oj leslwoc eb' 'ayin. Ax yic 'oj in yilnc eb' tecjnac in, 'oj 'oc' eb' 'icha yoc' junc mach tzcham jun c'otn̈ yunnal, mto yuj junc sb'ab'l 'unnal.

Lc 15:20

Yuj cha, 'ix paxt win 'a 'aj c'ochnc cha. Ax yic najt to wal sjawi, 'ix yiln sb'a smam cha, caw x'o'ch sc'ojl 'a 'a. 'Ix 'at schanoc. Caw carela x'ati. Xlajw sc'ochi, 'ix sla'n coti, stz'ub'n 'elt sti jun yunnal chi yuj tzaljc'ojlal.

Jueces 2:4

A yic xlajw yaln jun yángel Jehová chi jun tzo'n̈ tic 'a eb', 'ix syamn 'och eb' yoq'ui, caw x'el yaw eb' yoc' si'mb'il.

Rt 1:9

A cab' Jehová 'oj 'och eyet'oc, sec wach' 'oj 'ochx eyichmil jun 'ejm xo; tzaljc'ojlal 'oj e yajc 'a eyatut yet' eyichmil junjn ex, xchi 'ix. 'Ix stz'ub'n can 'elt 'ix Noemí sti eb' 'ix yalb' cha, yic tzyaln can sb'a 'ix 'a eb' 'ix, ax x'aji, syamn 'och eb' 'ix yoq'ui.

A Ch'an̈ B'ab'el Libro Samuel 24:16

A yic xlajw spaxtin David, 'ix yaln Saúl 'ixtic: —¿Tom ach David ach? ¿tom ach tzach paxtin wet'oc? ¡'Icha wal to wunnal ach! xchi. Xlajw cha, 'ix 'oc' cha'an̈.

A Ch'an̈ B'ab'el Libro Samuel 30:4

Yuj cha, 'ix 'oc' David yet' eb' winc ajun yet' cha. 'Ix 'at sjaj eb' 'a najt yoq'ui, masnto 'ix 'el yip eb'.