Gl 5:20 - Chuj San Sebastian Bible

²⁰ Tzyaln sb'a eb' 'a jun tzo'n̈ tzlaj yalch sdiosaloc. Tzya'lj eb' laj cob' sb'alnoc junc xo mach. Tz'och eb' 'ajc'ojlal 'a jun jun, 'a'm owl eb'. Tzchichn 'och eb' 'a junc xo mach yuj tastc 'ay 'a 'a. C'un scot yowl eb'. Tznib'j eb' axn̈ej 'ay yel'chi. Tznib'j eb' tzlaj spojl sb'a, chucchc tz'aj junjn c'aj eb'.

Chuj San Mateo Bible

²⁰ Syalan sb'a eb' d'a juntzan̈ comon dios. Sb'alan yetanimail eb'. Jelan eb' d'a juntzan̈xo tastac sna'a. Ajc'oltac syutej sb'a eb', ac'um oval eb'. Schichon sc'ol eb' d'a tas ay d'a junocxo anima. C'un scot yoval eb'. Sgana eb' an̈ej eb' ay yelc'ochi. Sgana eb' spojel sb'a d'a macquiltaquil.

Gl 5:20 Iomraidhean Croise

2 Cr 33:6

'Ix ya'n pax tz'a yunnal xajmb'al-l 'a lum pan̈n 'a'lic yic Ben-hinom, scuyn sb'a 'a jun tzo'n̈ xo b'eyb'al tic: atn wayjlil, 'ajchumal, b'almil, yet' c'umj spixn eb' chamnac. Caw wal maysch'olnil tas 'ix sb'o 'a sat Jehová, 'ix tzuntzj cot yowl sc'ojl Dios 'a yib'an̈.

Ez 22:18

Ach 'anma', a eb' et israelal tic, man̈x 'a tz'och eb' wu'uj, yujto lajn xoj eb' 'icha jac sc'ajl q'uen bronce, q'uen estaño, q'uen hierro, q'uen plomo tz'elt can 'a scal q'uen plata yic tz'och q'uen 'a yojl junc jorna, 'ixta eb'.

Ro 2:8

Palta 'ay pax eb' 'aj 'oj yac' Dios yowl sc'ojol, ax ya'n can 'och syailal eb', atn eb' tznib'j axn̈ej 'ay yel'chi. Matz yiclj eb' jun cuynb'il caw yel. Cojn jun tzo'n̈ maysch'olnil 'aj 'aych snab'en eb'.

1 Co 11:19

Tecn yowlal 'oj e poj e b'a, sec 'oj checljoc 'eli, machx yel creyente ex.

2 Co 11:19

Ax tic, caw jeln ex. Palta 'in caw tzeyac' techjoc 'a eb' man̈ nab'enal tzyutj sb'a 'ayex, 'in tzex tzalj yet' eb'.

2 Co 12:20

Tzin xiwi, yujto a yic 'oj 'at ex wila', toq'ue man̈ ex 'ichcta 'icha tzin nib'ej. An xo tic, toq'ue man̈ in 'ichcta 'icha tze nib'ej. Caw tzin xiw in 'at 'ayex, toq'ue 'ay owl 'a e cal, chichnc'ojlal, yet' c'a'lc'ojlal. Toq'ue 'ayx wan laj eyi'n chan̈ e b'a, toq'ue 'ayx tzex laj b'uchwj 'a e patc junjn ex, 'ayx alm ex peclal. Toq'ue 'ayx tzlaj e b'an̈ e b'a, 'ayx pax wan laj e somchj 'eli.

Gl 5:15

Palta toto an̈ja 'aych e nab'en laj eya'nc owl 'a e cal, caw 'ay smay, 'oj laj e satl e b'a.

Dt 18:10

May cab' junc mach 'a e cal tzyac' tz'a junc yunnal mto yisil xajmb'alil. May cab' junc mach tzcuy sb'a snan 'el paxti', tzyaln yuj tas tot 'oj jawoc, mto tzyal tas tzyal 'el'ch junc lab', mto tzcuy 'ajchumal, mto wayjlil,

Tito 3:10

Toto 'ay eb' tznib'j tzyac' spojl sb'a eb' creyente, jun 'ejem, mto cha'ejm tza tench wan eb'. Toto matz yiclj eb', caw tzej 'el eb' 'a scal eb' creyente cha.

Santiago 3:14

Palta caw man̈ e b'an̈ e b'a yuj e jelnal 'a sat Dios, toto tzex comn chichni, toto cojxn̈ej eyic tze nib'j tzeyala, tze nib'n ax xoj tzeyac' mandar. Toto 'ixta tzeyutj e b'a, caw wan eya'n 'es yuj jun e b'eyb'al cha, yujto matz eyiclj jun cuynb'il caw yel.

A Schab'il Carta San Pedro 2:1

A eb' wit israelal 'a pecti', 'ay eb' cob' yaljnac 'och sb'a schecb'oc Dios, palta yes eb'. An̈jtona 'ay eb' 'oj pitzwc chan̈ 'a qui calec, ax ya'n eb' cuyxoc jun tzo'n̈ 'es. 'Oj yi'ch eb' jun tzo'n̈ chuc cuynb'ilal 'a qui calec, sec 'ayn̈ec 'oj qui juwc 'el yuj eb'. Caw may jac yel'ch Cajlilec 'a sat eb', wach'xam a xcham stojloc smul eb'. Yuj cha, mun tzyij cot eb' 'a yib'an̈. Yajn̈ej, ax satcn 'el eb' 'a jun 'ejmn̈ej.

1 Jn 3:15

Toto tzon̈ chichnec 'och 'a junc quit creyenteal, ax 'a sat Dios, milm on̈c cham 'anma'. Palta cojquec, may junc milm cham 'anma 'ay sq'uinl 'a jun 'ejmn̈ej.

Apoc 21:8

Palta 'ay eb' 'anma tzcomn xiwi, 'ay eb' matz ya'ch sc'ojl 'ayin, eb' yajb'entac, eb' milm cham 'anma', eb' tzb'on 'ajmulal, eb' 'ajchum, eb' tzyal sb'a 'a jun tzo'n̈ tzalx 'och diosal, yet' eb' 'a'm 'es. A eb' cha, 'oj scha eb' spac yico', 'oj 'atcn eb' 'a scal jun c'ac' tzn̈ilchji, caln yaj yet' azufre, atn jun 'icha pama'. A jun cha, atn schab'l chamel, xchi Dios.

A Ch'an̈ B'ab'el Libro Samuel 15:23

A tenmtaquil, lajn smul-l yet' eb' tztac' snan 'el junc paxti'; ax pital, lajn wal smul-l 'icha eb' tz'em n̈ojn 'a junc yechel. Yujto xa patquilj can 'el tas xyal Jehová, yuj cha, ach spatquilncan 'eli, ach yi'n 'el 'a reyal, xchi Samuel.