Gn 19:12 - Chuj San Sebastian Bible

¹² Xlajw cha, xyaln eb' ángel 'a Lot chi 'ixtic: —Toto 'ayt mach 'ayt oj a b'a yet'oc, mto onnal, mto esil, mto a n̈i', 'ij 'at eb' 'a najt et'oc, yet' smasnil tas 'ay 'ayach.

Chuj San Mateo Bible

¹² Ix lajvi chi', ix yalan eb' chavan̈ chi' d'a vin̈aj Lot: —Tato ayto eb' ay uj a b'a yed'oc d'a tic, eb' vin̈ uninal, eb' ix isil, eb' a n̈i', ma eb' a c'ab'oc, iq'uel eb' d'a tic.

Gn 19:12 Iomraidhean Croise

Gn 19:11

Xya'n eb' ángel chi somchjc 'el snab'en ewinac, yuj cha, smasnil eb' 'ayc' 'a spatc n̈a cha, man̈xtoc stac' yiln xon eb'. Smasnil eb' quelem yet' eb' 'ichmtac winac, man̈x 'a junc mach tztac' yilni, caw 'ix c'unb' eb' sayn 'ec' smac te n̈a cha.

Gn 19:13

Yujto 'oj qui satl jun chon̈b' tic on̈, caw wal niwquil xo smaysch'olnilal eb' 'anma 'a sat Jehová, yuj cha, on̈ ya'n cot Jehová wul qui satl jun tzo'n̈ 'anma tic on̈, xchi eb'.

Gn 19:14

Xlajw cha, 'ix 'at Lot 'at yal 'a eb' sn̈i', ewin to jab'xoj yi'n sb'a yet' eb' 'ix yisl win cha, 'ix yaln 'a eb' 'ixtic: —¡C'olc eyip, q'uen̈ec wa'an, 'elcoyec! Yujto wal satl jun chon̈b' tic yuj Jehová, xchi 'a eb'. Palta ma'ix chaj eb' yab' tas 'ix yal Lot cha, ton̈j tzyal win snan eb'.

Gn 19:17

Ax yic tox 'ix 'el eb' 'a sti 'el chon̈b' cha, 'ix yaln jun ángel 'a eb' 'ixtic: —¡Yelc'ojlal tzex 'ati, colc e b'a! Man̈ ex cot q'ueln 'a e patic, man̈ ex 'och wan xon jac 'a jun 'a'lic tic, 'ixquec 'a jolmctac witz, toto matz yal e c'ojl tzex satli, xchi 'a eb'.

Gn 19:22

'Ixquec mu'c 'an, colc e b'a yic tzex 'atcn 'a cha, yujto mant 'a tas tztac' in b'oni yic mantzac ex c'och 'a jun lugar cha, xchi jun ángel cha. Yuj cha, Zoar scuchcn jun chon̈b' cha.

Gn 7:1

Ax yic xc'och sc'ual, 'ix yaln Jehová 'a win Noé 'ixtic: 'Ij 'och 'ix estzil 'a yol te barco cha, tze'n 'och eb' onnal yet' pax eb' 'ix alib', yujto cojxn ach yiclum ach 'ayn 'a scal smasnil 'anma 'a jun tiempoal tic.

Jeremías 32:39

Junxn̈ej 'oj 'aj snab'en eb' wu'uj, jun lajnxoj 'oj yutc eb' in ya'n servil 'a smasnil tiempo, yic tz'och swach'loc eb', yet' swach'loc yin̈tl eb'.

Jeremías 51:45

Ex in chon̈ab', 'eln̈ect ta', colc 'el e b'a 'a yowl in c'ojl tzjaw 'a yib'n̈ jun chon̈b' cha.

Nm 16:26

'Ix yaln 'ixtc 'a smasnil eb' 'anma cha: —'Ijec 'el e b'a 'a stz'ey smantiado jun tzo'n̈ 'anma maysch'olnil snab'en tic, man̈ eyam junc tas 'ay 'a eb', ax to laj x'aji, locn ex tzex cham yuj smul eb', xchi.

A Schab'il Carta San Pedro 2:7

Cojxn wal win Lot colchjnac 'el 'a scal eb', yujto tojl yutjnac snab'en. Yic 'ayt 'ec' eb', caw 'ochnc pitz'n cusc'ojlal 'a spixn yuj eb'.

A Schab'il Carta San Pedro 2:9

An̈jtona', 'ixta pax ticnec. Yojc Dios, tas tzyutj scoln eb' 'aych snab'en 'a 'a, yic tz'ajx prowal eb'. Yojc paxi, tas tzyutj ya'n can 'at eb' man̈ tojloc snab'en 'a yailal. Ata tzcan eb', masnto 'oj jawc jun c'ual, yic 'oj wach' b'eyc'ojlaxc eb'.

Apoc 18:4

Xlajw cha, xwab'n yoch junx paxti 'a satcha'an̈, 'ix yaln 'emt 'ixtic: —Ax xo ex wico', 'eln̈ec 'a stz'ey jun tzalx 'ixl cha, sec man̈ ex locnoc 'a jantcn̈ej maysch'olnil tzb'o'o, sec ma'oj jawc yailal 'a eyib'n̈ yet'oc.