Gn 10:5 - Chuj San Sebastian Bible

⁵ A eb' tic, yin̈tl Jafet eb' smasnil. Ata x'aj cajn eb' 'a stitc a mar, junjn c'aj eb' yet' slu'um, junjn c'aj eb' yet' sti'.

Chuj San Mateo Bible

⁵ Aton eb' tic yin̈tilal vin̈aj Jafet. Ix cajnaj eb' d'a stitac a' mar, junjun macan̈ yin̈tilal eb' yed' smacb'en yed' sti' syala'.

Gn 10:5 Iomraidhean Croise

Gn 10:20

A eb' tic yin̈tl win Cam eb', junjn c'aj eb' yet' yin̈til, junjn c'aj eb' yet' slu'um, junjn c'aj eb' yet' sti'.

Gn 10:25

A Heber 'ay chawn̈ yunnal, Peleg sb'i jun winac. A 'a yol stiempoal win tic, ata 'ix pucx can 'at eb' 'anma 'a sat lum lum tic. Ax junx yu'tac cha, tzcuch Joctán.

Gn 10:32

Smasnil jun tzo'n̈ 'anma tic, yin̈tl eb' yunnal win Noé, junjn c'aj eb' yet' yin̈til. A yic xlajw can 'ec' jun owl yaxn̈ab' cha, 'ix sactzic can eb', 'ix 'och eb' chon̈b'al 'a yolyib'n̈q'uinl tic.

Gn 10:4

Atn sb'i eb' yunnal Javán tic: Elisa, Tarsis, Quitim, yet' Dodanim.

Gn 10:6

Atn sb'i eb' yunnal Cam tic: Cus, Mizraim, Fut yet' Canaán.

Gn 9:19

Atn 'a ewin 'oxwn̈ tic, xcot yin̈tl eb' 'anma sactzicnac yaj 'a sat lum lum tic.

Ester 10:1

'Ix ya'ch win rey Asuero jun tojlb'al 'a yib'n̈ smasnil 'anma 'ay 'a yol smacb'en, yet' 'a eb' cajn 'a sti a mar.

Salmos 72:10

A eb' sreyl Tarsis, yet' eb' cajn 'a lum checl 'a snan̈l a mar, eb' sreyl Sabá, yet' pax eb' yic Seba, ya' cab' eb' siylab' yet' stojlb'al 'a win rey.

Is 11:11

A 'a jun tiempoal cha, ata 'oj sch'oxx Cajlil spoder 'a jun tzo'n̈ nacion̈ cha, ax smolb'tzan paxt eb' schon̈b' sactzicnac yajcn 'ati. 'Oj paxtc eb' 'aycn 'at 'a Asiria, 'a Egipto, 'a Patros, 'a Etiopía, 'a Elam, 'a Sinar, 'a Hamat yet' 'a jun tzo'n̈ xo chon̈b' 'ay 'a sti a mar.

Is 24:15

An̈jtona yet' pax 'a stojlal 'aj tzq'uel c'u, yet' 'a jun tzo'n̈ nacion̈ 'ay 'a sti a mar, 'oj yal eb' wach' paxti 'a Jehová sDiosal Israel.

Is 40:15

A 'a sat Jehová, a jun tzo'n̈ nacion̈ lajn eb' yet' jun t'ujoc a', lajn eb' yet' jac pococ 'a yol junc libra. A jun tzo'n̈ chon̈b' 'ay 'a snan̈l a mar, lajn eb' 'icha jun pilc q'uen arena.

Is 41:5

Yiljnac smasnil eb' nacion̈ 'ay 'a sti a mar, caw xiwnc eb' yilni. Smasnil eb' 'anma cajn 'a 'aj tzlajw c'och sti lum lu'um, caw 'ib'xnac eb' yuj xiwlal, wan laj smolb'tzan cot sb'a eb', xchi Dios.

Is 42:10

Ex 'anma cajn 'a snajtil 'el sti lum lu'um, ex tzex 'ec' 'a yib'n̈ a mar, yet' no noc' cajn ta', yet' pax ex cajn ex 'a jun tzo'n̈ chon̈b' 'ay 'a sti a mar cha, b'itnejec junc 'ac' b'it yic tzeyaln e wach' paxti 'a Jehová.

Is 42:4

Ma'oj 'iljoc, ma'oj schab'c'ojloc sb'a, masnto 'oj b'eylb'axc tojlal chi 'a sat lum lum tic. A jun tzo'n̈ nacion̈ 'ay 'a sti a mar, 'oj smaclc eb' yab' cuynb'il 'oj yac'a', xchi Dios.

