Gl 3:23 - Chuj San Sebastian Bible

²³ A 'a yic mantzac jaw jun mach 'aj tzca'c 'och qui c'ojol, 'ayn̈ect 'ec' 'a yol sc'ab' jun ley cha. 'Icha to yamb'iln̈ec yu'uj, masnto xcheclj 'el jun 'aj tzca'c 'och qui c'ojl cha.

Chuj San Mateo Bible

²³ Ayic manto ja jun mach scac'och d'a co c'ool, ay on̈to ec' d'a yalan̈ jun ley chi'. Ichato yamb'il on̈ yuj jun ley chi' masanto ix checlaj jun mach scac'och d'a co c'ool chi'.

Gl 3:23 Iomraidhean Croise

Jn 3:34

Yujto a jun cha, a Dios checjnac coti. Yuj cha, a spaxti Dios tzyala. A jun cha, tz'acn ya'jnac Dios Yespíritu 'a 'a.

Ro 11:32

A 'a sat Dios, man̈ on̈ yiclumoc qui masnil an̈ 'anman̈ec tic. 'Ixta 'on̈ yutjec, sec wach' jun lajnn̈ej tzyutj yo'ch sc'ojl 'ayn̈ec qui masnil.

Ro 3:19

Cojquec, jantcn̈ej tas tz'ib'b'il can 'a ley, a tzaln 'a eb' 'aych 'a yol sc'ab', sec wach' may junc mach 'oj stac' scoln sb'a. Yuj cha, smasnil 'anma 'a yolyib'n̈q'uinl tic, 'oj b'eyc'ojlaxc eb' yuj Dios.

Gl 3:19

Palta ¿tas yopiso jun ley chi tze na'a? 'Ac'b'il jun ley cha, sec tzcheclj 'el smul junjn 'anma'. 'Ayn̈j yopiso jun ley cha, masnto jawnac jun yin̈tl Abraham, atn jun 'aj ya'jnac can Dios sti'. Ax eb' ángel aljnac jun ley chi 'a Moisés, yujto a ya'jnac sb'a yuj eb' 'anma 'a Dios.

Gl 4:21

'Ay ex, a jun ley yic Moisés tze nib'j tzex 'a'n mandar. Palta ¿tom matz e na coti, tas tzyal 'a jun ley cha?

Gl 5:18

Palta toto wan qui b'eylb'anec 'icha tzch'ox Yespíritu Dios, ax jun ley cha, man̈x 'a yaln yic 'ayn̈ec.

A Ch'an̈ Carta D'a Eb' Hebreo 11:13

A junjn eb' xwal yab'xil tic, a yic laj scham eb', mantzac schaj eb' jun tzo'n̈ tas 'aj ya'jnac Dios sti'. Palta caw ya'jnac 'och eb' Dios 'a sc'ojol. Yuj cha, 'icha to yiljnac 'at eb' jun tzo'n̈ chi 'a najat, caw tzalj eb' yu'uj. 'Ixta yutjnac eb' ya'n testigoal sb'a, chajtlto a jun yolyib'n̈q'uinl tic, man̈ schon̈b'oc eb', ton̈j 'e'lb'a yec' eb' 'a 'a.

A Ch'an̈ Carta D'a Eb' Hebreo 12:2

Ca'c 'at qui nab'en 'a Jesús, yujto a tz'a'n ca'c 'och qui c'ojl 'a 'a. Yu'uj, caw tz'acn tzcutjec ca'n 'och 'a qui c'ojol. 'Ix yab' syal 'a te culus. Ma'ix sna jab'oc toto q'uixweltac x'aj schami, yujto yojtac, a yic tzlajw yab'n syal cha, caw tzaljc'ojlal yico'. Ax ticnec, wocn 'ejm 'a sdespacho Dios 'a swach' c'ab'.