Gl 3:5 - Chuj San Sebastian Bible

⁵ A Dios ya'jnac Yespíritu 'ayn̈ec. Sch'oxn pax jun tzo'n̈ milagro 'a qui calec. Palta ¿tasm yuj tze na'a? Man̈ yujoc qui yiclni ley yic Moisés, palta yuj ca'nec 'och qui c'ojl 'a jun wach' 'ab'x alb'il 'ayn̈ec.

Chuj San Mateo Bible

⁵ A Dios yac'nac Yespíritu d'ayex, sch'oxannac juntzan̈ tas satub'tac d'a e cal, man̈ yujoc e c'anab'ajan ley Moisés yac'nac Yespíritu chi' d'ayex, palta yujto eyac'nacoch jun vach' ab'ix alb'ilcan d'ayex d'a e c'ool, aton jun alb'ilcan d'ayex, yuj chi' ac'b'il d'ayex.

Gl 3:5 Iomraidhean Croise

A Tas Sc'ulejnac Eb' Schecab' Jesús Hechos 14:3

Ax Pablo yet' Bernabé, niwn tiempo 'ix 'ochcn wan eb' 'a jun chon̈b' cha. Caw te'n xyutj sb'a eb' yaln 'eli, yujto xya'ch eb' Cajlil yipc sc'ojol. Yic xyaln 'el eb' yab'xil schamc'ojlal Cajlil, a x'och yet' eb', sec tzcheclj 'eli, to yel tzyal eb'. 'Ix ya'n spoder 'a eb', sec tztac' sch'oxn eb' jun tzo'n̈ milagro.

Ro 10:17

An̈ec tic, 'ix cab' jun wach' 'ab'x 'ix alx 'ayn̈ec. Yuj cha, tzca'c 'och 'a qui c'ojol. A jun 'ab'x 'ix cab'c tic, atn yab'xil Cristo.

Ro 15:19

'Ay pax jun tzo'n̈ milagro ch'oxb'il wuj 'a eb', yet' jun tzo'n̈ xo tas tzch'oxn 'el spoder Dios. Ax Yespíritu Dios 'ix yac' spoder 'ayin. 'Ixta xwutj 'ec' walnc 'el wach' 'ab'x yic Cristo 'a junjn chon̈ab'. A 'a Jerusalén, ata in b'ab'l yamj 'och waln 'eli. C'uxn x'ec' wal-l 'a junjn chon̈ab', masnto in c'och 'a chon̈b' Ilírico.

1 Co 12:10

'ay eb' tz'ajx spoder sch'oxn 'el jun tzo'n̈ milagro, 'ay pax eb' tz'ajx yal-l spaxti Dios. Yuj Yespíritu tic, 'ay eb' tz'ajx yojcoc 'eli, toto a 'aych yet' junc mach, mto a junc demonio 'aych yet'oc. Yu'uj, 'ay pax eb' tz'ajx paxtinc 'a jun tzo'n̈ chucchc ti'al. 'Ay pax jun tzo'n̈ xo eb' tz'ajx alnoc, tas wal tzyal 'el'ch jun tzyal eb' cha.

2 Co 10:4

Man̈oc jun tzo'n̈ tas yic yolyib'n̈q'uinl tic tzqui yamc'ab'j on̈, yic tzca'n quip on̈. Palta an̈j jun tzo'n̈ 'aj 'aych spoder Dios tzqui yamc'ab'j on̈, sec wach' a jun tzo'n̈ 'ay cob' yip, tzcan 'a yaln̈ cuj on̈.

2 Co 12:12

A yic wec' 'a e cal, caw te'n wutjnac in b'a in munlj ta'. In b'ojnac jun tzo'n̈ milagro yet' jun tzo'n̈ xo tastc tzch'oxn 'el spoder Dios, caw satnc e c'ojl eyiln jun tzo'n̈ in b'ojnac cha. Yuj jun tzo'n̈ cha, tzcheclj 'eli, to yel schecb' in Cristo.

2 Co 13:3

Wan e nib'n eyila', toto yel a Cristo tzin c'anlb'ani, yic tzyaln 'ayex. At wal 'oj in c'ochi, ax eyilni, ax snachj 'el eyu'uj. Yujto a Cristo tic, man̈toc may spoder sch'ox 'ayex. caw niwn spoder tzch'oxjnac 'a e cal.

2 Co 3:8

¿jantc tom wal yel'ch jun 'ab'x tzyij cot Yespíritu Dios 'ayn̈ec?

2 Co 9:10

A Dios tz'a'n jantcn̈ej 'in̈t tz'awxi, tzya'n pax jantcn̈ej tas tzc'uxxi. A 'oj 'a'nc jun tzo'n̈ tas 'ayex yic 'oj eya'nc eyofrendaoc. 'Icha to 'oj eyawc cani. Ax jun spac 'oj e cha yuj e wach' nab'enal cha, caw 'oj q'uib' yu'uj, ax e jach'ni.

Gl 3:2

Octom tzeyal 'ayin, ¿tom e chajnac Yespíritu Dios, yuj eyiclni ley yic Moisés? Ma'ay, a 'a yic eya'n 'och e c'ojl 'a jun wach' 'ab'x alb'il 'ayex, ata chab'il eyu'uj.

A Scarta San Pablo D'a Eb' Aj Filipos 1:19

yujto wojtac, wach'xam tzwab' syal ticnec, palta caw wach' 'oj waji, yujto wan e leslwi wu'uj. 'Ixta 'oj waji, yujto a Yespíritu Jesucristo 'aych wet'oc.