Gn 18:10 - Chuj San Sebastian Bible

¹⁰ Xlajw cha, xta'w jun 'a scal eb' 'oxwn̈ chi 'ixtic: —Yab'n 'ixtc wal junab', 'oj in jaw pax jun 'ejm xo wul ach wila', 'oj 'aljoc yune 'ix estzil cha, winc 'unn jun 'unn cha, xchi 'a Abraham. Ax 'ix Sara cha, ton̈j tz'ab'xni 'ix 'a tas tzalx cha, ata 'ayc' 'ix 'a spatc 'och Abraham 'a yol 'och sti smantiado eb'.

Chuj San Mateo Bible

¹⁰ Ix yalan junoc eb' icha tic: —Yab' icha tic junab', svac'anxi a paxyal, ata' ol aljoc junoc yune' ix etb'eyum tic, vinac unin, xchi d'a vin̈. Yacb'an a ix Sara chi' van smaclan yab' ix tas syala', ayec' ix d'a sti' smantiado eb' d'a spatic vin̈aj Abraham chi'.

Gn 18:10 Iomraidhean Croise

Gn 16:10

'Ix yaln pax jun yángel Jehová chi 'a 'ix 'ixtic: 'Oj wac' niwtjoc sb'isl en̈til, may mach 'oj stac' sb'isni.

Gn 17:16

'Oj wac' yaxilal 'a yib'n̈ 'ix, 'oj 'aljoc junc onnal yet' 'ix, niwn nacion̈ 'aj 'oj 'och 'ix nunb'ilal. Caw niwn eb' sreyl chon̈b' 'oj 'eltoc 'a scal yin̈tl 'ix, xchi Dios.

Gn 17:19

Yuj cha, xta'w Dios 'a Abraham 'ixtic: —Tox 'ix wal 'ayach, chajtlto 'oj jawc jun onnal yet' 'ix Sara. Isaac 'oj ac' sb'ioc, atn yet' win 'oj wac' jun in trato tic yet' 'a jun 'ejmn̈ej, yet' pax 'a eb' yin̈tl winac.

Gn 17:21

A pax in trato 'ix wac' eyet'oc, 'oj 'el'choc yet' win Isaac, win onnal 'oj 'aljoc 'a 'ix Sara yab'n 'ixtc junab', xchi 'a Abraham.

Gn 18:9

Ax yic xlajw swa eb' cha, 'ix sc'anb'n eb' 'ixtc 'a Abraham: —¿'Ajtil 'ay 'ix estzil Sara? xchi eb' 'a 'a. —'Aych 'ix 'a yol qui mantiado tic on̈, xchi winac.

Gn 21:1

'Icha yutjnac Jehová Dios yaln 'a 'ix Sara, to 'oj 'aljoc junc yune 'ix, 'ixta ton x'aj 'el'chi.

Gn 21:2

Yuj cha, scuchn chan̈ 'ix Sara yune', 'ix 'alj jun yune 'ix, yic caw 'ichm xo Abraham. X'alj win 'unn chi 'a 'icha stiempoal, 'icha yutjnac Dios yalni.

Lc 1:13

Palta xyaln jun ángel chi 'ixtc 'a winac: —Zacarías, man̈ ach xiwoc yujto xyab' Dios a lesal. Yuj cha, a 'ix estzil Elisabet, 'oj 'aljoc jun swinc 'une', ach xo 'oj ac' sb'ic Juan.

Gl 4:23

A jun 'aljnac 'a jun 'ix 'aych ya'malc servil cha, ton̈j 'aljnac, 'icha tz'aj yalj junjn 'anma'. Palta ax junx 'aljnac 'a jun mun yic sb'a yet' yichmil cha, yuj spoder Dios yalji, yujto ya'jnac Dios sti yu'uj.

Gl 4:28

Ex wu'tac, ex wanab', lajn on̈c 'icha Isaac. Yujto ya'jnac can Dios sti', on̈ 'ochc yunnaloc.