Gn 1:1 - Chuj San Sebastian Bible

¹ A 'a yic x'el yich sb'o smasnil, 'ix sb'o Dios satcha'an̈ yet' lum lu'um.

Chuj San Mateo Bible

¹ A d'a yichb'anil, a Dios ix b'oan satchaan̈ yed' lum luum.

Gn 1:1 Iomraidhean Croise

A Ch'an̈ Schab'il Libro Yic Yab'ixal Eb' Rey 19:15

'Ix leslwi win 'ixtic: Mamin Jehová, qui Diosal ach an̈ israel on̈ tic on̈, b'achn 'ec' a despacho 'a scal eb' querubín, cojxn̈ej ach Dios ach 'a yib'n̈ smasnil nacion̈ 'a yolyib'n̈q'uinl tic. Ach 'ix a b'o satcha'an̈ yet' lum lu'um.

1 Cr 16:26

A smasnil scomn diosal eb' chon̈ab', caw may jac yel'ch eb', al pax Jehová caw niwn yel'chi yujto a b'ojnac satcha'an̈.

2 Cr 2:11

Xlajw cha, 'ix ya'n cot win Hiram sreyl Tiro jun ch'an̈ carta 'a Salomón, tzyaln 'a 'ixtic: Ach rey Salomón, a Jehová ach 'a'n 'och reyl 'a yib'n̈ chon̈b' Israel, yujto caw 'ay schamc'ojlal 'a schon̈ab'.

Nehemías 9:6

Xlajw cha, xyaln pax eb' 'ixtic: Ach tic, cojxn̈ej ach Jehová ach. Ach a b'ojnac satchan̈ to satjub'tac yilxi, yet' smasnil c'anal; ach 'ix a b'o lum lu'um yet' pax a mar yet' smasnil tas 'ay 'a 'a. Ach ton wal tzac' sq'uinl smasnil tas. Yuj wal cha, tz'och eb' ángel 'emmquilal 'ayach.

Job 26:13

Ton̈j tzyutz'j 'el yic', ax satcha'an̈ caw wal pilpni tz'ajcn yu'uj; ax yet' yipl sc'ab' sma'n cham no chan petpni sb'eyi.

Job 38:4

¿'Ajtil 'aych 'eq'ui yic xin b'on 'ejm yipnub'al yich lum lum tic? Al wab'i', tom yel xo niwn tas ojtac.

Job 9:8

Toc 'ay mach xcolwj yet'oc yic sb'on satcha'an̈, a tztenn 'och wan a mar, yic tzq'ue wan chel-loc a'.

Salmos 102:25

A 'a yictax yel yich, ach a b'ojnac lum lum tic, a b'on pax satcha'an̈.

Salmos 104:24

Mamin Jehová, man̈x alchjb'enoc tas b'ob'il o'oj. Smasnil jun tzo'n̈ tic, xa b'o yet' a jelnal; a lum lum tic, caw b'ut'n lum yet' smasnil a b'ob'en.

Salmos 104:30

Palta ach tzac' sq'uinl e no', tza'n niwtjoc sb'isl e no'. 'Ixta tz'aj sb'o pax yilx sat lum lum tic jun 'ejm xo.

Salmos 115:15

A Jehová b'ojnac satcha'an̈ yet' lum lum tic, ya' cab' swach'c'ojlal 'a quib'n̈ec.

Salmos 121:2

A 'in colnb'il cha, ata tzcot 'a Jehová. A b'ojnac satcha'an̈ yet' lum lum tic.

Salmos 124:8

A jun qui colnb'ilec tic, ata tzcot 'a Jehová qui Diosalec, atn jun b'ojnac satcha'an̈ yet' lum lum tic.

Salmos 134:3

A Jehová, jun b'ojnac satcha'an̈ yet' lum lum tic, ya' cab' cot swach'c'ojlal 'a eyib'n̈ 'a tzaln Sión.

Salmos 136:5

A b'ojnac satchan̈ yet' sjelnal. A schamc'ojlal Dios 'ayn̈j 'a smasnil tiempo.

