Gn 12:8 - Chuj San Sebastian Bible

⁸ Xlajwn̈ej cha, 'ix cotxi, axta 'ix japx 'a eb' lum jolmctac witz 'a snan̈l chon̈b' Bet-el yet' chon̈b' Hai. Ata x'aj cajan. A chon̈b' Bet-el cha, ata 'ay 'a stojlal 'aj tz'em c'u. Ata 'ix sb'o junx yet'l xajmb'al, 'a 'aj tzyal sb'a 'a Jehová.

Chuj San Mateo Bible

⁸ Ix lajvi chi', ix b'at vin̈ d'a tzalquixtac d'a snan̈al chon̈ab' Betel yed' chon̈ab' Hai. Ata' ix sb'oq'ue smantiado vin̈. A chon̈ab' Betel chi', a d'a stojolal b'aj tz'em c'u ay. Ata' ix sb'o junxo altar vin̈ yic syal sb'a vin̈ d'a Jehová.

Gn 12:8 Iomraidhean Croise

Gn 13:18

Yuj cha, xyi'n chan̈ Abram smantiado 'ix c'och cajn 'a sla'nil 'aj 'ay jun tzo'n̈ te ma'ach', 'a yol yic win Mamre sb'i, 'a stz'ey chon̈b' Hebrón. Xlajw cha, sb'on jun yet'l xajmb'al 'a 'aj tzyal sb'a 'a Jehová.

Gn 13:3

'Ix 'el paxt 'a Neguev cha, c'ojnc'ojnil 'ix japx 'a yol yic Bet-el, 'a 'aj 'e'nc 'a b'ab'el, atn 'a snan̈l Bet-el yet' Hai.

Gn 13:4

Ata b'ob'il jun yet'l xajmb'al yuj 'a yic yaln̈taxi. A pax ta 'ix yalx sb'a 'a Jehová jun 'ejm xo.

Gn 21:33

A 'a Beerseba cha, ata 'ix yawj Abraham jun te te tzcuch tamarisco. Ata tz'och Abraham chi 'emmquilal 'a Jehová, atn jun Dios 'ayc' 'a smasnil q'uinal.

Gn 22:9

Ax yic xc'och eb' 'a 'aj 'ix yal Dios cha, 'ix sb'on Abraham jun yet'l xajmb'al, 'ix sb'on q'ue te c'atztz 'a yib'an̈. Xlajw cha, sjaln jun yunnal cha, 'ix ya'n q'ue 'a yib'n̈ te c'atztz 'ay q'ue 'a yib'n̈ yet'l xajmb'al cha.

Gn 26:25

'Ixta to b'i'an, 'ix sb'on Isaac jun yet'l xajmb'al 'a jun lugar cha, 'ix yaln sb'a 'a Jehová. 'Ix can cajn 'a jun lugar cha, ax eb' schecab', 'ix sjoy eb' junx a 'uc'b'il a ta'.

Gn 28:19

A 'a jun lugar cha, ata 'ay jun chon̈b' xon 'a pecti', tzcuch Luz, palta ax Jacob xjeln can sb'i, xya'n sb'ic Bet-el.

Gn 31:25

Xjaw Labán 'a spatquil Jacob 'a lum tzaln 'a yol yic Galaad. Ata 'ayq'ui yic xjaw win Labán yet' ewin yican ajun yet'oc, sb'on chan̈ pax scamplamento ta'.

Gn 33:20

Sb'on pax jun yet'l xajmb'al ta', xya'n sb'ic El-Elohe-Israel.

Gn 35:3

Coyc mu'c 'a Bet-el, ata 'oj in b'o junc yet'l xajmb'al yuj yi'mb'ilc chan̈ sb'i Dios, atn jun colwjnac wet'oc yic 'ayn 'och wal 'a somc'ojlal, xcolwj pax wet' 'aj in laj 'eq'ui, xchi winac.

Gn 35:7

Ata sb'o win jun yet'l xajmb'al, xya'n sb'ic jun lugar chi El-bet-el, yujto a yic x'at 'elc 'a yu'tac, ata xch'oxjnac sb'a Dios 'a 'a.

Gn 4:26

Ax win Set cha, x'alj jun yunnal, xya'n sb'ic Enós. Atn 'a yic jun tiempoal cha, ata 'ix 'el yich yaln sb'a eb' 'anma 'a Jehová.

Gn 8:20

'Ix sb'on Noé jun yet'l xajmb'al 'a yojltac Jehová, 'ix yi'n cot win no noc' yet' no ch'ic wach' yoch xajmb'alil. Junjn 'a junjn c'aj no', xya'n tz'a win e no 'a yib'n̈ yet'l xajmb'al.

Nehemías 11:31

Ax eb' yin̈tl Benjamín, 'ay eb' xcan cajn 'a Geba, 'a Micmas, 'a Aía, 'a Bet-el yet' 'a yaldeail eb', yet' pax 'a Anatot, 'a Nob, 'a Ananías, 'a Hazor, 'a Ramá, 'a Gitaim, 'a Hadid, 'a Seboím, 'a Nebalat, 'a Lod, 'a Ono, yet' 'a lum pan̈n yic Carisim. An̈jtona', 'ay pax eb' levita schaj smacl lum 'a yol yic Judá yet' 'a yol yic Benjamín.

