Gl 3:28 - Chuj San Sebastian Bible

²⁸ Man̈x 'a yel'chi, toto israel on̈, mto griego on̈. Wach'xam 'ayn̈ 'och mosoal to man̈ quico'oc qui b'a, wach'xam mun quic qui b'a, toxn̈ej winac, toxn̈ej 'ix, may yel'chi, yujto junxn̈ej cajc qui masnil yet' Cristo. 'Icha to junxn̈ej 'anmal cajc qui masnil.

Chuj San Mateo Bible

²⁸ Man̈xa yelc'ochi tato israel on̈, mato maay. Vach'chom checab' caji, ma munil quic co b'a, vach'chom vinac, ma ix, man̈xa yelc'ochi, yujto junxon̈ej caj co masanil yed' Cristo Jesús. Icha val to junxon̈ej animail caj co masanil.

Gl 3:28 Iomraidhean Croise

Jl 2:29

A 'a yic jun tiempoal cha, 'oj wa'ch Wespíritu 'a jantcn̈ej eb' tzin 'a'n servil, wach'xam winac, wach'xam 'ix.

Jn 10:16

'Ay pax jun tzo'n̈ xo eb' 'oj ya'ch sc'ojl 'ayin, palta man̈ quit chon̈b'oc eb'. Yowlal 'oj in molb'tzoc cot eb'. A eb' cha, 'oj syiclc eb' tas tzwala. Junn̈j 'oj 'aj eb' wic smasnil, yujto junn̈j mach tz'iln eb'.

Jn 11:52

Man̈ yujocn̈ej eb' israel cha, 'ix schami. 'Ix chami, yic tzmolb'tzan jantc eb' Yunnal Dios t'un̈ctac yajcn 'at 'a yolyib'n̈q'uinl tic, sec junxn̈ej 'oj 'aj eb'.

Jn 17:11

Jab'xoj wal 'ayn 'ec' 'a yolyib'n̈q'uinl tic, ax in pax q'ue et'oc. Ax eb' tic, 'oj laj can eb' jacx 'a yolyib'n̈q'uinl tic. Mamin, caw tojln̈ej a nab'en. A eb' xac' 'ayn tic, tza tan̈wj eb' yet' a poder, sec junxn̈ej tz'aj snab'en eb' 'icha waj et'oc.

Ro 1:16

An tic, matz in q'uixw yuj jun wach' 'ab'x tic, yujto 'aych spoder Dios yet'oc, yic wach' tzcolchj 'el jantcn̈ej eb' tzya'ch sc'ojl 'a 'a. A wal eb' wit israelal, yel xo wal 'ay yaln eb' yic 'a jun colnb'il tic, yet' pax eb' man̈ israeloc, 'ay pax yaln eb' yic 'a 'a.

Ro 3:22

Yujn̈ej to tzca'c 'och qui c'ojl 'a Jesucristo, wach'n̈ec 'a sat Dios, yujto tzann̈j mach tz'a'n 'och 'a sc'ojol, wach' eb' 'a sat. Lajn on̈cn̈ej qui masnil an̈ 'anman̈ec tic 'a sat Dios.

Ro 8:1

A ticnec, an̈ec junxn̈ej cajc yet' Cristo Jesús, man̈x 'ayc 'och yailal 'a quib'n̈ec.

Ro 9:24

Wach'xam israel on̈ec, wach'xam ma'ay, palta yawtjnacn̈ec 'och yico'oc.

1 Co 7:14

Yujto a win yichmil 'ix cha, wach'xam man̈ creyenteoc, 'icha to yic Dios yaj win yet' 'ix, yujto jun yaj win yet' 'ix creyente cha. An̈jtona', 'ixta pax junc 'ix man̈ creyenteoc, 'icha to yic Dios yaj 'ix, yujto jun yaj 'ix yet' win creyente cha. Toto man̈ 'ichaoc yic Dios yaj eb', ax yunnal eb', comn 'anman̈ej am yaji. Palta ma'ay, yic Dios pax eb'.

1 Co 7:19

Toxn̈ej chab'il jun yechl circuncisión chi cujec, toxn̈ej ma'ay, mayn̈ej yel'chi. Palta 'ay junx caw niwn yel'chi, to tzqui b'eylb'ejec 'icha tznib'j Dios.

