Gn 15:9 - Chuj San Sebastian Bible

⁹ Yuj cha, 'ix yaln Dios 'a 'a: —'Ij cot junc no cob's wacx 'ayin, yet' junc no chiwo, yet' junc no mam calnelu. 'Oxe ab'il sq'uinl junjn e no', tze'n cot pax junc no cowojte', yet' junc no parama, xchi Dios.

Chuj San Mateo Bible

⁹ Ix yalanxi Jehová: —Ic'cot junoc noc' cob'es vacax d'ayin yed' junoc noc' chiva yed' junoc noc' ch'ac calnel, oxe' ab'il sq'uinal junjun noc'. Tzic'anpaxcot junoc noc' cuvajte' yed' junoc noc' paramuch, xchi d'a vin̈.

Gn 15:9 Iomraidhean Croise

Gn 15:10

'Ix yi'n cot Abram smasnil jun tzo'n̈ no noc' tic 'a yojltac Dios. 'Ix spojn win snan̈l junjn no', chachmb'a xyutj win snan̈l e no', ax no ch'ic cha, ma'ix spoj win snan̈l e no'.

Gn 15:8

—'Ix yaln Abram 'ixtic: Ach Wajlil Jehová, ¿tas wal tzwutj wojcan 'eli toto yel 'oj wico'oc jun lum tic? xchi.

Gn 22:13

Xlajw cha, xyiln 'at Abraham to sut'n can sch'ac jun no calnelu 'a scal q'ui'ix. Yuj cha, 'ix 'at yi'nc cot win no calnelu cha, 'ix ya'n tz'a win no xajmb'al-l sjelc win Isaac.

Salmos 50:5

Tzyaln 'ixtic: Molb'tzej cot eb' to wicxo yaji, eb' xya' yofrenda 'ayin yic sb'on eb' jun strato wet'oc, xchi.

Cantares 2:12

Til xo wal te nichte tz'el-l ticnec 'a sat lum lum tic, stiempoal xo wal yoch b'it 'a 'aj tzcab' yoc' e no cowojte'.

Is 15:5

Caw wal tzcus in c'ojl yuj eb' 'aj Moab; a eb' 'anma 'a jun chon̈b' cha, 'oj 'at eb' 'eloc. Atta 'oj c'och eb' scol sb'a 'a Zoar, masnto 'oj c'och eb' 'a Eglat-Selisiya. 'Oj q'ue'choc eb' 'o'c 'a lum tzaln Luhit; yet' 'aj tz'ec' sb'el Horonaim. Caw wal ji'jmtac yoc' eb' yab'n syal tas tzjaw 'a yib'n̈ cha.

Lv 1:10

Toto calnelu mto chiwo no tz'ajx xajmb'al-l cha, yowlal a junc no smam tzyac' junc mach cha, no may spaltail.

Lv 1:14

Toto ch'ic junc no xajmb'al tz'ajx tz'a 'a wojltac, yowlal a junc no cajb'il ch'ic, junc no cowojte', mto junc no parama tz'ajxi.

Lv 1:3

Toto wacx no tzyac' xajmb'al-l cha, a wal junc no quelm wacx caw wach' may spaltail, a tzyij cot 'a wojltac 'a yamq'uil Mantiado.

Lv 12:6

A yic tz'acw jun tzo'n̈ sc'ul 'a yic tzb'ox can 'el'ch sc'ojl 'ix, wach'xam winc 'unin, mto 'ix 'unn jun yune 'ix cha, yowlal tzyij cot 'ix nunb'il chi junc no quelm calnelu jun ab'il sq'uinal yet' junc no cowojte', mto junc no parama. Tzya'n 'ix no 'a win ya'mal 'och sti eb' 'anma', yic tz'a no xajmb'al-l 'a yojltac Mantiado 'a 'aj tzin chaj in b'a eyet'oc.

Lv 12:8

Toto a 'ix nunb'il cha, matz tac' ya'n 'ix junc no calnelu, tztac' tzyij cot 'ix chawn̈oc no cowojte', mto chawn̈oc no parama, ax win ya'mal 'och sti eb' 'anma chi tz'a'n tz'a junc no xajmb'alil, ax junc xo no tz'ajx xajmb'al-l yuj mul. 'Ixta tz'aj sacb'tzan sb'a 'ix sec tztac' sjapx 'ix yalsb'a 'ayn 'a in cajnub', xchi Dios 'a Moisés.

Lv 14:22

Tzyi'n cot pax chawn̈oc no cowojte', mto chawn̈oc no parama, a tzyal tas tztechj yuj junc 'anma cha, jun no tz'ajx xajmb'al-l yuj yajx lajwc smul, ax junx no tz'ajx tz'a smasnil xajmb'alil.

Lv 14:30

An̈jtona', tzyi'n 'och win ya'mal 'och sti eb' 'anma chi junc no cowojte', mto junc no parama cha.

Lv 3:1

Xyaln pax Dios 'ixtc 'a Moisés: Toto 'ay mach tz'a'n junc no nun wacax, mto junc quelm wacx xajmb'al-l yic junc'ojlal 'a wojltac an Jehová in, a no noc' cha, yowlal may spaltail no'.

Lv 3:6

Toto 'ay mach tz'a'n junc no calnelu, mto junc no chiwo xajmb'al-l yic junc'ojlal 'ayin, tztac' ya'n junc no smam mto junc no snun, cojn to may spaltail no'.

Lv 9:2

'Ix yaln 'a Aarón 'ixtic: 'Ij cot junc no quelm wacax, yic tz'och no xajmb'al-l yuj yajx lajwc a mul, yet' junc no mam calnelu, tza'n tz'a no xajmb'alil, no may spaltail, tz'a'n 'och no 'a yojltac Jehová.

Lv 9:4

Tzyi'n cot eb' junc xo no wacax, yet' junc xo no mam calnelu; tzmilx cham e no 'a yojltac Jehová xajmb'alil, yic tzch'oxn 'eli, to 'ay junc'ojlal 'a scal eb' 'anma yet' Dios. Tzyi'n pax cot eb' ofrenda 'a 'ixm sat trigo mto 'ixm cebada, calb'il yet' aceite, yujto a Jehová 'oj sch'ox sb'a 'ayx ticnec, xchi Moisés 'a Aarón.

Lc 2:24

X'at ya'nc pax eb' jun tzo'n̈ xajmb'al, 'icha tzyal sley Cajlil yuj eb' meb'a', yic yalx can 'ixtic: Yowlal tz'ajx chawn̈oc no parama mto chawn̈oc no cotc cowojte yuj jun 'unn cha, xchi.