Gn 16:3 - Chuj San Sebastian Bible

³ A yic slajn̈il xo ab'il sjaw eb' 'a Canaán, xya'n 'och 'ix Sarai chi 'ix ya'mal servil chi 'a yol sc'ab' yichmil cha, yic tz'och 'ix schab'l 'istziloc winac.

Chuj San Mateo Bible

³ Slajun̈ilxo ab'il ayec' eb' d'a Canaán, ix yac'anoch ix scriada ix chi' d'a yol sc'ab' vin̈ yetb'eyum chi', yic tz'och ix schab'iloc yetb'eyum vin̈.

Gn 16:3 Iomraidhean Croise

Gn 16:16

Ax Abram 86 ab'il sq'uinal yic 'ix 'alj Ismael cha.

Gn 16:4

Yuj cha, xway Abram yet' 'ix Agar cha, 'ix scuchn chan̈ 'ix yune'. Palta ax xyab'n 'ix to 'ayx 'unn chi 'a 'ix, yuj cha, man̈x 'a yel'ch 'ix Sarai 'a sat 'ix.

Gn 16:5

Yuj cha, xyaln 'ix Sarai 'a win Abram 'ixtic: —¡O'oj, yuj cha, tzin syajn 'el 'ix 'ix xwac' 'aych tic! Tic wal pax an 'ix wac' 'ix 'ayach. Ocxom wal 'oj 'aljoc yune 'ix cha, caw niwn yel'ch 'ix 'a wib'n̈ tzyutj snani. Sb'eyc'ojloc on̈ cab' Jehová et'oc, ach am 'ay a mul, mto a 'in, xchi 'ix Sarai.

Gn 25:6

Ax pax eb' yune jun tzo'n̈ xo eb' 'ix yistzil win Abraham cha, cojn siylab' xya'cn win 'a eb'. A yic pitznto winac, 'ix syamn 'och schecn can 'el ewin 'a stz'ey Isaac, 'ix checx can 'at eb' 'a lum lum 'ay 'a stojlal 'aj tzq'uel c'u.

Gn 28:9

Yuj cha, 'ix 'at Esaú yil win yu'tac smam atn Ismael, win yunnal can Abraham, 'ix yi'n sb'a win yet' jun 'ix yisl win Ismael cha, Mahalat sb'i 'ix, yanb' win Nebaiot. 'Ix 'och 'ix yistloc win Esaú yet' eb' 'ix yistzil xon cha.

Gn 30:4

Xya'n 'ix Raquel 'ix ya'mal servil chi 'a win Jacob, xyi'n sb'a win yet' 'ix.

Gn 30:9

Ax yic xyiln pax 'ix Lea, chajtlto man̈xtzac 'alj yune 'ix, yuj cha, xya'n 'ix 'ix ya'mal servil chi 'a Jacob, atn 'ix Zilpa.

Gn 32:22

A 'a yic jun 'ac'wl cha, xq'ue wan win Jacob, xya'n b'ab'ljoc win eb' 'ix yistzil schawn̈il, yet' eb' 'ix ya'mal servil eb' 'ix, yet' pax eb' yunnal yuxlchwan̈il, yet' smasnil tas 'ay 'a 'a, 'ix 'e't eb' 'a a a tzcuch Jaboc.

Gn 35:22

A yic cajn 'ec' eb' 'a jun lugar cha, ax win Rubén win yunnal Israel cha, xway win yet' 'ix Bilha, 'ix schab'l 'istzil smam cha, palta xyab' sb'a win mamb'il chi yuj tas sb'o winac. Lajchwan̈ ewin yunnal win Jacob.

A Ch'an̈ Schab'l Libro Samuel 5:13

A yic yel David 'a chon̈b' Hebrón, yic xc'och 'a Jerusalén, 'ayt jun tzo'n̈ xo eb' 'ix 'ix x'och yistzilc ta', yuj cha, til to wal yunnal, yet' eb' yisl x'alj to yet' eb' 'ix 'ix cha.

A Ch'an̈ B'ab'el Libro Yic Yab'ixal Eb' Rey 11:3

'Ix juw snab'en win yuj eb' 'ix. 'Ay uque ciente eb' 'ix yistl win cha. A eb' 'ix cha, yisl ewin rey eb' 'ix smasnil. 'Oxe ciente eb' 'ix schab'l 'istl winac.

Gl 4:25

A 'ix Agar cha, tzyal 'el'chi, atn lum witz Sinaí 'ay 'a yol yic Arabia. A ticnec, a Jerusalén 'icha to yicto witz Sinaí, yujto a eb' 'ay 'a jun chon̈b' cha, caw 'aych eb' ya'malc servil ley.