Gn 19:1 - Chuj San Sebastian Bible

¹ Ax yic wan sq'uic'b'i, 'ix c'och eb' ángel schawn̈il 'a Sodoma. Ax Lot wocn 'ejm 'a spuertail sti chon̈ab'. 'Ix yiln sb'a 'a eb', xq'ue wa'an, x'at schanc eb'. 'Ix 'em n̈ojn 'a yojltac eb' 'a sat lu'um.

Chuj San Mateo Bible

¹ Ayic vanxo sq'uic'b'i ix c'och chavan̈ eb' ángel chi' d'a chon̈ab' Sodoma. A vin̈aj Lot c'ojanec' vin̈ d'a spuertail chon̈ab' chi'. Ix yilan vin̈ to van sja eb', ix q'ue vaan vin̈ b'at schacot eb'. Ix em n̈ojnaj vin̈ d'a yichan̈ eb'.

Gn 19:1 Iomraidhean Croise

Gn 11:27

A jun tic, yab'xil eb' yin̈tl Taré, atn win smam Abram, Nacor, yet' Harán. A Harán cha, atn smam Lot.

Gn 13:12

'Ix can Abram 'a yol yic Canaán, ax Lot, 'ix c'och cajn 'a scal eb' chuc chon̈b'al 'a ya'lical sti a Jordán, 'a sla'nil chon̈b' Sodoma.

Gn 18:16

Xlajw cha, 'ix 'atx eb' winc cha, a 'a sb'el Sodoma 'aj 'ix 'at eb'. 'Ix 'at Abraham yet' eb' jab'xo, yic tzyaln can sb'a 'a eb'.

Gn 18:22

A chawn̈ eb' winc x'ec' paxtinc yet' Abraham cha, tojl xoj x'at eb' 'a Sodoma, ax pax Abraham, 'ix cancn paxtinc yet' Jehová.

Gn 19:10

Ax ewin 'ayc' yet' Lot cha, 'ix ya'n 'elt ewin sc'ab' 'a 'a, 'ix 'ijx 'och 'a yol n̈a chi yuj eb', smacn 'elt eb' te smac n̈a cha.

Gn 19:2

'Ix yaln 'a eb' 'ixtic: —Ex wajlil, yuj wal dios 'ayex, coyc wet' 'a watut, 'ay a a 'oj e c'ana' yic tze b'icn eyoc. Wach' 'oj e way 'a jun 'ac'wl tic 'ayin, ax q'uic'an tzex seb' 'atxi, xchi 'a eb'. Palta 'ix ta'w eb' 'ixtc 'a 'a: —Yuj wal dios 'ayach, an̈ tic on̈, 'oj qui cann̈j 'a plas tic. A 'a tic 'oj qui way on̈, xchi eb'.

Gn 23:12

Palta ax Abraham cha, 'ix 'emx n̈ojn jun 'ejm xo 'a yojltac eb' 'anma cha.

Gn 48:12

Xlajw cha, xyi'n 'elt José ewin 'a scal yoc smam cha, x'em n̈ojnjoc, squiln 'ejm snan̈l sat 'a sat lu'um.

Job 29:7

A yic 'ay yamnil tz'och 'a yol chon̈ab', caw wal sayb'il in xila 'aj tzin 'emwocan.

Job 31:32

A eb' b'eymal 'anma', may 'aj xyal in c'ojl xcan eb' 'a yol caye wayoc, palta to jacnn̈ej watut 'a eb'.

Salmos 69:12

An xoj tzin yalb'tan̈j eb' wocn 'ec' 'a sti spuertail chon̈ab', ax eb' 'u'm 'an̈, tzin laj sb'itnoc eb'.

Lc 17:28

An̈jtona', 'ixta eb' 'anma 'a jun tiempoal yic yec' win Lot: May tas sna eb', ton̈j wanc eb', yu'n eb' tas tzyuq'uej. Tzlaj smannc eb' tas, tzlaj schon̈nc pax eb', tzlaj yawnc eb' slu'um, tzlaj sb'onc eb' yatut.

A Ch'an̈ Carta D'a Eb' Hebreo 13:2

Qui nac coti, to yowlal wach' tzcutjec qui b'a 'a eb' tzlaj 'ec' 'ayon̈. 'Ay eb' 'ixta yutjnac sb'a, palta man̈ yojcoc eb', toto ángel eb' 'aj wach' yutjnac sb'a eb' cha.

Rt 4:1

Ax yic 'ix sacb'i, 'ix 'at 'em chotn win Booz 'a sti spuertail chon̈b' 'aj tzyam sb'a eb' 'anma'. Jab'nant cha, 'ix jaw win 'ayt yuj sb'a yet' win Elimelec, atn jun xyal win Booz 'a 'ix Rut. 'Ix yaln win 'a win 'ixtic: —Cotn̈ 'a tic, 'emn̈ wocan, to 'oj qui paxtin jab'oc, xchi win Booz 'a winac. 'Ix syiclni win scoti, 'ix 'em wocn winac.