Gl 5:13 - Chuj San Sebastian Bible

¹³ Ex wu'tac, ex wanab', 'awtb'iln̈ec yuj Dios, sec wach' mun quic qui b'a. Palta wach'xam mun quiquec qui b'a, man̈ yujoc cha, tztac' ca'lb'anec qui tu nab'enal. Yel xo wach' tzlaj ca'lac servil qui b'a, yuj qui chamc'ojlalec.

Chuj San Mateo Bible

¹³ Ex vuc'tac ex vanab', avtab'il ex yuj Dios, yic vach' maxtzac ex can d'a yalan̈ smandar ley chi'. Palta man̈ yujoc chi' syal eyac'lab'an e chuc pensaril. Más vach' tzeyac'laj servil e b'a, yujto tze xajanej e b'a.

Gl 5:13 Iomraidhean Croise

Is 61:1

A Yespíritu Jehová Cajlil, a 'ix ya'ch 'ayin, yujto sic'b'iln 'el yu'uj. Checb'iln cot yu'uj, yic tzwul walnc 'el wach' 'ab'x 'a eb' meb'a', tzlaj wa'nc can b'oxc sc'ojl eb' ya yaji, tzwaln 'el yab'xil colnb'il 'a eb' 'icha preso yaji.

Lc 4:18

A Yespíritu Cajlil, a 'ix ya'ch 'ayin, yujto sic'b'iln 'el yu'uj. Checb'iln cot yu'uj, yic tzwul walnc 'el wach' 'ab'x 'a eb' meb'a'. Tzwul waln 'el yab'xil colnb'il 'a eb' 'icha preso yaji. Tzwul in jacn pax sat eb' matz uj yilni; ax eb' 'aych junc tas 'a yib'an̈, tzwul wi'cn 'elt eb' 'a libre.

A Tas Sc'ulejnac Eb' Schecab' Jesús Hechos 20:35

Smasnil tiempo xin ch'ox 'ayex, chajtlto yowlal 'ixta tzcutjec qui b'on qui munljel, sec tztac' tzon̈ colwjec 'a eb' 'ay tas 'ay tz'och yu'uj. Yowlal tzqui nac cot spaxti Cajlil Jesús, yic yaln can 'ixtic: A eb' 'ela', yel xo wal wach' yic eb' 'a yib'n̈ eb' tzchan siylab', xchi. 'Ixta yutjnac yaln can Cajlil, xchi Pablo 'a eb' anciano cha.

1 Co 8:9

Wach'xam libre cajc qui c'uxn smasnil tas, palta 'ay smay tzjuw 'el eb' mant 'a ste'nal 'a screyenteal cujec. Yuj cha, yowlal tzca'c cuenta qui b'a.

1 Co 9:19

Wach'xam may mach 'ay yaln yic 'ayin, palta tzwa'ch in b'a ya'malc servil smasnil 'anma', sec wach' caw niwn eb' tzmontchj 'och yico'oc Cristo wu'uj.

2 Co 12:15

An tic, caw tzin nib'j tzin lajl tastc 'ay 'ayin, sec 'oj wach' b'o e nab'en. Wach'xam 'oj lajwc in niwnal tic yuj 'ex wa'n servil, palta 'oj in tzaljn̈ej, wach'xam jab'xoj e chamc'ojlal 'ayin, palta yel xo wal tzex in chamc'ojlej.

2 Co 2:8

Yuj cha, tzin tew 'at 'ayex, ch'oxc pax e chamc'ojlal 'a 'a.

2 Co 3:17

A Cajlilec, Espíritun̈ej. A mach 'aych Yespíritu Cajlilec 'a 'a, mun yic sb'a yet'oc.

2 Co 4:5

A yic tz'ec' calnc 'el on̈, man̈oc cab'xil tz'ec' cal-l on̈. Palta an̈j tic tzcal-l on̈, chajtlto a Jesucristo Cajlilec. Tzcaln cuj on̈, to eya'maln̈ej servil caj on̈, yujto 'ay qui chamc'ojlal 'a Jesús on̈.

Gl 2:4

Yel toni, 'ay jun tzo'n̈ eb' yaljnac 'och sb'a creyenteal. Snib'jnac eb', to 'ajxnac circuncidar Tito cha. Palta a eb' cha, ton̈j c'ultac 'ochnc eb' 'a qui calec, sec tzyil eb', chajtl on̈ 'ajc qui colchj 'el 'a yol sc'ab' ley yic Moisés yuj Cristo Jesús. Yujto tznib'j eb' to tzon̈ 'ochc pax 'a yol sc'ab' jun ley chi jun 'ejm xo.