Salmos 146:6

A b'ojnac satcha'an̈, lum lu'um, a mar yet' smasnil tas 'ay 'a junjn c'aj. Caw wal tzyac' 'el'choc tas tzyala.

Salmos 33:6

Yujn̈ej spaxti', 'ix b'o satcha'an̈ yet' smasnil tas 'ay 'a 'a, cojn to 'ix yala, 'ix b'o smasnil.

Salmos 33:9

Yujto a 'ix paxtini, yuj cha, 'ix b'o 'el'ch smasnil tas. A pax 'ix alni, yuj cha, xcheclj chan̈ smasnil tas.

Salmos 8:3

A yic tzwiln q'ue satcha'an̈, tzin b'eyc'ojlani to ach b'ojnac; xa'n can 'och 'uj yet' smasnil c'anal 'a yet'ul.

Salmos 8:4

Yuj cha, tzwaln 'ixtic: ¿Tas quel'ch an̈ 'anman̈ tic on̈, yuj cha, tzon̈ a nan coti, tzach 'och 'il cuj on̈?

Salmos 90:2

Yic mantzac a b'o eb' lum niwc witz, lum lum tic yet' smasnil yolyib'n̈q'uinl tic, masnto 'a slajub', Dios achn̈ej xoni.

Salmos 96:5

A smasnil scomn diosal eb' chon̈ab', caw may jac yel'ch eb', al pax Jehová caw niwn yel'chi, yujto a b'ojnac satcha'an̈.

Ex 20:11

Yujto an Jehová in, waquen̈ej c'u in munlji yic xin b'on satcha'an̈, lum lu'um, a mar yet' smasnil tas 'ay 'a 'a, ax 'a yucl c'ual, in 'ilji. Yuj cha, a jun yucl c'u cha, wic yaji, niwn yel'ch cab' 'ayex.

Ex 31:18

A yic 'ix lajw spaxtin Jehová yet' Moisés chi 'a lum jolm witz Sinaí, 'ix ya'n chapachn̈ q'uen q'uen 'a 'a, q'uen 'ajtil tz'ib'b'il 'och schecnb'il. Caw a Dios 'ix tz'ib'n 'och jun tzo'n̈ checnb'il chi 'a eb' q'ue'en.

Pr 16:4

A Jehová, a xb'on can smasnil tas yic tz'el'ch tas nab'il yu'uj; an̈jtona', a 'ix aln cani to a eb' 'anma maysch'olnil snab'en, a eb' 'ay yaln yic 'a yailal.

Pr 3:19

A yet' sjelnal, yet' swach' nab'enal Jehová, 'ix sb'on satcha'an̈, yet' lum lum tic.

Ec 12:1

Ya' sb'a 'unn ext 'anma', nann̈ej cab' eyu'uj mach b'ojnac ex, ya' sb'a mantzac e yab' syal yuj 'ichm 'anma'il, nac cot Dios. Yujto 'ay jun tiempoal 'oj eyal 'ixtic: Man̈x 'a qui tzaljc'ojlal, nab'a xoj cob' pitzn on̈, 'oj e chioc.

Is 37:16

Mamin Jehová, qui Diosal ach an̈ israel on̈ tic, b'achn 'ec' a despacho 'a scal eb' querubín, cojxn̈ej ach Dios ach 'a yib'n̈ smasnil nacion̈ 'a yolyib'n̈q'uinl tic. Ach 'ix a b'o satcha'an̈ yet' lum lu'um.

Is 40:21

¿Tom man̈ eyojcoc ax tic? ¿Tom may 'aj eyab'jnac yab'xil? ¿Tom may mach aljnac 'ayx 'a yictax mantzac b'o smasnil tas? ¿Tom mant 'a mach cuyjnacx 'a yictax yel yich sb'o yolyib'n̈q'uinal?

Is 40:26

Q'uen̈ec q'ueln 'a satcha'an̈, ¿tom man̈oc Dios xb'on smasnil jun tzo'n̈ cha? A xb'on 'och junjn eb' c'anal 'a yet'ul. Tzb'isn smasnil junjn c'aj eb', tz'awtx sb'i junjn eb' yu'uj. May junc eb' tzsati, yujto caw niwn yel'ch Dios chi yet' spoder.

