Gl 3:18 - Chuj San Sebastian Bible

¹⁸ Q'uinloc yuj jun ley cha, tzyac' Dios qui colnb'ilec ticnec. Toto 'ixta', man̈ yujoc to ya'jnac can Dios sti', tzya'n qui colnb'ilec cha. Palta ya'jnac can Dios sti 'a Abraham, chajtlto 'oj yac' jun chi 'a nab'an̈ej.

Chuj San Mateo Bible

¹⁸ Q'uinaloc yujn̈ej sc'anab'ajan jun ley chi' eb' tz'elc'och jun tas ijanoch yac'an Dios chi' d'a eb', tato icha chi', man̈ yujoc am yac'ancan sti' Dios chi' ix yalancan d'a eb'. Palta a sti' Dios yac'naccan d'a vin̈aj Abraham chi' to ton̈ej ol siej jun chi' d'a eb'.

Gl 3:18 Iomraidhean Croise

Salmos 105:42

yujto sna cot sti yaljnac can 'a jun schecab', atn Abraham.

Ro 8:17

Yujto yunnaln̈ec xo Dios, yuj cha, 'oj qui chac jun qui macl 'oj yac' 'ayn̈ec, atn swach'l 'oj spojc' 'ayn̈ec. A jun chi 'oj qui chac yet' Cristo. Toto junn̈j tzcutjec cab'n syal yet'oc, to 'ixta', junn̈j 'oj cajc yet' 'a 'aj 'ay swach'il.

Gl 2:21

Matz tac' calnec, to nab'an̈ej sch'oxjnac Dios swach'c'ojlal 'a eb' wit israelal. Q'uinloc yujn̈ej qui yiclniec ley yic Moisés, tzyaln Dios, to wach'n̈ec 'a sat, to 'ixta', nab'an̈ej xcham Cristo cujec.

Gl 3:10

A eb' tzya'ch yipc sc'ojl syiclni ley yic Moisés, 'ay cot yowl sc'ojl Dios 'a yib'n̈ eb'. Yujto tzyal 'ixtc 'a Ch'an̈ U'un̈: Tzann̈j mach matz yiclnin̈ej smasnil tas tz'ib'b'il can 'a ley, 'ay cot yowl sc'ojl Dios 'a yib'n̈ eb', xchi.

Gl 3:12

Ax jun ley cha, toxn may tas tzyala, toto yowlal tzca'c 'och qui c'ojl 'a Dios. Palta tzyal 'ixtic: A mach 'oj yiclnoc, 'oj 'ajxoc sq'uinl yu'uj, xchi.

Gl 3:16

Ax Dios, ya'jnac can sti 'a Abraham yet' 'a yin̈til. Ma'ix yal 'a Ch'an̈ U'un̈: A jun tzo'n̈ eb' en̈til, man̈ xchioc. Yujto man̈ niwnoc eb' yin̈tl 'aj xyala. Palta xyal 'ixtic: A en̈til, xchi. Yujto jun wal yin̈tl Abraham chi 'aj xyala, atn Cristo.

Gl 3:26

Yujto tzca'c 'och 'a qui c'ojol, yuj cha, yunnaln̈ec xo Dios, junxn̈ej cajc yet' Cristo Jesús qui masnil.

Gl 3:29

Yujto yic on̈c xo Cristo, yuj cha, yin̈tl on̈ec xo Abraham yet'oc. Ax jun tas yaljnac can Dios yic ya'n sti', 'oj qui chac quico'oc.