Gl 5:11 - Chuj San Sebastian Bible

¹¹ An xo tic, ex wu'tac, ex wanab', q'uinloc an̈j 'ijnoc walni, to yowlal tz'ajx circuncidar junjn mach, to 'ixta', tecn am matz ya'ch eb' wit israelal yailal 'a wib'an̈. Q'uinloc tzwal 'ixta', ax eb' cha, matz chichn 'och eb' 'a yab'xil schaml Cristo 'a spenc culus.

Chuj San Mateo Bible

¹¹ Ex vuc'tac ex vanab', q'uinaloc an̈eja' valani to yovalil tz'ac'ji circuncidar junjun anima, max am in yac'och eb' vetisraelal d'a syaelal. Q'uinaloc icha chi' svutej valani, max am chichon sc'ool eb' d'a yab'ixal schamel Cristo d'a te' culus.

Gl 5:11 Iomraidhean Croise

Is 8:14

An xo tic 'oj woch a cajnub'oc 'a 'aj tztac' a coln a b'a. Palta a 'a eb' 'aj israel yet' 'a eb' 'aj Judá 'icha wal junc q'uen 'aj tztench eb' yoc, 'ixta 'oj waj 'a eb'. Yuj cha, ata 'oj yamchjoc eb' 'aj Jerusalén tic.

A Tas Sc'ulejnac Eb' Schecab' Jesús Hechos 16:3

Ax Pablo 'ix nani, to tzyij 'at Timoteo yet'oc. Yuj cha, xya'n circuncidar, sec matz cot yowl eb' israel 'a jun tzo'n̈ lugar cha, yujto yojc eb', to griego smam.

A Tas Sc'ulejnac Eb' Schecab' Jesús Hechos 21:21

'Ix yab' eb' speclal chajtlto ach 'ec' cuywjoc 'a scal smasnil eb' quit israelal 'ayb't 'a scal eb' man̈ israeloc. Tolab' xal 'a eb' israel cha, to man̈xtzac syiclj eb' ley yic Moisés. Tolab' xal 'a eb', to man̈xtzac yac' circuncidar eb' yunnal, man̈xtzac sb'eylb'ej eb' qui b'eyb'al an̈ israel on̈c tic.

A Tas Sc'ulejnac Eb' Schecab' Jesús Hechos 21:28

Caw 'ip 'ix yal chan̈ eb' 'ixtic: —Ex quit israelal, colwjan̈ec. Atn win tic tz'ec' cuync eb' 'anma 'a junjn lugar 'a maysch'olnil. Tzyaln win maysch'olnil 'a qui patc an̈ israel on̈c tic. Tzyaln pax win 'a spatc ley yic Moisés, yet' 'a spatquil yatut Dios tic. Ax ticnec, scomn 'ij 'och win jaywn̈ eb' griego 'a yamq'uil yatut Dios tic. A jun n̈a tic, yicn̈ej Dios yaji, palta caw xjuw yuj win 'a sat Dios, xchi eb'.

1 Co 1:18

A yab'xil schaml Cristo 'a spenc culus, may yel'ch 'a sat eb' 'anma wan satq'ui. Palta an̈ wan qui colchj yu'uj, spoder Dios yaj yab'xil tic 'ayn̈ec,

1 Co 1:23

Palta an̈ec xo tic, tzcalc 'el yab'xil Cristo, chajtlto xcham 'a spenc culus. A 'a sat eb' israel cha, may jac yopiso jun 'ab'x tic, ton̈j tzchichn 'och eb' 'a 'a. An̈jtona', yet' eb' man̈ israeloc, may jac yel'ch jun 'ab'x tic 'a sat eb'.

1 Co 15:30

An̈ xo pax tic on̈, ¿tas yuj tzcac' qui b'a 'a yol sc'ab' chaml 'a smasnil tiempo on̈?

Gl 2:3

Ax Tito cha, ajun wet'oc. Wach'xam man̈ israeloc, palta man̈ 'ajxnacoc pural yajx circuncidar.

Gl 3:1

Ax xo wal ex 'aj Galacia, caw man̈ nab'enal eyaji. Tecn 'ay junc x'a'n juwc 'el e nab'en 'icha tzyac' junc 'ajchum. Yuj cha, man̈x yiclumoc tzeyutj e b'a 'a jun cuynb'il yel. A yic quec' ta 'on̈, caw caljnac 'ayx on̈, chajtlto xcham Jesucristo 'a spenc culus. 'Icha wal to caw eyiljnac schami.

Gl 4:29

Palta a 'a pecti cha, a win ton̈j 'aljnac, 'icha tz'aj yalj junjn 'anma', ya'jnac 'och yailal 'a yib'n̈ jun 'aljnac yuj spoder Yespíritu Dios. 'Icha yutjnac sb'a win cha, 'ixta tzon̈ yutjec eb' tz'ajx mandar yuj ley ticnec.

Gl 6:12

'Ay eb' tznib'n tzex 'a'n pural, sec tzex 'ajx circuncidar. Palta ton̈j tznib'j eb' to wach' 'a sat eb' 'anma'. 'Ay eb' israel tz'a'n 'och yailal 'a yib'n̈ eb', yujn̈ej to 'aych snab'en eb' 'a schamlil Cristo 'a spenc culus. Palta tznib'j eb' matz 'ajx 'och syailal, yuj cha, 'ixta tzex yutj eb' ex ya'n pural.

Gl 6:17

A ticnec, tzin nib'ej, man̈x 'a junc mach tzin 'ixtni. Yujto a jun tzo'n̈ sjech'l tic checl 'ayin, a tzch'oxni, to ya'mal in servil Cajlil Jesús.