Gl 4:22

Yujto a tzaln yuj Abraham, chajtlto 'ay chawn̈ yunnal. 'Ay jun 'aljnac 'a jun 'ix 'aych ya'malc servil, Agar sb'i 'ix. 'Ay pax jun 'aljnac 'a yistzil Abraham cha, Isaac sb'i winac. A yistzil Abraham cha, mun yic sb'a yet'oc, may junc xo mach ya'jnac servil.

Gl 5:1

A Cristo on̈ colnec 'elt 'a yol sc'ab' ley yic Moisés, sec wach' mun quiquec qui b'a yet'oc. Yuj cha, caw te'n tzeyutj e b'a. A jun ley cha, lajn 'icha junc 'ictz caw 'al. Man̈x eya'ch e b'a 'a yalan̈.

Gl 5:14

Jantcn̈ej tas 'ay 'a ley yic Moisés, c'uxn tzcheclj 'el yuj jun checnb'il 'oj wal tic: Tzlaj e chamc'ojloc eyit 'anma'il, 'icha tzeyutj eya'iln e b'a junjn ex, xchi.

Gl 5:22

Palta ax Yespíritu Dios, a tz'a'n qui chamc'ojlalec, qui tzaljc'ojlalec, yet' qui junc'ojlalec. Tzya'n pax ca'c techjoc tzann̈j tas tzjaw 'a quib'n̈ec. Yuj Yespíritu, tz'o'ch qui c'ojlec 'a eb' quit 'anma'il, wach' tzcutjec qui nab'en 'a eb'. Yu'uj, yiclum on̈ec,

Gl 6:2

Caw tzlaj e coltc e b'a, sec 'oj laj techjoc syal eyuj e masnil. Toto 'ixta', wan eyiclni sley Cristo smasnil.

Ef 5:21

Yiclum tzeyutj e b'a 'ayx junjn ex, yuj e xiwc'ojlal 'a Cristo.

1 Ts 1:3

A 'a sat qui Mam Dios, tzqui na cot on̈, chajtlto caw tzex munlj 'a 'a, caw tzeya'ch 'a e c'ojol. Tzqui nan cot on̈ yic tzeya'n servil, yujto caw niwn e chamc'ojlal 'a 'a. An̈jtona', caw te'n tzeyutj e b'a, yujto an̈j Cajlil Jesucristo a tzeya'ch yipc e c'ojol.

A Sb'ab'el Carta San Pedro 2:16

An̈ec tic, libre xo cajec. Yuj cha, 'ixta cab' tzcutjec qui b'a. Palta matz tac' qui nanec, to tztac' qui comn b'onec maysch'olnil, yujn̈ej to libre cajec. Ocxo jun, qui nac coti, chajtlto on̈ 'ochc ya'malc servil Dios.

A Schab'il Carta San Pedro 2:19

Tzyaln pax eb' 'ixtic: Libre qui b'onec tastc 'icha tzqui nib'ej, xchi cob' eb'. Palta a eb' cha, man̈ libreoc yaj eb', yujto 'aych eb' ya'malc servil jun tzo'n̈ maysch'olnil cha. Yujto a eb' tzcan 'a yaln̈ yuj junc tas, tzyal 'el'chi, 'aych pax eb' ya'malc servil jun cha.

San Judas 1:4

Tzwalb't jun tzo'n̈ tic 'ayex, yujto 'ay eb' x'och 'a qui calc 'a c'ultaquil. Caw man̈ wach'c eb', yujto tzyal eb' 'ixtic: Colchjnacn̈ec xo yuj swach'c'ojlal Dios. Yuj cha, tzta'n̈j qui b'onec maysch'olnil 'icha tzqui nib'ej, xchi cob' eb'. An̈ec xo tic, cojxn Jesucristo tzon̈ 'a'nec mandar, cojxn Yajl yaj 'ayn̈ec. Palta ax eb' cha, caw tzpatquilj can 'el eb'. Tz'ib'b'il can yab'xil eb' 'a Ch'an̈ Un̈ 'a pecti', chajtlto yowlal 'oj 'atcn eb' 'a scal yailal.