Gn 14:3 - Chuj San Sebastian Bible

³ A own̈ eb' rey tic, 'ix smol alj eb', xya'n eb' syam sb'a eb' soldado 'a span̈nil lum Sidim, 'a 'aj 'ay a Mar Muerto.

Chuj San Mateo Bible

³ A ovan̈ eb' vin̈ rey chi' ix slajtiej sb'a eb' vin̈, junxon̈ej ix yutej soldado eb' vin̈ d'a jun ac'lic scuch Sidim b'aj ay a' mar Muerto ticnaic.

Gn 14:3 Iomraidhean Croise

Gn 14:10

A 'a smasnil lum niwn pan̈n yic Sidim, til wal 'aj tzpac' q'uet jun asfalto lajn 'icha tzataj. Yuj cha, a yic x'at win sreyl Sodoma yet' win yic Gomorra 'eloc, 'ay eb' soldado eb' x'atcn 'a scal asfalto cha, ax jun tzo'n̈ xo eb', x'at eb' 'elc 'a jolmctac witz.

Gn 14:4

A eb' rey tic, lajchwe xo ab'il 'aych eb' 'a yaln̈ sley win rey Quedorlaomer cha. Palta ax 'a yoxlajn̈il ab'il 'ix snan eb', to tzyij 'el sb'a eb' 'a yaln̈ sley winac.

Gn 14:8

Ax eb' own̈ rey cha, atn win yic Sodoma, win yic Gomorra, win yic Adma, win yic Zeboim, yet' win yic Bela, 'ix 'at eb' yown̈il 'a lum niwn pan̈n yic Sidim. Ata 'ix yac' ewin owl yet' eb' rey cha, atn Quedorlaomer, Tidal, Amrafel, yet' Arioc. A eb' tic rey eb' 'a Elam, 'a Goím, 'a Sinar, yet' 'a Elasar.

Gn 19:24

Ax 'a satcha'an̈, ata 'ix ya' cot Jehová c'ac' yet' azufre 'a yib'n̈ chon̈b' Sodoma yet' Gomorra.

Salmos 107:34

A lum lum 'ay syaxil sat, tzyac' jelmjoc sat lu'um yic man̈x 'a sb'al tzyac'a; yuj smul eb' 'anma cajn 'a sat lu'um, 'ixta tz'aji.

Nm 34:12

tz'atxn̈ej 'a sti a Jordán, masnto tzlajw c'och 'a sti a Mar Muerto. A smasnil jun tzo'n̈ mon̈jon cha, a tz'ochcn smon̈jonoc e lum cha, xa chi 'a eb', xchi Dios 'a Moisés.

Dt 3:17

Ax lum 'ay 'a stojlal 'aj tzq'uel c'u, 'ix wac' lum span̈nil sti a Jordán 'a eb'. Lum tzq'ue'ch 'a span̈nil lum tzaln Pisgá 'a stojlal 'aj tzq'uel c'u, atn jun chi mon̈jon yaj 'a a niwquil a Jordán. Tz'atn̈j sti a Jordán cha, tzc'och 'a jun a niwquil pama tzcuch Quinéret masnto tzc'och 'a a mar yic Arabá, atn pax a tzcuch Mar Muerto.

Josué 3:16

Span̈tzan sb'a a 'a snajtil 'el sti chon̈b' Adam, masnto 'ix c'och a ste'n sb'a 'a 'aj 'aych smuroal chon̈b' Saretán. Ax a xcan 'a yaln̈ 'ejm cha, 'ix b'eyn̈j 'at a', masnto xlajw c'och 'a a Mar Muerto. 'Ix tacj can chan̈ sb'e a cha, ya sb'a x'ec' eb' israel 'a yojl a'.