Gl 5:23 - Chuj San Sebastian Bible

²³ 'emmquil tzlaj cutjec qui b'a. Yu'uj, tztac' qui tennec 'och wan qui b'a 'a maysch'olnil. A jun tzo'n̈ wach' b'eyb'al tic, may junc ley tzalni, to matz tac' qui b'onec.

Chuj San Mateo Bible

²³ Nanam scutej co b'a. Yuj Yespíritu Dios chi', sco cachoch vaan co b'a. A juntzan̈ vach' b'eyb'al tic, malaj junoc ley scachani.

Gl 5:23 Iomraidhean Croise

Jeremías 33:6

Palta 'ay jun c'ual to 'oj wan̈tc pax eb', ax wa'n stzatzl eb' jun 'ejm xo. 'Oj wac' 'aj cajn eb' 'a junc'ojlal, man̈x 'a tas 'oj 'i'nc eb'.

A Tas Sc'ulejnac Eb' Schecab' Jesús Hechos 24:25

'Ix yaln Pablo 'a winac, to yowlal tojl tzcutj qui b'eyb'al, tzqui tenn 'och wan qui b'a 'a maysch'olnil. 'Ix yaln paxi, chajtlto 'oj b'eyc'ojlaxc smasnil 'anma'. Yic 'ix yab'n win Félix jun tzo'n̈ tic, caw 'ix xiw winac, 'ix yaln win 'ixtc 'a 'a: —A ticnec, 'ixc pax 'a chi b'el, toto 'ay 'aj coln in, 'oj ach wawtc cot jun 'ejmoc xo, xchi winac.

1 Co 9:25

Jantcn̈ej eb' tz'och 'a tajnel cha, caw tzyac' cuenta sb'a eb' 'a smasnil tas maysch'olnil. 'Ixta tzyutj sb'a eb', sec toq'ue 'oj scha eb' spac. Palta a jun spac chi tzchaj eb' cha, ton̈j 'e'lb'a yec' muc'uc. Ax jun spac quic 'oj qui chac an̈ec tic, may b'a'n̈ 'oj lajwc 'eq'ui. Yuj cha, yowlal caw tzca'c cuenta qui b'a jun xo.

Gl 5:18

Palta toto wan qui b'eylb'anec 'icha tzch'ox Yespíritu Dios, ax jun ley cha, man̈x 'a yaln yic 'ayn̈ec.

1 Ti 1:9

Nachj cab' 'el o'oj, man̈ yujoc eb' wach' sb'eyb'al, x'ajx can jun ley cha. Palta yuj eb' 'oj wal tic, 'ix 'ajx cani. Atn eb' tenmtac tzyutj sb'a 'a Dios, eb' man̈ yiclumoc 'a tas tzyala, eb' matz b'eylb'an 'icha tznib'ej, eb' maysch'olnil sb'eyb'al, eb' may yel'ch Dios 'a sat, eb' tzcomn b'uchwj 'a junc tas wach', eb' tzma' cham smam snun, yet' eb' milm cham 'anma',

Tito 1:8

A eb' 'ay yopiso cha, yowlal wach' tzyutj sb'a eb' 'a eb' tzlaj 'ec' 'a 'a. Yowlal a tas wach', an̈j tzb'o eb', tzya'n cuenta sb'a eb'. Caw tojl tzyutj eb' sb'eyb'al. Cojxn 'a Dios tzya'ch eb' snab'en. Yowlal tztench wan eb' sniwnal 'a maysch'olnil.

Tito 2:2

Tzal 'a eb' 'ichmtac winac, to caw te'n tzyutj eb' snab'en. Caw wach' tzyutj sb'a eb', sec wach' 'ay yel'ch eb' 'a sat eb' yit 'anma'il. Yowlal caw tzyac' cuenta sb'a eb'. Caw tzya'ch eb' sc'ojl 'a jun tzo'n̈ cuynb'il caw yel. 'Ay cab' schamc'ojlal eb' 'a eb' yit 'anma'il. Caw te'n tzyutj sb'a eb' yab'n syail.