Gn 13:8 - Chuj San Sebastian Bible

⁸ Yuj cha, 'ay jun c'u, 'ix yaln Abram 'a Lot 'ixtic: Caw an̈to 'ochi, man̈ smojc ca'n owal, 'ixta pax eb' yilmal qui cajb'en noc', man̈ smojc ya'n eb' owal.

Chuj San Mateo Bible

⁸ Ay jun c'ual ix yal vin̈aj Abram d'a vin̈aj Lot chi' icha tic: Ina ayto cuj co b'a, man̈ vach'oc tato scac' oval, vach'chom a eb' stan̈vumal noc' co molb'etzal noc' tic, man̈ vach'oc tato syac' oval eb'.

Gn 13:8 Iomraidhean Croise

Gn 13:9

A smasnil jun lum tic, coln yaj lu'um, tztac' a si'lni 'aj tzach cani, yic wach' tzqui poj qui b'a. Toto tzach 'ochcn 'ixtic, an xo tzin 'elcni. Toto tzach 'elcn 'ixtc jun, an xo tzin 'ochcni, xchi Abram 'a Lot.

Gn 14:14

A yic 'ix yab'n Abram to 'ix 'ijx 'at Lot 'icha presoal, yuj cha, 'ix syamb'tzan smasnil ewin schecb' to cuyb'il 'a owal, atn eb' 'aljnac 'a yatut, 'ay 3l8 eb' 'a smasnil. Xlajw cha, 'ix 'at eb' 'a spatc chan̈wn̈ eb' rey cha, atta 'ix yamchj eb' yuj eb' 'a chon̈b' Dan.

Gn 45:24

A yic xyaln can sb'a eb' yu'tac José chi 'a 'a, xyaln 'a eb' 'ixtic: —Man̈ eyac' owl 'a yol b'e, xchi 'a eb'. Xlajw cha, xpaxt ewinac.

Gn 46:34

tzeyalni, chajtlto 'ilm ex calnelu, 'ilm ex pax wacax. Cojn no calnelu tic tzqui caj 'icha eb' qui mam quichm on̈, xe chi 'a winac, sec wach' 'oj e can 'a lum Gosén tic, yujto a ewin 'aj Egipto tic, 'ay yowlal yuj eb', toto junn̈j tz'aj eb' yet' eb' cajm calnelu, xchi José cha.

Salmos 133:1

'Iltec wali, til wal sja'l yaj eb' to yu'tac sb'a, yanb' sb'a mto snul'j sb'a yic junn̈j tzyutj eb' snab'en smasnil.

Ex 2:13

Ax 'a junx c'u, 'ix 'at yilnc eb' yit chon̈b' chi jun 'ejm xo, ax xyilni to wan ya'n pax chawn̈ eb' yit chon̈b' chi owal. Yuj cha, sc'anb'n 'ixtc 'a win 'ix ma'wj cha: —¿Tas yuj tza mac' win et chon̈b' tic? xchi Moisés cha.

Pr 15:1

A mach wach' tzyutj spacn junc paxti', tztup 'ejm owl yu'uj; ax toto ow tzyutj spacni, ton̈j tzwach' niwtj junc owl chi yu'uj.

Pr 15:18

Toto c'un scot cowlec, cojn owl tzq'ue wan cujec; ax toto niwn qui c'ojlec, tzca'c tup owal.

Pr 20:3

A mach tzten 'ejm owal, caw wal wach' yico'; ax mach tu snab'en, ton̈j tzwach' tzuntzj owl cha.

Mt 5:9

A eb' 'a'm tup owal, caw wach' yic eb', yujto 'oj yal Dios yunnalc eb'.

A Tas Sc'ulejnac Eb' Schecab' Jesús Hechos 7:26

Ax 'a yic junx c'u, 'ix c'och 'a chawn̈ xo eb' yit chon̈ab'. 'Ix yilni, wan ya'n eb' owal. Tznib'j Moisés tzcan eb' 'a junc'ojlal. Yuj cha, xyaln 'a eb' 'ixtic: Ex winac, ¿tas yuj tzeyac' owal? 'In eyit chon̈b' e b'a, xchi 'a eb'.

