Gl 3:15 - Chuj San Sebastian Bible

¹⁵ Ex wu'tac, ex wanab', tzin nib'j tzwalb't 'ayx yuj jun qui b'eyb'al an̈ 'anman̈ tic. A yic tzqui b'on qui trato yet' junc 'anma', tz'ib'n cani, tzca'n can 'ejm qui c'ab'. Yuj cha, may junc mach tztac' sjuni, may pax mach tztac' ya'n 'och jac xo xicul.

Chuj San Mateo Bible

¹⁵ Ex vuc'tac ex vanab', tzin nib'ej svalb'at d'ayex yuj co b'eyb'al a on̈ anima on̈ tic. A sco b'oan co trato yed' junoc anima, sb'ocan yumal, scac'ancanem smam co c'ab'. A jun chi' sch'oxani to yovalil ol elc'ochoc. Tato icha chi', malaj junoc mach syal sjuani, malaj pax junoc mach syal yac'anoch xicul.

Gl 3:15 Iomraidhean Croise

1 Cr 16:16

'Ix yac' 'el'choc strato yet' Abraham yet' sti ya'jnac 'a Isaac.

A Tas Sc'ulejnac Eb' Schecab' Jesús Hechos 1:15

A 'a yic jun tiempoal cha, 'aym junc 120 eb' creyente 'ix syam sb'a. Ax Pedro xq'ue wan lin̈n 'a scal eb'. 'Ix yaln 'ixtic:

Ro 1:13

Ex wu'tac, ex wanab', tzin nib'j tzeyojquej 'eli, to niwn 'ejm xo in nib'jnac 'at in b'a 'ayex, palta mantzac stac' in 'ati. Tzin nib'j tzin c'och eyet' ta', sec wach' 'oj in munlj 'a e cal ta', 'icha in munlj 'a scal eb' 'a jun tzo'n̈ xo chon̈ab'.

Ro 3:5

An̈ec tic, man̈ on̈ tojloc. Yuj cha, tzcheclj 'eli to cojn Dios tojol. Palta ¿tasm tze na'a? ¿Tom man̈ tojloc Dios yujto 'oj ya'ch qui yailalec yuj qui mul? 'Ay eb' 'anma tznan 'ixta'.

Ro 6:19

A jun tzo'n̈ wan waln 'at 'ayx tic, 'icha to comn 'ab'xn̈ej tzwutj walni, yujto mantzac nachj 'el wal jun tzo'n̈ cuynb'il tic eyu'uj. A 'a yic yalan̈, ca'jnaquec 'och qui niwnal ya'malc servil tu'al, yet' maysch'olnil. Yuj cha, caw maysch'olnil cutjnaquec qui b'a ta'. Ax ticnec, yowlal 'ixta tzcutjec ca'n 'och qui niwnal tic ya'malc servil wach'il, sec wach' cojxn Dios 'aj tzca'c 'och qui nab'en.

1 Co 15:32

A 'a Efeso tic, 'ay jun tzo'n̈ eb' 'a'jnac 'och jun tas 'a wib'an̈. Caw ow eb' 'icha junc noc' caw 'ay smay. Toto may in q'uinl 'a jun 'ejmn̈ej, ¿tas yuj tzwixtj in b'a tzyal cha? Toto ma'oj pitzwc pax eb' chamnac, to 'ixta', caw am wach' ton̈j tzca'c qui gana jac ticnec. Wa coyec, tzcu'nec tas tzcuq'uej, toq'ue chamnc on̈c xo q'uic'an.

Gl 6:18

Ex wu'tac, ex wanab', ya' cab' Cajlil Jesucristo swach'c'ojlal 'ayx e masnil ta'. Ya' cab'i'.

A Ch'an̈ Carta D'a Eb' Hebreo 6:13

A yic ya'n Dios sti 'a Abraham pecti', mun slocjnac sb'i, yujto may junc mach 'ec'b'al yel'ch 'a yib'an̈. Yuj cha, man̈ slocjnacc sb'i junc xo mach.

A Ch'an̈ Carta D'a Eb' Hebreo 6:16

A yic tzqui locnec sb'i junc xo mach, cojn junc mach yel xo niwn yel'ch 'a quib'n̈ tzqui loc sb'i. A yic tzcalnec junc tas caw yel, tzqui loc sb'i junc xo mach, sec may mach tztac' sten sb'a quet'ec.

A Ch'an̈ Carta D'a Eb' Hebreo 9:17

Yujto a junc yun̈al cha, mant 'a yopiso yic pitzn to jun b'ojnac. Cojn at yic tzchami, tz'ochcn yopiso.