Gl 5:2 - Chuj San Sebastian Bible

² Caw tzeyab'i. An Pablo in tic, an tzwalb't junx tic 'ayex. Toto tze chaj 'och jun yechl circuncisión 'a e niwnal, toxn may jac tas 'oj e cha 'a Cristo.

Chuj San Mateo Bible

² Ab'ec tas sval a in Pablo in tic: Tato tze chaoch jun yechel yic circuncisión d'a e nivanil, juneln̈ej malaj jab'oc tas ol e cha d'a Cristo.

Gl 5:2 Iomraidhean Croise

A Tas Sc'ulejnac Eb' Schecab' Jesús Hechos 15:1

A 'a yic jun tiempoal cha, 'ay jun tzo'n̈ winc 'ix cot 'a yol yic Judea, 'ix c'och eb' 'a chon̈b' Antioquía. 'Ix syamn 'och eb' yaln 'ixtc 'a eb' creyente: —Toto ma'oj e cha jun senya circuncisión 'a e niwnal, 'icha yutjnac yaln can Moisés, toxn ma'oj stac' e colchji, xchi ewinac.

A Tas Sc'ulejnac Eb' Schecab' Jesús Hechos 15:24

'Ix cab' on̈ to 'ay jun tzo'n̈ eb' mun x'at 'a qui cal on̈, xc'och eb' 'ayex. Palta man̈oc on̈ checjnac 'at eb' on̈. 'Ix cab' on̈ to tzex 'ixtx yuj tas tzyal eb' 'ayx ta'. Tecn 'ijn tzsomchj 'el e nab'en yuj eb', yujto tzyal eb' 'ixtc 'ayex: Yowlal tzex 'ajx circuncidar, yowlal tzeyiclj tas tzyal ley yic Moisés, xchi cob' eb'.

A Tas Sc'ulejnac Eb' Schecab' Jesús Hechos 15:5

Palta 'ay jaywn̈ ewin fariseo ya'jnac 'och sc'ojl 'a Cristo. 'Ix q'ue wan lin̈n ewinac, xyaln ewin 'ixtic: —A eb' man̈ israeloc tzya'ch sc'ojl 'a Cristo, yowlal tz'ajx circuncidar eb'. Yowlal tzcalc 'a eb', sec tzyiclj eb' ley yic Moisés, xchi eb'.

1 Co 16:21

A jun stzatzl e c'ojl tic, caw an Pablo in tic, an tzin tz'ib'j 'ati.

2 Co 10:1

A Cristo, caw 'emmquilal yutjnac sb'a, til wal swach'l snab'en. 'Icha yutjnac sb'a cha, 'ixta tzwutj in b'a in tew 'at 'ayx an Pablo in tic. Tzalxi, to caw 'emmquil tzwutj in b'a, yic 'ayn 'ec' eyet'oc, palta ax ab' yic 'ayn 'ec' 'a najat, caw ab' ow in.

Gl 5:11

An xo tic, ex wu'tac, ex wanab', q'uinloc an̈j 'ijnoc walni, to yowlal tz'ajx circuncidar junjn mach, to 'ixta', tecn am matz ya'ch eb' wit israelal yailal 'a wib'an̈. Q'uinloc tzwal 'ixta', ax eb' cha, matz chichn 'och eb' 'a yab'xil schaml Cristo 'a spenc culus.

Gl 5:6

Toto junxn̈ej tzon̈ 'aj yet' Cristo Jesús, man̈x 'a yel'chi, toto 'ac'b'iln̈ec circuncidar, mto ma'ay. Cojxn wal jun tic 'ay yel'chi, to caw tzca'c 'och qui c'ojl si'mb'il 'a Cristo. Toto 'ixta', 'oj qui ch'oxc 'el qui chamc'ojlal.

1 Ts 2:18

'Ix ca'lj qui 'at on̈. 'Ixta pax in an Pablo in tic, til wal 'ejm xwa'lj in 'ati. Palta a win Satanás, ma'on̈ chan 'at on̈.

Filemón 1:19

An Pablo in tic, 'oj wac' sb'oc chi 'ayach. Yuj cha, yaj in b'i, tic tzin tz'ib'j 'at 'aych ta'. 'In ojc xoni, 'icha to 'ay a b'oc 'ayin, yujto xa chaj Cristo wu'uj.

Filemón 1:9

Palta man̈toc tzach wac' mandar. Ton̈j tzin tew 'ayach, sec 'oj checljoc a chamc'ojlal. Yujto an Pablo in tic, 'ichm in xo. A ticnec, preso waji, yujto tzwa'ch in nab'en 'a Cristo Jesús.

A Ch'an̈ Carta D'a Eb' Hebreo 4:2

Yujto alb'il wach' 'ab'x yic colnb'il 'a eb' qui mam quichmec, 'icha x'aj yalx 'ayn̈ec. Palta nab'an̈ej alb'il 'a eb', yujto ma'ix ya'ch eb' 'a sc'ojol, yic yab'n eb'.