Gn 1:2 - Chuj San Sebastian Bible

² A yic jun tiempoal cha, may stzol-l yaj lum lum tic sb'o'i, sictac yilxi, mayn 'ec' a 'a yib'n̈ lu'um, q'uic'q'uinl yilx smasnil. Ax Yespíritu Dios, a tz'ec' 'a yib'n̈ smasnil a a cha.

Chuj San Mateo Bible

² A d'a jun tiempoal chi' malaj stzolal yaj jun yolyib'an̈q'uinal tic, tz'inan yilji. Ton̈ej pan̈an ec' a a' d'a yib'an̈ luum. Q'uic'olinac yilji masanil d'a yib'an̈ a', axo Yespíritu Dios tz'ec' d'a yib'an̈ a' chi'.

Gn 1:2 Iomraidhean Croise

Job 26:14

A jun tzo'n̈ tzcab'c tic, 'icha to stitc xoj yaj 'a tas b'ob'il yuj Dios. Ton̈j pax tzqui b'al 'ab'ej, palta ¿mach wal junc tztac' yojcan 'el sjelnal cha? xchi Job.

Job 26:7

A Dios, 'ix slich'b't satchan̈ 'a stojlal norte, palta may tas xyamn cani, sb'on pax lum lu'um, may pax tas 'aj xq'ue b'achn lu'um.

Job 38:9

An xwa'ch 'asn spichloc a', xwa'n 'och 'asn chi spotloc a'.

Job 41:32

A a mar 'aj tz'ec' no cha, sacpolnac tz'ajcn a 'a spatquil no', lajn yilx 'icha sac lana.

Salmos 104:30

Palta ach tzac' sq'uinl e no', tza'n niwtjoc sb'isl e no'. 'Ixta tz'aj sb'o pax yilx sat lum lum tic jun 'ejm xo.

Salmos 104:6

A a mar, a a macjnac 'el sat lum lum tic, 'icha to spichl lum yaj a', macchjnac 'el lum niwc witz yuj a'.

Salmos 136:6

A xlich'n 'at lum lum 'a yib'n̈ a a'. A schamc'ojlal Dios 'ayn̈j 'a smasnil tiempo.

Salmos 148:7

A smasnil tas 'ay 'a sat lum tic, yal cab' swach' paxti 'a Jehová, no niwc noc' 'ay 'a yojl a mar yet' 'a xab'l yich a',

Salmos 33:6

Yujn̈ej spaxti', 'ix b'o satcha'an̈ yet' smasnil tas 'ay 'a 'a, cojn to 'ix yala, 'ix b'o smasnil.

Is 31:5

'Icha wal tzyutj no ch'ic stan̈wni yune 'a yol so', tz'ec' jen̈n̈oc no 'a yib'an̈. 'Ixta wal 'oj wutc in tan̈wni chon̈b' Jerusalén, an Jehová in, an 'oj in tan̈woc, 'oj in colo', xchi Dios.

Is 45:18

Mamin Jehová, ach b'ojnac satcha'an̈ yet' lum lum tic, wach' otjnac can 'a yet'ul, caw ach b'ojnac. Man̈toc sictac 'ajnc cani, palta to xcajxi. Ach aljnac can 'ixtic: Cojn in ton Jehová in, may junc xo.

Jeremías 4:23

An Jeremías in tic, ch'oxb'il wal wila' tas 'oj 'aj lum lum tic. Caw 'oj 'och lum cusltac lumal, man̈x 'a junc mach 'oj can cajn 'a sat lu'um. 'Ix wiln q'ue pax satcha'an̈, man̈x 'a sacq'uinl 'a 'a.

Nahúm 2:10

Tox xlajw 'ejm Nínive, cusltac xoj yilx cani. A wal eb' cajn 'a 'a, caw tz'el yip eb' yuj xiwlal. Toxn̈ej tzlan̈lni spenc eb' smasnil, man̈x 'a mach 'ay yip. Caw tzsacb'el sat eb' yuj xiwlal.

2 Co 4:6

A Dios yaljnac can 'ixtic: A 'a scal q'uic'q'uinl tic, pitzw cab' sacq'uinal, xchi. Caw a 'a'jnac cot sacq'uinlal 'a qui pixnec, sec yuj jun sacq'uinlal tic, tzcojcanec 'eli, chajtlto caw niwn swach'l Dios. A 'a Jesús, ata tzcheclj 'el swach'l Dios cha.

Dt 32:11

'Icha wal tz'a'jt jen̈n sc'axl no salt'iw 'a yib'n̈ so', mto 'icha wal tzyutj no scuyn yune' yic tzjen̈wi, mto 'icha tzyutj no yi'n 'at yune 'a yib'n̈ sc'axil, 'ixta wal on̈ 'ajc yuj Jehová.