Is 40:28

¿Tom mant eyojcoc? ¿Tom mant 'a 'aj eyab'jnac to a Jehová Dios 'ayc' 'a jun 'ejmn̈ej? A b'ojnac smasnil yolyib'n̈q'uinl tic. May b'a'n̈ tz'el yip, may tz'aj sc'unb'i, may mach tza'wni snab'en 'a 'icha snab'en.

Is 42:5

A Jehová Dios 'ix b'on satcha'an̈, xlajw cha, 'ix sjen̈n 'ati. A 'ix b'on lum lu'um, yet' smasnil tas tzpac' 'a sat lu'um, a tz'a'n qui q'uinl an̈ 'anman̈ec tic, tzya'n pax qui'c quic', tzyaln 'a jun schecb' chi 'ixtic:

Is 44:24

A Jehová atn b'ojnacn̈ec, a on̈ 'a'nec 'el pax 'a libre. A tzaln 'ixtic: An Jehová in, an b'ojnac ex yic mantzac ex 'alji, an b'ojnac smasnil tas, an in jen̈jnac 'ec' satcha'an̈, in b'on can pax lum lum tic 'a yet'ul, may junc mach colwjnac wet'oc.

Is 45:18

Mamin Jehová, ach b'ojnac satcha'an̈ yet' lum lum tic, wach' otjnac can 'a yet'ul, caw ach b'ojnac. Man̈toc sictac 'ajnc cani, palta to xcajxi. Ach aljnac can 'ixtic: Cojn in ton Jehová in, may junc xo.

Is 51:13

An Jehová in, an jen̈jnac 'at satcha'an̈, in b'on pax lum lu'um. Ax ticnec, ¿tom xeyac' sat e c'ojl 'a mach b'ojnac ex? ¿Tom an̈ja e xiw yuj eb' 'anma tzex laj 'ixtn cha, eb' tznib'n tzex satn 'el yuj yowl sc'ojol? Palta a yowl sc'ojl eb' tzex 'ixtn cha, toxn man̈x 'a jac yel'chi.

Is 51:16

An xin jen̈b't satcha'an̈, xin b'on pax lum lu'um. An pax xwac' eyal-l in paxti'. Tzex in coln pax yet' yipl in c'ab', yuj cha, xwaln 'ixtc 'a yib'n̈ Sión: A jun chon̈b'al eb' 'anma tic, caw yel wic eb', xin chi, xchi Dios.

Is 65:17

'Ab'ec, 'oj in b'o junx 'ac' satcha'an̈ yet' junx 'ac' yolyib'n̈q'uinal. A jun 'ayc' tic, 'oj 'ec'oc, man̈x 'a mach 'oj nanc coti, 'oj 'atcn 'a satc'ojlal.

Jeremías 10:12

A Jehová, a 'ix b'on lum lum tic yet' spoder. A yet' sjelnal, 'ix sb'on can yolyib'n̈q'uinl tic. An̈jtona yet' sjelnal cha, 'ix sb'on satcha'an̈.

Jeremías 32:17

Mamin Jehová, yet' wal a niwn poder yet' pax a jelnal 'ix a b'on satcha'an̈, yet' lum lum tic. Caw may tas 'ajltac sb'o 'ayach.

Jeremías 51:15

A Jehová 'ix b'on lum lum tic yet' spoder, yet' sjelnal 'ix sb'on yolyib'n̈q'uinl tic, yet' swach' nab'enal, 'ix sb'on satcha'an̈.

