Gn 2:14 - Chuj San Sebastian Bible

¹⁴ Ax a yoxil, Tigris sb'i a', atn a tz'ec' 'a lum lum 'ay 'a stojlal 'aj tzq'uel c'u, atn lum Asiria sb'i. Ax a schan̈il, atn a Éufrates sb'i.

Chuj San Mateo Bible

¹⁴ Axo a' yoxil, Tigris sb'i a'. Aton a' tz'ec' oyoyoc d'a stojolal b'aj sjavi c'u d'a lum Asiria. Axo a' schan̈il, aton a' Éufrates.

Gn 2:14 Iomraidhean Croise

Gn 10:11

Xlajw cha 'ix 'at 'a Asiria; ata 'ix sb'o chan̈e xo niwc chon̈ab': atn chon̈b' Nínive, Rehobot-ir, Cala,

Gn 10:22

Eb' yunnal Sem, atn Elam, Asur, Arfaxad, Lud yet' Aram.

Gn 15:18

Atn 'a yic jun c'u cha, 'ix yac' Jehová strato 'a jun 'ejmn̈ej yet' Abram, 'ix yaln 'a 'ixtic: —A jun lum tic, 'oj wac' 'a eb' en̈til, atta tzcot lum 'a sti a b'eymal a yic Egipto, masnto 'a sti a niwquil a Éufrates.

Gn 2:13

Ax a schab'il, Gihón sb'i a', atn a tic tz'ec' oyyoc 'a lum Cus sb'i.

Gn 2:15

Xlajw cha, xya'n 'och Jehová Dios win winc 'a scal te 'awb'ente 'a Edén cha, yuj smunlj win 'a 'a, yuj stan̈wni paxi.

Gn 25:18

A smasnil eb' yin̈tl cha, 'ix c'ochcn cajn eb' 'a snan̈l lum Havila yet' Shur, 'a yojltac cot Egipto, 'a 'aj tz'at sb'el Asiria. Ata 'ix 'aj cajn eb', toxn̈ej matz yal sc'ojl eb' yican eb' cha, palta 'ix c'och cajn eb' ta'.

Ez 23:23

atn eb' 'aj Babilonia, eb' caldeo smasnil, eb' 'aj Pecod, eb' 'aj Soa, eb' 'aj Coa yet' smasnil eb' 'aj Asiria. Caw quelmtac eb' smasnil, caw wach' yilx eb'. 'Ayn̈j pax yopiso eb', 'ay eb' gobernador, 'ay eb' scapitan̈il eb' soldado, 'a'm owl wal eb' si'mb'il, 'ayn̈j q'ue eb' 'a yib'n̈ chej.

Dn 10:4

A 'a yic 24 yoch b'ab'l 'uj yic jun ab'il cha, ata 'ayn 'ec' 'a sti a niwn a tzcuch Tigris.

Dt 1:7

A ticnec, meltzjan̈c can 'at 'a lum slum eb' amorreo 'ay 'a lum jolmctac witz, yet' 'a jun tzo'n̈ xo lugar 'ay 'a sla'nil eb' cha. Tzex 'ec' 'a lum span̈nil sti a Jordán, 'a lum jolmctac witz, 'a lum pan̈ctac, 'a lum Négueb, yet' lum 'ay 'a sti a mar 'a yol yic eb' cananeo, yet' pax lum Líbano, masnto tzc'och lum 'a sti a niwquil a Éufrates.

Dt 11:24

Smasnil lum lum 'aj 'oj eyec' cha, eyic 'oj 'ajcn lu'um. A e mon̈jon, tz'el yich 'a lum cusltac lu'um, masnto tzc'och 'a Líbano, tzcotx 'a a niwquil a Éufrates masnto tzc'och 'a Mar Mediterráneo.

Apoc 9:14

'Ix yaln 'ixtc 'a jun swacl ángel 'ix yutz'j strompeta cha: —'At jiyl chan̈wn̈ ángel jalb'il 'a sti a niwn a Éufrates, xchi 'a 'a.