Gl 3:14

'Ixta x'aj Cristo Jesús, sec yu'uj, ax ya'n Dios syaxilal 'ayx man̈ ex israeloc, 'icha yutjnac ya'n 'a Abraham pecti'. An̈jtona', yuj Cristo chab'il Yespíritu Dios cujec qui masnil, 'icha yutjnac ya'n can sti'.

Gl 3:26

Yujto tzca'c 'och 'a qui c'ojol, yuj cha, yunnaln̈ec xo Dios, junxn̈ej cajc yet' Cristo Jesús qui masnil.

Gl 4:14

'Ac'b'ilx prowal yuj jun in yailal cha, palta ma'in e patquilj can 'el yu'uj. May tas eyal paxi, to may wel'ch 'a e sat. 'Icha tzcutj qui chan junc yángel Dios tzjawi, 'ixta eyutjnacn in e chani. 'Icha Jesucristo, 'ixta in 'a e sat in c'ochi.

Gl 5:24

An̈ yic on̈c xo Cristo, man̈x 'a yel'ch qui tu nab'enal 'ayn̈ec, yet' jun tzo'n̈ maysch'olnil tzqui nib'jec 'ochi. 'Icha to 'ac'b'ilx 'och 'a spenc culs cujec.

Gl 5:6

Toto junxn̈ej tzon̈ 'aj yet' Cristo Jesús, man̈x 'a yel'chi, toto 'ac'b'iln̈ec circuncidar, mto ma'ay. Cojxn wal jun tic 'ay yel'chi, to caw tzca'c 'och qui c'ojl si'mb'il 'a Cristo. Toto 'ixta', 'oj qui ch'oxc 'el qui chamc'ojlal.

Ef 1:1

An Pablo in tic, schecb' in Jesucristo, yujto 'ixta x'el 'a sc'ojl Dios. Tic tzin tz'ib'j 'at jun in carta tic 'ayx ex yic xo Dios 'a chon̈b' Éfeso. Caw 'aych e c'ojl 'a Cristo Jesús si'mb'il.

Ef 4:4

Yujto an̈ec tic, 'icha to junn̈j 'anmal cajec. Junn̈j Espíritu 'aych 'ayn̈ec. Junn̈j tas tzca'c 'och yipc qui c'ojol, atn jun 'aj 'awtb'iln̈ec 'ochi.

A Scarta San Pablo D'a Eb' Aj Filipos 1:1

An Pablo in tic, yet' Timoteo, ya'mal on̈ servil Jesucristo on̈. Tic tzca't jun qui carta tic 'ayx e masnil ex yic xo Dios 'a Filipos, ex junxn̈ej eyaj yet' Cristo Jesús. Tzqui tz'ib'j pax 'at 'ayx ex yilmal eb' creyente ta', yet' pax 'ayx ex diácono.

A Scarta San Pablo D'a Eb' Aj Colosas 1:4

Yujto xcab' eyab'xil on̈, chajtlto xeya'ch e c'ojl 'a Cristo Jesús. Tzcab'n on̈, to caw 'ay e chamc'ojlal 'a jantcn̈ej eb' yic xo Dios yaj quet'ec.

A Scarta San Pablo D'a Eb' Aj Colosas 3:11

Yuj cha, may yel'chi, toto israel on̈, mto man̈ on̈ israeloc. Wach' cab' 'ay mach 'ac'b'il circuncidar, wach' cab' 'ay mach ma'ay. Wach'xam chuc chon̈b'al, wach'xam cab'nal 'anma', mto moso to man̈ yico'oc sb'a, toxn̈ej yicn̈ej sb'a, may yel'ch jun tzo'n̈ tic. Cojxn Cristo 'ay yel'chi, yujto a 'aych 'a qui pixn junjn on̈ec.

1 Ti 1:12

A Cajlil Jesucristo, caw 'aych wet' 'a wopiso tic. Caw tzwac' yuj diosal 'a 'a, yujto xyala chajtlto yiclum in 'a sat. Yuj cha, xya'n wopiso wa'n servil.

2 Ti 1:1

An Pablo in tic, schecb' in Jesucristo, yujto 'ixta x'el 'a sc'ojl Dios. A Dios ya'jnac can sti', to 'oj yac' qui q'uinl 'a jun 'ejmn̈ej, yujto junxn̈ej caj yet' Cristo Jesús.