Gn 16:6 - Chuj San Sebastian Bible

⁶ Yuj cha, xta'w Abram 'ixtic: —A 'ix 'a'mal servil tic, yol a c'ab' 'ay 'ix. Ach tza na'a tas tzotj 'ix, xchi winac. Yuj cha, x'och 'ix Sarai 'ajc'ojlal 'a 'ix Agar, masnto x'at 'ix 'elc yuj 'ix.

Chuj San Mateo Bible

⁶ Ix tac'vi vin̈aj Abram chi' icha tic: —A ix a criada tic, yol a c'ab' ayoch ix. A ach tza na' tas tzutej ix, xchi vin̈ d'a ix. Yuj chi' ix och ix Sarai ajc'olal d'a ix masanto ix elta ix.

Gn 16:6 Iomraidhean Croise

Gn 16:9

Yuj cha, 'ix yaln jun yángel Jehová chi 'ixtc 'a 'ix: —Meltzjan̈ 'a 'ix a patron̈ cha, yiclum tzotj a b'a 'a 'ix, xchi.

Gn 24:10

Xlajw cha, 'ix si'n 'elt siylab' caw wach' 'ay 'a scal smasnil tas 'ay 'a spatron̈ cha, 'ix yi'n 'at lajn̈wan̈ no cameyo yet'oc, yic 'ix 'at 'a schon̈b' can win Nacor 'a yol yic Mesopotámia.

Job 2:6

'Ix yaln Jehová 'ixtc 'a winac: —'Ixta cab' tz'aj 'an. 'Ilto tas tzotj a b'a yet' sniwnal winac, cojn b'i'an may aln ec a milni, xchi Dios 'a winac.

Ex 2:15

'Ix c'och pax yab'xil 'a win rey, to a Moisés 'ix miln jun win 'aj Egipto cha. Yajn̈j wal cha, x'at ya'nc win rey chi sayxoc 'eq'ui, yic tzmilx chamoc. Yuj cha, 'ix 'at Moisés 'elc 'a win rey, axta 'ix c'och 'a yol yic Madián, ata 'ix 'em wocn 'a sti jun a 'uc'b'il a'.

Pr 14:29

Toto 'ay qui niwnc'ojlalec, tzyal 'el'chi jeln on̈ec; palta toto c'un scot cowlec, tzyal 'el'chi to may qui nab'enec.

Pr 15:1

A mach wach' tzyutj spacn junc paxti', tztup 'ejm owl yu'uj; ax toto ow tzyutj spacni, ton̈j tzwach' niwtj junc owl chi yu'uj.

Pr 27:8

A win winc tz'actn can yatut yet' yunnal, lajn wal win 'icha junc no ch'ic tzyactj can so yet' yune'.

Pr 29:19

A mach ton̈j tzyal yet' sti 'a junc schecab', matz yac' cuenta, wach'xam tznachj 'el yu'uj, palta matz yiclj jun checb' cha.

Ec 10:4

Q'uinloc a junc mach yajl yaj 'ayn̈ec tzcot yowl yuj junc qui paltail, man̈ yajn̈joc cha, tzcactnec can copiso 'aj 'ayn̈ec 'ochi. Toto tzquijec 'ejm qui b'a, 'ay sb'omb'il jun qui paltail cha, wach'xam niwquil yalxi.

Jeremías 38:5

'Ix ta'w win rey Sedequías 'a eb' 'ixtic: —Tztac' e b'on tas tze nib'j 'a winac. Aln tic, may jac tas tztac' waln 'ayex, xchi winac.

Josué 9:25

A ticnec 'ayn̈ xo 'ec' 'a yol e c'ab', ax tze na'a tas tzon̈ eyutj on̈, xchi eb'.

A Sb'ab'el Carta San Pedro 3:7

Ax xo ex 'ichmilab'il, caw wach' tzeyutj e nab'en 'a eyistzil. Nachj cab' 'el eyu'uj, to lajn eb' 'icha junc chen c'un spoji. 'Ay cab' yel'ch eb' 'a e sat, yujto junn̈j e q'uinl xe chaj yet' eb' yuj swach'c'ojlal Dios. 'Ixta tzeyutj e b'a 'a eb', sec ma'oj juwc e lesl yet' eb'.