Gl 3:11 - Chuj San Sebastian Bible

¹¹ Palta chequel to may junc mach wach' 'a sat Dios, yujn̈ej to tzyiclj jun ley cha. Yujto tzyal pax 'ixtc 'a Ch'an̈ U'un̈: Palta ax eb' tojl snab'en, pitznn̈ej eb' yujto tzin ya'ch eb' 'a sc'ojol, xchi Dios, xchi.

Chuj San Mateo Bible

¹¹ Palta chequel to malaj junoc mach vach' d'a yichan̈ Dios yujn̈ej sc'anab'ajej jun ley chi'. Yujto syal pax icha tic d'a Slolonel chi': A eb' tz'ac'anoch Dios d'a sc'ool, vach' eb' d'a yichan̈. Yuj chi' ay sq'uinal eb' d'a juneln̈ej, xchi.

Gl 3:11 Iomraidhean Croise

A Ch'an̈ B'ab'el Libro Yic Yab'ixal Eb' Rey 8:46

Q'uinloc 'ay 'aj 'oj 'och qui mul 'aych on̈, yujto 'in may junc 'anma matz 'och smul, ax scot am owl 'ayn̈ on̈, ax am on̈ a'n 'a yol sc'ab' ewin 'ajc'ojl yajch 'ayn̈ on̈, ax on̈ yi'n can 'at ewin 'icha presoal 'a junc xo chuc chon̈b'al 'a najat, mto 'a lac'an.

Job 40:4

¿Tas wal 'oj wutc in ta'wi, toc 'ay jac xon wel'chi? Yel xo wach' to sictac tzin cani.

Job 42:6

Yuj cha, tznachj 'el wu'uj to may jac wel'chi, yel xo wach' tzin 'emwocn 'a sat lu'um, mto 'a scal stan̈il c'ac' yic tzin nan in b'a yuj tas xwala, xchi Job.

Job 9:3

Q'uinloc cob' tzqui tej qui b'a yet'oc, toc am 'ay xon junc paxti'al tztac' qui pacn 'a scal junc mil paxti tzyal 'ayon̈.

Salmos 143:2

Man̈ in a b'eyc'ojloc an a checb' in tic, yujto may junc 'anma tojl 'a ojltac.

Salmos 19:12

May wal junc on̈ tztac' quilnec cot qui b'a yuj qui paltail. Ach in Diosal, coln 'el 'a jun tzo'n̈ xo in paltail matz nachj cot wu'uj.

Ec 7:20

Palta may junc on̈ec caw tojl qui b'eyb'al 'a yolyib'n̈q'uinl tic, yic to may 'aj tz'och qui mulec.

Is 53:6

On̈ sactzic qui masnil 'icha no calnelu, mun xoj xqui na junjn on̈ 'aja b'el 'aj tzon̈ laj 'atcni, palta ax Jehová, 'ix ya'ch jun tzo'n̈ qui mulc chi 'a yib'n̈ jun schecb' cha.

Is 6:5

Yuj cha, xwaln 'ixtic: 'Oltacn wali, tecn 'oj in chami, yujto xwilch jun Rey yet' in sat, atn Jehová tzta'n̈j yuj smasnil. An xo tic, nab'a 'anma 'in, tu tas tzlaj 'elt 'a in ti', cajn in 'ec' pax 'a scal eb' 'anma tu spaxtin tic, xin chi.

Is 64:6

Qui masnil on̈, lajn quilx 'icha junc mach man̈ wach'c yaji. Smasnil tas wach' xlaj cob' qui b'o 'on̈, lajn xoj yilx 'icha junc nip yajb'entac yilxi. Yuj tas maysch'olnil xlaj qui b'o 'on̈, yuj cha, lajn on̈ xoj 'icha te xil te tzpucli, c'un xoj s'at yuj 'ic'.

Habacuc 2:4

Tz'ib'j can paxi, chajtlto a eb' maysch'olnil sb'eyb'al, caw wal tzb'an̈ sb'a eb', palta ax eb' tojl snab'en, pitznn̈ej eb', yujto tzin ya'ch eb' 'a sc'ojol, xchi Dios.

Ro 1:17

A jun wach' 'ab'x tic, a tz'a'n nachjc 'el cujec, to tzon̈ yalc Dios wach'il, yujn̈ej to tzca'c 'och qui c'ojl 'a 'a. May junc xo tas tzqui b'o'ec cojn to tzqui wach' 'a'jec 'och 'a qui c'ojol. Yujto 'ixtc yaln 'a Ch'an̈ U'un̈: A eb' tz'a'n 'och Dios 'a sc'ojol, wach' eb' 'a sat. Yuj wal cha, 'ay sq'uinl eb' 'a jun 'ejmn̈ej, xchi Dios 'a Ch'an̈.

Gl 2:16

Palta cojquec, may junc mach tz'och wach'l 'a sat Dios, yujn̈ej syiclni ley yic Moisés cha. Cojxn eb' tzya'ch sc'ojl 'a Jesucristo, an̈j eb' wach' 'a sat Dios. An̈jtona an̈ tic on̈, tzca'ch pax qui c'ojl 'a Jesucristo eyet' on̈, sec wach'n̈ pax 'a sat Dios on̈. Yujn̈ej ca'n 'och qui c'ojl 'a Cristo on̈, wach'n̈ 'a sat Dios on̈. Man̈ yujoc qui yiclni ley yic Moisés, wach'n̈ on̈. Yujto may junc mach wach' 'a sat Dios, yujn̈ej to tzyiclj tas tzyal jun ley cha.

A Ch'an̈ Carta D'a Eb' Hebreo 10:38

Ax eb' tojl snab'en 'a in sat, pitzn eb', yujto tzin ya'ch eb' 'a sc'ojol. Palta toto tzmeltzj eb' 'a spatic, man̈x 'oj in tzalj yet' eb', xchi Dios 'a Ch'an̈.

Santiago 1:27

Palta 'oj wal junx tic. Toto 'ay eb' 'unn chamnc smam snun, yet' eb' 'ix chamnc yichmil 'ay scusc'ojlal, yowlal tz'at quilc eb', tzon̈ colwjec 'a eb'. An̈jtona', yowlal tzquijec 'el qui b'a 'a tzann̈j maysch'olnil 'ay 'a yolyib'n̈q'uinl tic. Toto 'ixta tzcutjec qui b'a, ax qui Mam Dios, tzyila to caw yel 'aych qui c'ojl 'a 'a.

Santiago 3:2

Yujto qui masnil, til wal 'ejm tz'och qui mulc 'a Dios. Toto may 'aj tz'och qui mulc yuj tas tzcala, caw wach'n̈ec 'a sat Dios, tztac' qui tennec pax 'och wan qui niwnal smasnil.

Apoc 5:9

Ax eb' 'ichm winc cha, 'ix sb'itnan eb' jun 'ac' b'it 'ixtic: Ach tic, a moj xa chaj jun ch'an̈ un̈ tic, yic tza n̈i'chtan seyoal. Yujto ach milb'ilch chamoc, a mann 'och eb' 'anma yico'oc Dios yet' a chiq'uil. Niwn eb' 'a junjn 'in̈tal, 'a junjn ti'al, 'a junjn chon̈b'al, yet' 'a junjn nacion̈al.