Gn 13:1 - Chuj San Sebastian Bible

¹ A yic 'ix 'el paxt Abram yet' yistzil 'a Egipto, yet' smasnil tastc 'ay 'a 'a, axta xjaw eb' 'a yol yic Neguev, ajun Lot yet' eb'.

Chuj San Mateo Bible

¹ Ayic ix el vin̈aj Abram yed' ix yetb'eyum d'a Egipto chi' yed' masanil tas ay d'a vin̈, ix meltzaj eb' d'a yol yic Neguev. Ix meltzajpax vin̈aj Lot yed' eb'.

Gn 13:1 Iomraidhean Croise

Gn 20:1

'Ix 'elx win Abraham 'a lum yic Mamre, 'ix 'atcn 'a yol yic Neguev, 'a jun chon̈b' tzcuch Gerar, ata 'ay 'a snan̈l Cades yet' Shur.

Gn 21:33

A 'a Beerseba cha, ata 'ix yawj Abraham jun te te tzcuch tamarisco. Ata tz'och Abraham chi 'emmquilal 'a Jehová, atn jun Dios 'ayc' 'a smasnil q'uinal.

A Ch'an̈ Schab'l Libro Samuel 24:7

Xlajw cha, 'ix 'at eb' 'a stojlal Tiro, 'ix 'ec' eb' 'a smasnil schon̈b' eb' heveo, yet' 'a schon̈b' eb' cananeo. Xlajw cha, 'ix jaw eb' 'a Beerseba, 'a Neguev 'ay 'a yol yic Judá.

Nm 13:17

A yic schecn 'at Moisés eb' tz'at 'ilnoc lum Canaán cha, 'ix yaln 'a eb' 'ixtic: —'Ixquec 'a lum Neguev, tzlajw cha, tzex q'ue'ch 'a lum jolmctac witz.

Josué 10:40

A Josué satn 'el smasnil eb' 'anma cajn 'a jun tzo'n̈ lugar cha. 'Ix satl smasnil eb' rey 'ay 'a lum jolmctac witz, eb' 'ay 'a yol yic Neguev, eb' 'ay 'a lum niwc pan̈an yet' eb' 'ay 'a lum pa'ctac. C'uxn xcham eb' smasnil yu'uj, man̈x 'a xon wal junc mach pitzn xcan 'a jun tzo'n̈ chon̈b' cha. C'uxn satl eb' smasnil 'icha yaj yaln Jehová, atn sDiosal Israel.

Josué 18:5

A jun tzo'n̈ winc cha, uc macn̈ 'oj yutc eb' spojn lum lum cha, mun tzcancn Judá yet' slum 'a stojlal sur, ax eb' yin̈tl José, mun tzcan eb' 'a lum 'ay 'a stojlal snorteal yic Judá.

A Ch'an̈ B'ab'el Libro Samuel 27:10

A yic tzc'anb'n Aquis junjn 'ejm 'ixtc 'a David: ¿Tas chon̈b'al xit' 'ac' lajwc ticnec? xchi. Atn 'a stojlal sur yic Judá, mto 'a stojlal sur yic Jerameel, mto 'a stojlal sur yic slum eb' ceneo, xchi David cha.