Zacarías 12:1

A Jehová a b'ojnac satcha'an̈, sb'on 'ejm yipnub'al yich lum lum tic, a tz'a'n sq'uinl eb' 'anma', a tzaln 'ixtc yuj chon̈b' Israel:

Mt 11:25

Ax 'a jun tiempoal cha, 'ix leslwi Jesús 'ix yaln 'ixtic: —Mamin, Yajl ach 'a satcha'an̈ yet' 'a yolyib'n̈q'uinl tic. Tzwal wach' paxti 'ayach, yujto xa c'ub'j 'el jun tzo'n̈ tic 'a eb' jelan, eb' caw 'ay snab'en 'a sat eb' yit 'anma'il, ax 'a eb' 'icha 'unin, a eb' xac' 'ojcanc 'eli.

Mr 13:19

Yujto a jun niwn yailal 'oj jawc 'a jun tiempoal cha, mant 'a 'aj xyac' 'ixta', yictax sb'on Dios yolyib'n̈q'uinl tic. Cojxn jun cha, man̈x 'a pax tas 'oj yac' 'ixta'.

A Tas Sc'ulejnac Eb' Schecab' Jesús Hechos 14:15

—Ex winac, ¿tas yuj tze b'o jun tic 'ixtic? An̈ tic on̈, caw 'anman̈n̈ej on̈, 'icha ex tic. To tzwul 'ajxc cal jun wach' 'ab'x 'ayx on̈, 'actjec eyaln e b'a 'a jun tzo'n̈ comn dios may jac yel'chi. Tzeya'n 'och e nab'en 'a Dios pitzan. A b'ojnac satcha'an̈, yet' lum lum tic. Sb'ojnac pax a mar, yet' smasnil tas 'ay 'a 'a.

A Tas Sc'ulejnac Eb' Schecab' Jesús Hechos 17:24

A jun Dios cha, a b'ojnac yolyib'n̈q'uinl tic, yet' smasnil tas 'ay 'a 'a. Atn yajl yaj 'a satcha'an̈, yajl pax yaj 'a sat lum tic. A Dios cha, matz 'aj 'a junc n̈a tzb'o eb' 'anma'.

A Tas Sc'ulejnac Eb' Schecab' Jesús Hechos 4:24

Yic 'ix yab'n eb' yitb'eym eb' cha, junn̈j xleslwi eb' smasnil 'a Dios. 'Ix yaln eb' 'ixtic: —Mamin, ach qui Diosal on̈, ach a b'ojnac satcha'an̈, yet' lum lum tic, yet' a mar, yet' smasnil tas 'ay 'a 'a.

Ro 11:36

Yujto smasnil tas, an̈j 'a Dios tzcoti. Smasnil tas b'ob'il yu'uj, sec tzcheclj 'el swach'il. Niwn cab' yel'ch Dios 'a smasnil tiempo. 'Ixta cab' tz'aji.

1 Co 8:6

Palta ax 'ayn̈ec tic, cojn jun Dios 'ay, atn qui Mamec. A qui Mamc tic, a b'ojnac smasnil tas. A b'ojnacn̈ec paxi, sec wach' tzqui ch'oxc 'el swach'il. Cojxn pax jun Cajlilec, atn Jesucristo. Yujn̈ej, 'ayc' smasnil tas. An̈jtona pax an̈ec tic, yu'uj 'ayn̈ec 'ec' paxi.

Ef 3:9

A Dios b'ojnac smasnil tas. Palta a yic mantzac sb'o'o, snajnac cani, chajtl 'oj yutc ya'n qui colnb'ilec. Yictax pecti', mant 'ic 'ajx 'ojcaxc 'el wal jun tic. Palta a ticnec, ya'jnac wopiso wa'n 'ojcaxc 'eli.

A Ch'an̈ Carta D'a Eb' Hebreo 1:10

Tzyaln pax 'ixtic: Ach Cajlil, a 'a yic tax x'el yich, ach a b'ojnac lum lum tic. Ach a b'ojnac pax satcha'an̈.

A Ch'an̈ Carta D'a Eb' Hebreo 1:2

Ax 'a jun slajb' tiempoal tic, atn wal Yunnal sc'anlb'ej yic yaln 'ayn̈ec. A yet' Yunnal tic sb'ojnac yolyib'n̈q'uinal, yet' smasnil tas 'ay 'a 'a. Ax 'a Yunnal tic, ata ya'jnac smasnil tas yico'oc.