Salmos 116:4

Yuj cha, 'ix waln in b'a 'a Jehová 'ixtic: Mamin Jehová, coln 'el 'a scal in yailal, xin chi.

Ex 17:15

'Ix sb'on Moisés jun yet'l xajmb'al, xya'n 'och sb'i: A Jehová in bandera yaji, xchi.

Is 10:28

Ax eb' 'a'm owl cha, 'ix jaw eb' 'a jun lugar tzcuch Rimón, xjaw eb' 'a Ajat, 'ix 'e'x eb' 'a Migrón, ax 'a Micmas, ata xyactjcan eb' spa.

Jl 2:32

Palta ax smasnil eb' tzyal sb'a 'ayn an Jehová in, 'oj colchjoc can 'el eb'. 'Icha wal yaj waln cani, to a 'a tzaln Sión 'a Jerusalén, 'ay eb' 'oj colchjoc, a eb' sic'b'il 'el wu'uj, ma'oj cham eb'.

A Tas Sc'ulejnac Eb' Schecab' Jesús Hechos 2:21

Palta ax smasnil eb' tzyal sb'a 'a 'ayn an Eyajlil in, 'oj colchjoc can 'el eb', xchi Dios 'a Ch'an̈ U'un̈.

1 Co 1:2

to yic xo Dios quetec, an̈ tzqui tz'ib'j 'at jun qui carta tic 'ayx on̈, atn ex yiglesia xo Dios 'a Corinto. Yic ex xo Dios, yujto junn̈j tzex 'aj yet' Cristo Jesús. A Dios 'awtjnacx 'och yico'oc, yet' jantcn̈ej eb' tzyal sb'a 'a Cajlil Jesucristo 'a junjn chon̈ab'. A Jesucristo a Cajlilec yet' eb'.

A Ch'an̈ Carta D'a Eb' Hebreo 11:9

Yujto ya'jnac 'och Dios 'a sc'ojol, yuj cha, c'ochnc cajn 'a jun lugar ya'jnac Dios sti ya'n 'a 'a. A te mantiado sb'ojnac yatutoc. An̈jtona', 'ixta yutjnac sb'a Isaac yet' Jacob, yujto locn eb' xchan jun 'aj ya'jnac Dios sti cha.

Josué 22:10

A yic xc'och eb' 'a sti a Jordán 'a yol yic Canaán cha, ata sb'o eb' jun yet'l xajmb'al caw niwquil x'aji.

Josué 7:2

A yic 'ayc' Josué yet' eb' yit chon̈b' 'a Jericó, 'ix schecn 'at jaywn̈ eb' winc smaclc yil chon̈b' Hai, jun 'ay 'a stojlal 'aj tzq'uel c'u 'a chon̈b' Bet-el, 'a sla'nil pax chon̈b' Bet-avén. 'Ix yaln 'a ewinac, to tz'atq'ue ewin smaclc yil jun lugar cha. Yuj cha, 'ix 'at ewinac.

Josué 8:12

'Ix ya'n Josué sc'ub'c 'el sb'a am junc o'e mil eb' soldado chi 'a snan̈l Bet-el yet' Hai, 'a stojlal 'aj tz'em c'u 'a jun chon̈b' cha.

Josué 8:17

Man̈x 'a xon wal junc winc chi xcan 'a yol chon̈b' Hai yet' 'a chon̈b' Bet-el; c'uxn 'ix 'elt eb' spech eb' israel cha. Yuj wal snib'n eb' spech eb', 'ix can jacn schon̈b' eb' cha, man̈x 'a mach xcan tan̈wnoc.

Josué 8:3

'Ix ya'n lista sb'a Josué yet' eb' soldado yic tz'at eb' yac' owl 'a chon̈b' Hai. 'Ix si'n 'el lajn̈schawinc mil eb' soldado, 'ix yalni to tz'at eb' 'a 'ac'wl cha.

Josué 8:30

Xlajw cha, ax 'a yich lum witz Ebal, ata 'ix yac' Josué b'o jun yet'l xajmb'al yic Jehová, atn sDiosal Israel.

Josué 8:9

Xlajw cha, schecn 'at Josué eb' soldado cha, 'ix c'och eb' sc'ub'c 'el sb'a 'a snan̈l chon̈b' Bet-el yet' chon̈b' Hai. Ata xcan eb' 'a stojlal 'aj tz'em c'u 'a Hai cha. Ya sb'a cha, 'ix to can Josué junx 'ac'wl 'a camplamento.

Jueces 6:24

Xlajw cha, 'ix sb'on chan̈ Gedeón jun yet'l xajmb'al yic tzyi'n chan̈ sb'i Jehová. Xya'n can scuch: A Jehová 'Ac'm Junc'ojlal, xchi. A jun yet'l xjamb'al tic, ata xcan 'a Ofra 'a yol yic eb' yin̈tl Abiezer.

A Ch'an̈ B'ab'el Libro Samuel 30:27

'Ix ya'n 'at jun tzo'n̈ siylab' chi 'a eb' cajn 'a Bet-el, 'a Ramot 'a yol yic Neguev, 'a Jatir,