Is 49:1

'Ixtc wal yaln schecb' Jehová: Ex chon̈b' cajn 'a sti a mar, 'ab'c tas 'oj wala', an̈jtona ex nacion̈ 'ayx 'a caw najat, macljec tas 'oj wala': A Jehová a 'in 'awtn 'a yic mantzac in 'alj xoni, yaljnac can 'el in b'i 'a yic 'aynto 'ec' 'a yol sc'ojl in nun.

Is 51:5

A ticnec, la'nxo yaj in b'eyc'ojlal, la'nxo pax yaj to 'oj in colwji, 'oj in b'eyc'ojloc jun tzo'n̈ chon̈b' tic yet' in poder. Ax eb' 'anma 'a lum chon̈b' 'ay 'a sti 'a mar, 'oj ya'ch eb' yipc sc'ojl in poder.

Is 59:18

A Dios 'oj yac' spac yic junjn 'anma', a tzyala tas tz'el sb'oni: 'Oj ya'ch syailal eb' 'ajc'ojl yajch 'a 'a, eb' tzchichn 'och 'a 'a, yet' eb' nacion̈ cajn 'a sla'nil sti a mar. 'Oj yac' spac 'a eb', a tzyal tas xyutj eb' yi'n cot 'a yib'an̈.

Is 60:9

A jun tzo'n̈ 'oj eyil cha, atn te barco tzcot 'a jun tzo'n̈ xo chon̈b' 'ay 'a sti a mar, b'ab'l eb' te yic Tarsis yuj eb' te'. Ata ajun eb' eyit chon̈b' yet' eb' 'anma cha, yet' eb' oro, yet' eb' plata, yuj yi'nb'ilc chan̈ in b'i an Jehová in. An e Diosal in, to Cojxn In Ton Dios In, an 'ixta 'oj wutc ex wa'n b'inaxc paxi.

Jeremías 2:10

'Ixquec 'a chon̈b' Chipre 'ay 'a snan̈l a mar 'a stojlal 'aj tz'em c'u, tze maclni wal eyila'. Checc 'at e checb' 'a chon̈b' Cedar 'a stojlal 'aj tzq'uel c'u, yic tz'at yilnc eb', toto 'ayx 'ajtil ujnac 'icha wal jun tic.

Jeremías 25:22

smasnil eb' rey 'a Tiro, 'a Sidón, yet' smasnil eb' rey 'ay 'a jun tzo'n̈ nacion̈ 'ay 'a sti 'a mar Mediterráneo.

Ez 26:15

An Jehová Yajl in, an tzwal 'ixtc 'a yib'n̈ Tiro: A eb' 'anma cajn 'a sti a mar, caw 'oj xiw eb' yab'n yel yaw slajw 'el eb' 'anma 'a chon̈b' Tiro, til wal eb' 'oj chamoc, 'ay pax eb' ton̈j 'oj lajwc cani.

Ez 26:18

Ax ticnec, a jun tzo'n̈ chon̈b' 'ay 'a snan̈l a mar, caw wal tz'och eb' 'a xiwc'ojlal o'oj, yujto tzyil eb' tas tzach 'aji, caw wal tzxib'tj sb'a' eb' o'oj, 'oj xchic eb' 'a sb'it cha.

Dn 11:18

'Oj lajwc cha, ax 'at ya'nc owl yet' eb' chon̈b' cajn 'a sti a mar, caw niwn eb' 'oj 'em yu'uj. Palta 'ay jun capitan̈ chuc chon̈b'al 'oj tennc 'och wan 'a sb'an̈quinal, ax yel sq'uixwel jun sreyl norte cha.

Sofonías 2:11

Caw wal 'ay smay Jehová 'a eb'. 'Oj satxoc 'el smasnil sdiosal eb' 'aj tzyal sb'a 'a yolyib'n̈q'uinl tic. 'Intax a eb' 'anma cajn 'a jun tzo'n̈ xo nacion̈ 'a sc'axpil 'ec' sti a mar, 'oj yal sb'a eb' 'a Jehová 'aj cajn eb' cha.

Dt 32:8

'Ay jun tiempoal 'ix sna jun Mach Caw Niwn Yel'chi, to wach' tzpojcn eb' 'anma yet' snacion̈. 'Ix ya'n checljoc can smon̈jonal slum junjn nacion̈ cha, junjn chon̈ab', palta b'ab'el 'ix sna yuj jantc e b'isl ex wit israelal.