A Ch'an̈ Carta D'a Eb' Hebreo 11:3

Yujto tzca'c 'och Dios 'a qui c'ojol, cojquec, an̈j yet' spaxti sb'ojnac can yolyib'n̈q'uinl tic, yet' jun tzo'n̈ tz'ec' 'a satcha'an̈. A jun tzo'n̈ tas tzquilc ticnec, b'ob'il yet' jun tzo'n̈ tas man̈ checloc.

A Ch'an̈ Carta D'a Eb' Hebreo 3:4

Junjn n̈a, yowlal 'ay mach tzb'oni. Palta a Dios b'ojnac smasnil tas.

A Schab'il Carta San Pedro 3:5

Palta a eb' tzaln chi 'ixta', matz nib'j eb' tzna coti, tas 'ajnc yolyib'n̈q'uinl tic 'a pecti cha. Yujn̈ej tas yaljnac Dios, 'ix b'o satcha'an̈, yet' sat lum tic. 'Ix laj checlj lum lum 'a snan̈l a a'. Yuj a a cha, wach' yaj sat lum lum tic.

1 Jn 1:1

Tic tzqui tz'ib'j 'at 'ayx on̈, yuj jun mach spaxti Dios sb'i, atn jun tz'a'n qui q'uinlec 'a jun 'ejmn̈ej. Yic mant 'a yolyib'n̈q'uinl tic, 'ayc' xoni. An̈ tic on̈, caw cab'jnac spaxtin on̈. Quiljnac yet' qui sat on̈. Caw 'ochnc on̈ q'ueln 'a on̈, qui yamjnac pax yet' qui c'ab' on̈.

Apoc 10:6

Ax yic xpaxtini, 'ix slocn sb'i Dios pitzn 'a jun 'ejmn̈ej, atn jun b'ojnac satcha'an̈, sat lu'um, a mar, yet' jantcn̈ej tas 'ay 'a jun tzo'n̈ cha. 'Ix yaln jun ángel chi 'ixtic:

Apoc 14:7

Caw 'ip yaln 'a eb' 'ixtic: —Xiwn̈ec 'a Dios. Alc wach' paxti 'a 'a, yujto tox xjaw stiempoal ex sb'eyc'ojlani. Alc e b'a 'a 'a, yujto a b'ojnac satcha'an̈, sat lu'um, a mar, yet' jun tzo'n̈ spac'b'a', xchi.

Apoc 21:6

Xlajw cha, xyaln pax 'ayn 'ixtic: —Tox 'ix b'o 'el'chi. An tic, b'ab'l waj 'a smasnil, slajb' in paxi. 'Icha chab' letra A yet' Zeta, 'ixta 'in. A eb' 'ay stacn̈ti'al, 'oj wac' yuc' eb' jun spac'b'a tz'a'n q'uinl 'a jun 'ejmn̈ej. 'Oj wac' 'a eb' 'a nab'an̈ej.

Apoc 22:13

An tic, b'ab'l waj 'a smasnil, slajb' in paxi. 'Icha chab' letra A yet' Zeta, 'ixta 'in. An b'ab'l in 'a smasnil tas, slajb' pax waj 'a smasnil, xchi Jesucristo.

Apoc 3:14

'Ix yaln pax 'ayn 'ixtic: 'Ixtc tzotj a tz'ib'n 'at 'a jun in checb' 'ayc' 'a iglesia 'a Laodicea: 'Ay jun caw yel. Caw wach' tzyutj ya'n testigoal sb'a, yujto cojxn yel tzyala. An̈j b'ojnac smasnil tas yet' Dios. A tzaln 'ayx 'ixtic:

Apoc 4:11

Ach Cajlil, ach qui Diosal on̈, smoj tzalx o'oj, to niwn a wach'il, to caw niwn el'chi, niwn a poder. Yujto ach b'ojnac smasnil tas. 'Ayc'n̈ej smasnil, yujto 'ixta tza nib'ej, yuj cha, b'ob'il o'oj, xchi eb' 'a 'a.