Gn 1:6 - Chuj San Sebastian Bible

⁶ Xlajw cha, xyaln pax Dios 'ixtic: 'Ay cab' junc tas jen̈n 'ec' 'a yolyib'n̈q'uinl tic, sec tzpoj sb'a a a yu'uj, xchi.

Chuj San Mateo Bible

⁶ Ix lajvi chi' ix yalan Dios icha tic: Ayocab' junoc tas scan d'a yib'an̈ sat luum tic yic spojan snan̈al a a', xchi.

Gn 1:6 Iomraidhean Croise

Gn 1:14

Xyaln pax Dios 'ixtic: 'Ay cab' junc tz'a'n sacq'uinl 'a satcha'an̈, yic tzictajn 'emt sat lum lum tic, yuj spojn snan̈l c'ual, yet' 'ac'wal, yuj sch'oxn pax junjn c'u, yet' ab'il, yet' junjn tiempoal, xchi. 'Ixta x'aji.

Gn 1:20

Xyaln pax Dios 'ixtic: Yune'oc cab' sb'a smasnil no noc' 'a yoltc a a', yet' smasnil no ch'ic tz'ec' jen̈n̈oc 'a yib'n̈ lum lum tic, xchi. 'Ixta x'aji.

Job 26:13

Ton̈j tzyutz'j 'el yic', ax satcha'an̈ caw wal pilpni tz'ajcn yu'uj; ax yet' yipl sc'ab' sma'n cham no chan petpni sb'eyi.

Job 37:11

A tz'a'n b'ut'joc 'och a a chi 'a scal 'asun, ax 'a scal chi tzpitzw chan̈ raya.

Job 37:18

¿Tzam stac' a colwj jac yet' Dios yic tzjen̈n 'at satchan̈ tic, 'icha tzyac' junc q'uen q'uen tzatz tz'ajcn 'a yet'ul?

Salmos 104:2

A sacq'uinal, icha to a pichl yajchi, ach xa lich't satchan̈ 'icha junc mantiado.

Salmos 148:4

A satcha'an̈ yet' a a 'ay 'a yib'n̈ satcha'an̈, yal cab' eb' wach' paxti 'a 'a.

Salmos 150:1

¡Alx cab' wach' paxti 'a Jehová! B'itn coyc 'a Dios yic 'ayn̈ec 'ec' 'a scajnub'. B'itn coyc 'a 'a, yujto niwn yel'ch 'a satcha'an̈.

Salmos 19:1

A satcha'an̈ yet' smasnil tas 'ay 'a 'a, a tzch'oxn 'eli to niwn yel'ch Dios; a tzch'oxn pax 'eli tas yilx smunljel sb'ojnac.

Salmos 19:2

Junjn c'u, junjn 'ac'wal tzch'oxn 'el satchan̈ sjelnal Dios.

Salmos 33:6

Yujn̈ej spaxti', 'ix b'o satcha'an̈ yet' smasnil tas 'ay 'a 'a, cojn to 'ix yala, 'ix b'o smasnil.

Salmos 33:9

Yujto a 'ix paxtini, yuj cha, 'ix b'o 'el'ch smasnil tas. A pax 'ix alni, yuj cha, xcheclj chan̈ smasnil tas.

Ec 11:3

Toto caw q'uic' yilx 'asun, wal ya'n n̈ab' chi tzyal cha. Toto a junc te tzlib'chji, tzann̈j 'aj tztelw can 'ati, 'oj cann̈j 'a yet'l cha.

Is 40:22

A Dios 'ayc' sdespacho 'a yib'n̈ q'ue satcha'an̈. A satchan̈ cha, jen̈n 'ec' 'a yib'n̈ lum lum tic. A yic tzon̈ yiln 'emt Dios an̈ 'anman̈ tic, lajn on̈ 'icha no b'ojch'in. A lich'jnac 'at satchan̈ 'icha junc nip, sb'on chan̈ 'icha junc mantiado tz'och cajnub'al.

Jeremías 10:10

A Jehová, atn jun Dios pitzan, caw Rey 'a jun 'ejmn̈ej. A yic tzcot yowal, caw tz'ib'x lum lum tic yu'uj. Man̈xtzac stac' ste'wtzan sb'a jun tzo'n̈ nacion̈ 'a yowl sc'ojl cha.

Jeremías 51:15

A Jehová 'ix b'on lum lum tic yet' spoder, yet' sjelnal 'ix sb'on yolyib'n̈q'uinl tic, yet' swach' nab'enal, 'ix sb'on satcha'an̈.

Zacarías 12:1

A Jehová a b'ojnac satcha'an̈, sb'on 'ejm yipnub'al yich lum lum tic, a tz'a'n sq'uinl eb' 'anma', a tzaln 'ixtc yuj chon̈b' Israel:

A Schab'il Carta San Pedro 3:5

Palta a eb' tzaln chi 'ixta', matz nib'j eb' tzna coti, tas 'ajnc yolyib'n̈q'uinl tic 'a pecti cha. Yujn̈ej tas yaljnac Dios, 'ix b'o satcha'an̈, yet' sat lum tic. 'Ix laj checlj lum lum 'a snan̈l a a'. Yuj a a cha, wach' yaj sat lum lum tic.