Gl 6:13 - Chuj San Sebastian Bible

¹³ Wach'xam eb' tz'ajx circuncidar, matz yiclj eb' smasnil tas 'ay 'a ley yic Moisés. Palta ax eb' cha, tznib'j eb' tzex 'ajx circuncidar, sec wach' tztac' sb'an̈n sb'a eb' 'a e patquil. Toto 'ixta', tztac' yaln eb', chajtlto x'ajx 'och jun senya chi 'a e niwnal.

Chuj San Mateo Bible

¹³ Vach'chom ac'b'il circuncidar eb', palta max sc'anab'ajejlaj ley Moisés chi' eb' smasanil. A eb' chi', sgana eb' tzex yac' circuncidar, yic vach' syic'chaan̈ sb'a eb' eyuuj, yic syal yalan eb' to yuj eb' ix ac'jioch jun yechel chi' d'a e nivanil.

Gl 6:13 Iomraidhean Croise

Mt 23:15

Ax cuywjum ex 'a ley yic Moisés yet' ex fariseo, caw 'oltac ex, caw chab'sat ex. C'uxn tzex 'ec' 'a sat lum tic yet' 'a a mar, sec 'ay eb' tze montj 'och eyet'oc. Ax eb' tz'och eyet' cha, ton̈j tzwach' juw 'el snab'en eb' eyu'uj. Yuj cha, smoj wal ec'b'al yailal 'oj 'ajxoc 'och 'a yib'n̈ eb' 'icha eyic 'oj 'ajxoc 'och 'a eyib'an̈.

Mt 23:23

Ax cuywjum ex 'a ley yic Moisés yet' ex fariseo, caw 'oltac ex, caw chab'sat ex. Cob' tzeyac' sdiesmoal jun tzo'n̈ te 'alwena, jun tzo'n̈ te 'anix, yet' jun tzo'n̈ te comino. Palta ax jun tzo'n̈ schecnb'il Dios niwn yel'chi, matz eyiclej. A jun tzo'n̈ checnb'il chi tzalni, to yowlal tojl tzcutjec qui b'a, tz'o'ch qui c'ojlec 'a eb' quit 'anma'il, tzca'nec 'och pax qui c'ojl 'a Dios. Palta 'in may yel'ch jun tzo'n̈ tic 'a e sat. Octom tzeyiclj jun tzo'n̈ tic, tze b'on pax jun tzo'n̈ xo cha.

Mt 23:3

Yuj cha, tzann̈j tas tzyal eb' tzeyiclej, palta ax sb'eyb'al eb', man̈ e b'eylb'oc, yujto a tas tzyal eb', matz b'eylb'ej eb'.

Lc 5:38

Yuj cha, an̈j 'a yojl jun tzo'n̈ 'ac' tz'u'um, an̈jta tz'ejm 'ac' yal uva cha, sec wach' may tas tz'ixtx 'a schab'il.

1 Co 3:21

Yuj cha, matz tac' eya'n 'och e nab'en 'a junc 'anma', tze b'an̈n e b'a yu'uj. Yujto xyac' Dios smasnil tas eyico'oc quet' on̈.

1 Co 5:6

Yuj jun maysch'olnil 'a e cal cha, caw man̈ smojc e b'an̈n e b'a ta'. ¿Tom man̈ eyojcoc, to a jac yich pan tzpucb't 'a scal 'ixm harina, c'uxn tzjuw 'ixm yuj smasnil?

2 Co 11:18

Til wal eb' tzb'an̈ sb'a yuj tas yaj 'a yolyib'n̈q'uinl tic, yuj cha, 'oj in b'an̈ in b'a jac yet' eb'.

A Scarta San Pablo D'a Eb' Aj Filipos 3:3

Palta an̈ec xo, a 'a sat Dios 'ac'b'iln̈ec xo circuncidar 'a yel, yujto tzcalc qui b'a 'a Dios 'a 'esal. An̈j 'a Cristo Jesús 'aj tzon̈ tzaljec. Ax jun tas tzb'o 'a qui niwnalec, matz ca'c 'och xon jac yipc qui c'ojol.

A Schab'il Carta San Pedro 2:19

Tzyaln pax eb' 'ixtic: Libre qui b'onec tastc 'icha tzqui nib'ej, xchi cob' eb'. Palta a eb' cha, man̈ libreoc yaj eb', yujto 'aych eb' ya'malc servil jun tzo'n̈ maysch'olnil cha. Yujto a eb' tzcan 'a yaln̈ yuj junc tas, tzyal 'el'chi, 'aych pax eb' ya'malc servil jun cha.