Gn 19:8 - Chuj San Sebastian Bible

⁸ 'Ay chawn̈ eb' 'ix wisl caw cob'es, mant 'a winc tzc'umj eb' 'ix, tztac' wi'n 'elt eb' 'ix 'ayex, yic wach' tze b'o tas tze nib'j 'a eb' 'ix. Ax 'a ewin tic, may cab' tas tu tze b'o 'a ewinac, ton̈j 'ayl ewin wul in sc'umoc, yuj cha, yowlal tzin col eb', xchi 'a ewinac.

Chuj San Mateo Bible

⁸ Ay chavan̈ eb' ix visil cob'estac, mantalaj vinac tz'ec' d'a spatic eb' ix, syal vic'anelta eb' ix d'ayex yic tze c'ulej icha e gana chi' yed' eb' ix. Palta a yed' eb' vin̈ tic, max yal-laj, yujto ton̈ej ix jacan eb' vin̈ d'a in pat tic, xchi vin̈ d'a eb' vin̈.

Gn 19:8 Iomraidhean Croise

Gn 18:5

Ya' sb'a a 'a in tz'ey tic tzex 'eq'ui, tic tzin 'at wic' jac tas tze c'uxu, yic wach' 'oj 'ochx eyip, ax e 'atxi, xchi 'a eb'. —'Ixc 'an, xchi eb' 'a 'a.

Gn 19:7

'Ix yaln 'a ewin 'ixtic: —Ex wit 'anma'il, man̈ e b'o wal tas tu'.

Gn 42:37

Yuj cha, xyaln Rubén 'a smam 'ixtic: —Man̈ ach xiw mamin, chaj 'at ni cu'tac tic quet' on̈. An tzwac' in b'a yuj na. Toto man̈xtzac japx ni wu'uj, tzta' cab' tza mil cham chawn̈ wunnal tic yuj na, xchi.

Ex 32:22

'Ix ta'w Aarón 'ixtic: —Mamin, comnoc matz cot owl 'ayin. 'In ojc wal snab'en eb' 'anma tic, caw wal tznib'j eb' sb'o maysch'olnil.

Pr 9:7

Toto tzca'c cuenta eb' b'uchwjum, cojxn tu paxti'al 'oj sc'an eb' yal 'ayn̈ec. Toto tzca'c cuenta eb' maysch'olnil, ton̈j 'oj qui b'ajxec yuj eb'.

Is 58:7

A eb' 'anma tzcham yuj wejel, 'a'c tas tzc'ux eb' eyet'oc, ax eb' may yatut, 'a'c sposada eb' 'a eyatut. Toto 'ay eb' meb'a man̈x 'a jac spichul, pichc eb' eyet'oc, man̈ eyactc eya'n sniwnal sc'ojl eb' eyit chon̈ab'.

Mr 9:6

Caw 'ix xiw chan̈ eb' scuywum Jesús cha, yuj cha, man̈ yojcoc Pedro chi tas wan yalni.

Ro 3:8

'Ay eb' tzcob' alnoc 'a in patic, tolab' tzwal 'ixtic: Yel xo wach' tz'och qui mulec, sec 'oj wach' checljoc 'eli, to cojn Dios wach', xin chi ab' yal eb'. A eb' tzaln jun tzo'n̈ tic, caw smoj 'oj 'ajxc can 'at eb' 'a scal yailal.

Jueces 19:23

'Ix yaln win 'aj n̈a chi 'ixtc 'a eb': —¡Caw ma'ay, ex wit 'anma'il! ¡Tzin tew wal 'ayex, man̈ e nalb'oc e b'on maysch'olnil yet' jun winc 'ayc' ula'il 'ayn tic!

Jueces 19:24

'Ay jun 'ix wisl caw wal cob'sto, yet' pax jun 'ix 'ix ajun yet' winac. A eb' 'ix tztac' wa'n 'el 'ayex, yic tze b'on tas tze nib'j 'a eb' 'ix. Palta man̈ e nalb'oc e b'on maysch'olnilal yet' jun winc tic, xchi winac.

Jueces 9:15

Xta'w te snun q'uix chi 'ixtic: Toto yel tzeyala to tze nib'j tzin 'och e reyloc, cotn̈ec, c'ub'jec 'el e b'a 'a yaln̈ wen̈ul. Toto matz e nib'j an tzin 'och e reyloc jun, 'elt cab' n̈iln̈joc c'ac' 'ayin, ax stz'acn eb' te c'ute 'a Líbano wu'uj, xchi te'.