Gl 4:24 - Chuj San Sebastian Bible

²⁴ A jun yab'xil eb' tic, ch'oxnb'il yaji. A chawn̈ 'ix tic, tzyal 'el'chi, atn chab' strato Dios. A 'ix Agar, tzyal 'el'chi, atn jun trato chab'il 'a lum witz Sinaí. A eb' yic xo jun trato cha, 'icha to yune 'ix Agar eb', yujto 'aych eb' ya'malc servil 'icha 'e'nc 'ix.

Chuj San Mateo Bible

²⁴ A yab'ixal eb' ix tic, ch'oxnab'il yaji. A chavan̈ eb' ix ix tic, a chab' strato Dios sch'oxel eb' ix. A ix Agar chi', sch'oxcot jun strato sb'onac d'a jun tzalan Sinaí. A eb' yic jun trato chi', ichato yune' ix yaj eb'. Checab' yaj eb' icha aj yec'nac ix.

Gl 4:24 Iomraidhean Croise

Gn 16:8

'Ix sc'anb'n 'a 'ix 'ixtic: —Agar, ach ya'mal servil Sarai, ¿'ajtil tzach coti? ¿'ajtil pax tzach 'ati? xchi 'a 'ix. —To tzin 'at 'elc yuj 'ix Sarai 'ix in patron̈, xchi 'ix.

Gn 25:12

Atn eb' yunnal win Ismael tic, win yunnal can Abraham yet' 'ix Agar, 'ix 'aj Egipto ya'mal servil Sara.

Ez 20:49

Xlajw cha, xwaln 'ixtic: ¡'Ay, Mamin Jehová! A eb' wit chon̈b' cha, tzlaj yal eb', to a tas tzwal cha, toxn matz nachj xon 'el ab' jun tzo'n̈ paxti chi yuj eb', xin chi 'a 'a.

Os 11:10

'Oj 'ochx tza'n eb' in chon̈b' wu'uj, ax yel waw 'icha no león. Yuj tz'el waw cha, ax scot eb' wunnal 'a 'aj tz'em c'u, caw wal tz'ib'x eb' yuj xiwlal ax sjaw eb' 'ayin.

Mt 13:35

'Ixta xyutj yaln 'a eb', sec tz'el'ch tas stz'ib'jnac can jun schecb' Dios 'a pecti', yic yaln can 'ixtic: A jun tzo'n̈ 'ab'x ya snachj 'eli, a 'oj wal 'a eb' 'anma'. 'Oj wal jun tzo'n̈ paxti to caw niwn yel'ch 'ayex; atn jun tzo'n̈ tas to c'ub'b'il 'el 'a yictax sb'on Dios yolyib'n̈q'uinl tic, xchi.

Ro 8:15

Man̈x yowlalc tzon̈ xiwec, yujto a Espíritu qui chajnaquec, ma'on̈ ya'c pax 'och ya'malc servil ley yic Moisés jun 'ejm xo. Palta a Espíritu tic, a on̈ 'a'nec 'och yunnaloc Dios. Yuj wal Espíritu tic, tzon̈ 'awjec 'a Dios 'ixtic: Mamin, xqui chic 'a 'a.

1 Co 10:11

Smasnil jun tzo'n̈ tas jawnc 'a yib'n̈ eb' qui mam quichm chi 'on̈, ch'oxnb'il yaj 'ayn̈ec. Tz'ib'b'il can jun tzo'n̈ chi 'a Ch'an̈ U'un̈, sec cojquec, to 'ay smay yoch qui mulec. Yujto an̈ec tic, 'ayn̈ecx 'ec' 'a jun slajb' tiempoal.

1 Co 10:4

An̈jtona', smasnil eb' 'u'jnac jun a 'ac'b'il yuj Dios 'a eb' 'a 'esal. A 'a sat jun q'uen q'ue'en, ata 'elnc ta a a'. A jun q'uen cha, sch'oxnb'il Cristo yaji.

Gl 4:25

A 'ix Agar cha, tzyal 'el'chi, atn lum witz Sinaí 'ay 'a yol yic Arabia. A ticnec, a Jerusalén 'icha to yicto witz Sinaí, yujto a eb' 'ay 'a jun chon̈b' cha, caw 'aych eb' ya'malc servil ley.

Gl 4:3

An̈jtona', 'ixta on̈ec. A 'a yic yalan̈, 'icha to 'unn on̈ec, yujto on̈ 'ajxec mandar yuj jun b'eyb'al yic yolyib'n̈q'uinl tic.

Gl 5:1

A Cristo on̈ colnec 'elt 'a yol sc'ab' ley yic Moisés, sec wach' mun quiquec qui b'a yet'oc. Yuj cha, caw te'n tzeyutj e b'a. A jun ley cha, lajn 'icha junc 'ictz caw 'al. Man̈x eya'ch e b'a 'a yalan̈.

Dt 33:2

'Ix yaln can 'ixtic: 'Ix cot Jehová 'a lum switzl Sinaí, 'ix ya'n cot sacq'uinlal 'ayn̈ec, 'a lum Edom. Toxn̈ej tzwetzwni cot 'a lum switzl Parán, 'ix jaw 'ayn̈ec. Caw smil-l sb'isl eb' ángel ajun yet'oc, ax 'a swach' c'ab', ata yet' jun ley, caw tzn̈ilchj yet' sc'aq'uil.

A Ch'an̈ Carta D'a Eb' Hebreo 11:19

'Ixta yutjnac sb'a Abraham cha, yujto caw nachjnac 'el yu'uj, to a Dios 'ay spoder ya'n pitzwc pax eb' 'anma'. Yuj cha, tztac' calnec, 'icha to pitzwnac pax Isaac cha, yajx pax 'a Abraham chi 'a scha'ejmal.

A Ch'an̈ Carta D'a Eb' Hebreo 12:24

Ata 'ayc' pax Jesús, atn tz'a'n 'el'choc jun yac' trato Dios. Ax schiq'uil, a tz'i'n 'el qui mul 'ayn̈ec, 'icha to tzicx cot 'a quib'an̈. A schic'l cha, 'icha to a tzc'ann niwnc'ojlal 'a quib'n̈ec. Man̈ 'ichaoc schic'l win Abel, to tzc'an spac yuj schamlil.

A Ch'an̈ Carta D'a Eb' Hebreo 13:20

A Dios 'a'm junc'ojlal. A 'a'jnac pitzwc pax Cajlil Jesucristo 'a scal eb' chamnac. A Jesucristo, 'icha 'Ilm Calnelu yaj 'ayn̈ec, caw niwn yel'chi. Yuj schiq'uil, 'ix 'el'ch jun strato Dios 'aycn 'a jun 'ejmn̈ej.

A Ch'an̈ Carta D'a Eb' Hebreo 7:22

A junx strato xyac'a, 'ec'b'al swach'l 'a yib'n̈ jun ya'jnac 'a b'ab'el. Ax Jesús, a tz'a'n 'el'choc jun tic.