Gl 4:30 - Chuj San Sebastian Bible

³⁰ Palta tzyal 'ixtc 'a Ch'an̈ U'un̈: A jun 'ix 'aych 'a'j servil yet' yune', pechx cab' 'eli. Yujto a jun yune 'ix cha, may xon jac yaln yic yet' yune jun 'ix mun yic sb'a yet' yichmil. Toxn may xon jac tas 'oj 'ajx can 'a 'a, xchi 'a Ch'an̈.

Chuj San Mateo Bible

³⁰ Palta a Slolonel Dios chi', a' tz'alani: A ix checab' yaj tic, pechel ix yed' yune' tic, xchi ix Sara d'a vin̈aj Abraham chi'. Yujto a jun yune' ix chi', malaj yalan yic schaan jab'oc tas yed' jun yune' ix yic sb'a sch'ocoj yed' vin̈ yetb'eyum chi', xchicani.

Gl 4:30 Iomraidhean Croise

Jn 8:35

Q'uinloc 'ay junc mach 'aych ya'malc servil junc 'anma ticnec. A jun cha, may yaln yic yet' eb' yunnal jun 'anma chi 'a jun 'ejmn̈ej. Palta a junc caw yunnal junc 'anma cha, toxn to 'ay yaln yic yet' 'a jun 'ejmn̈ej.

Ro 11:2

Yictax pecti', yaljnac Dios yuj eb' israel to yic eb'. Ax ticnec, ma'oj spatquilc can 'el eb'. Cojquec yab'xil win Elías 'a Ch'an̈ U'un̈. A 'a jun 'el, xleslwi Elías 'a Dios, yalni tas smul eb' yit israelal cha. Yaln yuj eb' 'ixtic:

Ro 4:3

yujto tzyal 'ixtc 'a Ch'an̈ U'un̈: A Abraham 'ix ya'ch sc'ojl 'a Dios, yuj cha, wach' xcan 'a sat, xchi.

Gl 3:22

Palta tzyal 'a Ch'an̈ U'un̈, chajtlto smasnil 'anma', 'ayc' eb' 'a yol sc'ab' maysch'olnil. 'Ixta tzyala, sec wach', an̈ec xo tzca'c 'och qui c'ojl 'a Jesucristo, tzqui chajec jun yaljnac can Dios, yic ya'n sti'. Yujn̈ej to tzca'c 'och 'a qui c'ojol, tzqui chanec.

Gl 3:8

'Aycto, yaln can 'a Ch'an̈ U'un̈, chajtlto ax man̈ ex israeloc, 'ayx 'oj eyoch wach'l 'a sat Dios, yujn̈ej to tzeya'ch e c'ojl 'a 'a. Yictax pecti', alb'il can wach' 'ab'x 'a Abraham, yic yalx 'a 'ixtic: O'oj, ax wa'n yaxilal 'a yib'n̈ smasnil 'anma 'a yolyib'n̈q'uinl tic, xchi Dios.

Gl 4:22

Yujto a tzaln yuj Abraham, chajtlto 'ay chawn̈ yunnal. 'Ay jun 'aljnac 'a jun 'ix 'aych ya'malc servil, Agar sb'i 'ix. 'Ay pax jun 'aljnac 'a yistzil Abraham cha, Isaac sb'i winac. A yistzil Abraham cha, mun yic sb'a yet'oc, may junc xo mach ya'jnac servil.

Gl 4:31

Yuj cha, ex wu'tac, ex wanab', man̈ on̈ lajnoc 'icha jun yune 'ix 'aych 'a'j servil cha. Palta lajn on̈c 'icha jun yune 'ix mun yic sb'a yet' yichmil cha.

Santiago 4:5

¿Tom tze na'a, to may yel'ch tas tzyal spaxti Dios 'a Ch'an̈ U'un̈ 'a 'aj tzyal 'ixtic: A Dios 'ix 'a'n 'och cajn Yespíritu 'ayn̈ junjn on̈. Caw wal tznib'j Yespíritu cha, to yic on̈cn̈ej 'a jun 'ejmn̈ej, xchi.