Ro 12:10

Caw wach' tzlaj cutquec qui chamc'ojlan qui b'a, yujto quit creyentealec qui b'a qui masnil. Yowlal tzquijec 'ejm qui b'a 'ayn̈ junjn on̈, sec wach' 'ay quel'ch junjn on̈c 'a qui sat.

A Scarta San Pablo D'a Eb' Aj Filipos 2:14

A yic tz'ajx e b'o junc tas, man̈ e b'o yet' e chichnc'ojlal. Man̈ laj eyal-l tas yuj tz'ajx e b'o'.

1 Ts 4:9

Man̈ yowlalc an tzwalb't 'ayex, tze chamc'ojlan eb' eyit creyenteal. Yujto caw a Dios tz'a'n nachjc 'el eyu'uj, tas tzeyutj e chamc'ojlan e b'a.

A Ch'an̈ Carta D'a Eb' Hebreo 12:14

Caw tzeyac' 'ip sec toq'ue junc'ojlal 'oj e can yet' smasnil 'anma'. Caw tze wach' 'a'j 'och e nab'en 'a Cajlilec, yujto a eb' matz ya'ch snab'en 'a 'a, toxn ma'oj yil eb'.

A Ch'an̈ Carta D'a Eb' Hebreo 13:1

Man̈ cactquec can qui chamc'ojlan qui b'a, yujto quit creyentealec qui b'a.

A Sb'ab'el Carta San Pedro 1:22

A ticnec, [yuj Yespíritu Dios] xqui yiclniec jun cuynb'il caw yel. 'Ixta xcutjec qui tojlb'tzan qui b'eyb'al, sec caw yel 'ay qui chamc'ojlalec 'a eb' quit creyenteal. Yuj cha, yowlal tzlaj qui chamc'ojloquec qui b'a 'a smasnil qui c'ojol, yet' 'a smasnil quip.

A Sb'ab'el Carta San Pedro 2:17

'Ay cab' yel'ch junjn mach 'a qui satec. Tzqui chamc'ojlanc pax eb' quit creyenteal. Xiw coyc 'a Dios. Niwn cab' yel'ch pax win rey 'a qui satec.

A Sb'ab'el Carta San Pedro 3:8

An̈jtona', tzwaln pax 'at junx tic 'ayex. Caw junxn̈ej tzlaj eyutc e nab'en e masnil. Toto 'ay eb' tzcusi, tzex colwj 'a eb'. Tzlaj e chamc'ojloc e b'a, yujto creyente ex. Tzlaj 'o'ch e c'ojl 'ayx junjn ex. 'Emmquil tzeyutj e b'a junjn ex.

A Sb'ab'el Carta San Pedro 4:8

Ax junx 'oj walb't 'ayx tic, to caw tzlaj qui chamc'ojloquec qui b'a yet' smasnil qui c'ojol. Wach'xam caw niwn smul junc xo mach 'ayn̈ec, toto 'ay qui chamc'ojlalec, 'oj ca'c niwnc'ojlal 'a 'a.

A Schab'il Carta San Pedro 1:7

Caw wach'n̈j tzcutjec pax qui nab'en 'a eb' quit creyenteal, tzqui chamc'ojlanec qui b'a yet' eb'.

1 Jn 4:7

Ex wu'tac, ex wanb' chamc'ojlb'il wu'uj, caw qui chamc'ojloquec qui b'a, yujto a jun chamc'ojlal, a 'a Dios tzcoti. Toto tzqui chamc'ojlejec qui b'a, to 'ixta', yunnaln̈ec Dios, 'ojcab'ilx cujec.

Jueces 9:26

A 'a yic jun tiempoal cha, ata 'ix c'och win Gaal win yunnal Ebed sc'umc eb' yican 'a Siquem. Ax x'aji, 'ix montchj eb' 'aj Siquem chi yu'uj. 'Ix schan sc'ojl eb' tas xyal winac.