Gl 4:25 - Chuj San Sebastian Bible

²⁵ A 'ix Agar cha, tzyal 'el'chi, atn lum witz Sinaí 'ay 'a yol yic Arabia. A ticnec, a Jerusalén 'icha to yicto witz Sinaí, yujto a eb' 'ay 'a jun chon̈b' cha, caw 'aych eb' ya'malc servil ley.

Chuj San Mateo Bible

²⁵ A ix Agar chi', a jun tzalan Sinaí ay d'a yol yic Arabia sch'oxcot ix. A chon̈ab' Jerusalén ayec' ticnaic, yicto tzalan Sinaí chi', yujto a eb' yic jun chon̈ab' chi', ayoch eb' d'a yalan̈ smandar jun ley chi'.

Gl 4:25 Iomraidhean Croise

Salmos 68:17

A Dios smiyon̈al xo sb'isl scaruaje yic owal; ata xcot 'a yol scaruaje 'a Sinaí, 'ix jaw 'a scajnub'.

Salmos 68:8

A yic cha, caw x'ib'x lum lum o'oj, 'ix cot n̈ab' 'a satcha'an̈. X'ib'x lum tzaln Sinaí 'a ojltac ach qui Diosal an̈ israel on̈ tic on̈.

Mt 23:37

Ax wal tic ex 'aj Jerusalén, caw ton̈j tzlaj e jul cham eb' schecb' Dios yet' q'uen que'en, atn eb' tzchecx cot 'ayx yu'uj. Til xo wal 'ejm tzex wawtj cot 'ayin, 'icha junc caxtiln̈ tzyawtj cot yune', tzmoyni, palta toxn matz yal e c'ojol.

Lc 13:34

Ax wal tic ex 'aj Jerusalén, caw tzlaj e mil cham eb' schecb' Dios. Ax jun tzo'n̈ xo eb' tzchecx cot yuj Dios 'ayex, ton̈j tzlaj e jul cham eb' yet' q'uen q'ue'en. Til xo wal 'ejm tzex wawtj cot 'ayin, 'icha junc caxtiln̈ tzyawtj cot yune', tzmoyni. 'Ixta tzex wutej, palta toxn matz yal e c'ojol.

Lc 19:44

C'uxn 'oj smac' 'ejm lan̈chjoc eb' jun chon̈b' tic 'a sat lu'um. Ax smilx cham eb' 'anma yuj eb'. A q'uen q'uen tusb'il 'och 'a jun tzo'n̈ n̈a 'a jun chon̈b' tic, toxn man̈x 'a junc 'oj can 'a yib'n̈ yit q'uenal cha. 'Ixta 'oj 'ajcni, yujto a 'a jun tiempoal tic, 'ix snib'j Dios tzch'ox swach'c'ojlal 'ayex, palta matz nachj 'el eyu'uj, xchi Jesús.

A Tas Sc'ulejnac Eb' Schecab' Jesús Hechos 1:11

'Ix yaln eb' 'a eb' 'ixtic: —Ex winc 'aj Galilea, ¿tas yuj an̈ja q'ueln ex q'ue 'a satcha'an̈? A Jesús tic, 'ix 'ijx 'el 'a e cal, 'ix pax 'a satcha'an̈. 'Icha xeyil s'at tic, 'ixta 'oj jawc paxi, xchi eb' 'a eb'.

Gl 1:17

Ma'in xit' in c'umc eb' b'ab'l 'ochnc schecb'oc Cristo 'a Jerusalén. Palta ton̈j 'atnc in mu'c 'a lugar Arabia. Lajw cha, we'x 'a Damasco.

Gl 4:24

A jun yab'xil eb' tic, ch'oxnb'il yaji. A chawn̈ 'ix tic, tzyal 'el'chi, atn chab' strato Dios. A 'ix Agar, tzyal 'el'chi, atn jun trato chab'il 'a lum witz Sinaí. A eb' yic xo jun trato cha, 'icha to yune 'ix Agar eb', yujto 'aych eb' ya'malc servil 'icha 'e'nc 'ix.

Gl 4:26

Palta ax junx Jerusalén 'ay 'a satcha'an̈, a 'ayn̈ec yico'. Yuj cha, mun quiquec qui b'a, matz on̈ 'ajxec mandar yuj jun ley cha.

Dt 33:2

'Ix yaln can 'ixtic: 'Ix cot Jehová 'a lum switzl Sinaí, 'ix ya'n cot sacq'uinlal 'ayn̈ec, 'a lum Edom. Toxn̈ej tzwetzwni cot 'a lum switzl Parán, 'ix jaw 'ayn̈ec. Caw smil-l sb'isl eb' ángel ajun yet'oc, ax 'a swach' c'ab', ata yet' jun ley, caw tzn̈ilchj yet' sc'aq'uil.

A Ch'an̈ Carta D'a Eb' Hebreo 12:18

An̈ec tic, man̈ lajnoc on̈ 'ajc 'icha eb' quit israelal pecti'. Yujto a eb' cha, xit'nc eb' 'a lum witz Sinaí 'ay 'a yolyib'n̈q'uinl tic, atn 'a 'aj 'ay jun c'ac' tzn̈ilchji. Ata', caw q'uic'q'uinal, man̈ checloc. 'E'nc pax jun chacxuxm 'ic' ta'.

Jueces 5:5

Caw x'ib'x eb' lum witz 'a ojltac Mamin Jehová. A wal lum witz Sinaí, caw wal x'ib'x lum 'a ojltac, ach qui Diosal an̈ israel on̈ tic on̈.