Gl 4:31 - Chuj San Sebastian Bible

³¹ Yuj cha, ex wu'tac, ex wanab', man̈ on̈ lajnoc 'icha jun yune 'ix 'aych 'a'j servil cha. Palta lajn on̈c 'icha jun yune 'ix mun yic sb'a yet' yichmil cha.

Chuj San Mateo Bible

³¹ Yuj chi' ex vuc'tac ex vanab', man̈ on̈ lajanoc icha jun yune' ix checab' yaj chi'. Palta lajan on̈ icha jun yune' ix munil yic sb'a yed' vin̈ yetb'eyum chi'.

Gl 4:31 Iomraidhean Croise

Jn 8:36

Yuj cha, toto an tzex in colcn 'el 'a yaln̈ e mul, caw yel 'oj eyelcn 'a libre, yujto Yunnaln Dios.

Gl 4:22

Yujto a tzaln yuj Abraham, chajtlto 'ay chawn̈ yunnal. 'Ay jun 'aljnac 'a jun 'ix 'aych ya'malc servil, Agar sb'i 'ix. 'Ay pax jun 'aljnac 'a yistzil Abraham cha, Isaac sb'i winac. A yistzil Abraham cha, mun yic sb'a yet'oc, may junc xo mach ya'jnac servil.

Gl 4:30

Palta tzyal 'ixtc 'a Ch'an̈ U'un̈: A jun 'ix 'aych 'a'j servil yet' yune', pechx cab' 'eli. Yujto a jun yune 'ix cha, may xon jac yaln yic yet' yune jun 'ix mun yic sb'a yet' yichmil. Toxn may xon jac tas 'oj 'ajx can 'a 'a, xchi 'a Ch'an̈.

Gl 5:1

A Cristo on̈ colnec 'elt 'a yol sc'ab' ley yic Moisés, sec wach' mun quiquec qui b'a yet'oc. Yuj cha, caw te'n tzeyutj e b'a. A jun ley cha, lajn 'icha junc 'ictz caw 'al. Man̈x eya'ch e b'a 'a yalan̈.

Gl 5:13

Ex wu'tac, ex wanab', 'awtb'iln̈ec yuj Dios, sec wach' mun quic qui b'a. Palta wach'xam mun quiquec qui b'a, man̈ yujoc cha, tztac' ca'lb'anec qui tu nab'enal. Yel xo wach' tzlaj ca'lac servil qui b'a, yuj qui chamc'ojlalec.