Gl 2:5 - Chuj San Sebastian Bible

⁵ Palta toxn ma'ix qui yiclj tas yaljnac eb' on̈. Yujto qui nib'jnac on̈, cojxn jun wach' 'ab'x caw yel 'aj tzeya'ch e nab'en.

Chuj San Mateo Bible

⁵ Palta maj co c'anab'ajej tas yal eb' chi', yujto malaj co gana sq'uexchaj jun vach' ab'ix te yel b'aj ix eyac'och e c'ool.

Gl 2:5 Iomraidhean Croise

Nehemías 6:4

Chan̈ 'ejm 'ix schec cot eb' schecab', yic tzwul ya'nc eb' alxc jun paxti chi 'ayin; an xo tic, 'ixtan̈ej xwutj wa'n spac 'a eb'.

A Tas Sc'ulejnac Eb' Schecab' Jesús Hechos 15:2

Ax Pablo yet' Bernabé, caw 'ix stej sb'a eb' yet' ewinac, palta ma'ix b'o yuj eb'. Yuj cha, xyaln eb' creyente, chajtlto tz'at Pablo 'a Jerusalén yet' Bernabé. Tz'at pax jun tzo'n̈ xo eb' creyente yet' eb' yic tz'at sc'anb'noc eb' junc nab'en 'a eb' schecb' Jesús, yet' 'a eb' anciano 'a jun iglesia cha.

Gl 1:6

A Dios 'awtjnacn̈ec yuj swach'c'ojlal Cristo. Palta caw tzsat in c'ojl eyu'uj, yujto wan laj eyactn can Dios muc'uc. Ax ticnec, wan cob' eya'nc 'och e nab'en 'a junx chuc 'ab'xil yic colnb'il tzalx 'ayex.

Gl 2:14

Palta ax yic wiln an tic, to man̈ tojloc yutjnac sb'a eb' 'icha tzyal jun wach' 'ab'x caw yel, waljnac 'ixtc 'a Pedro 'a sat eb' creyente smasnil: Ach tic, israel ach wet'oc, palta 'in lajn a b'eyb'al yet' eb' man̈ israeloc. Man̈ 'ichaoc sb'eyb'al eb' quit israelal tzotj a b'a. Yuj cha, ¿tas yuj tza nib'j tzac' pural eb' man̈ israeloc, sec lajn tzyutj eb' sb'eyb'al yet' eb' quit israelal cha? xin chi 'a 'a.

Gl 4:16

Al ticnec, ¿tom tzin 'och 'ajc'ojlal 'ayex, yujto tzwalb't jun tzo'n̈ tas caw yel 'ayex?

Ef 1:13

Ax xo paxi, yic eyab'n jun 'ab'x caw yel, atn yab'xil qui colnb'il, eya'n 'och e c'ojl 'a Cristo quet' on̈. Yuj cha, junxn̈ej ex 'aj yet'oc. 'Ix 'och Yespíritu Dios 'a e pixan, 'icha tz'aj yajx 'och junc seyo 'a junc tas. Yuj cha, chequel, to yic ex xo Dios. Yujto ya'jnac can Dios sti', to tzya' cot 'ayn̈ec.

A Scarta San Pablo D'a Eb' Aj Colosas 1:5

'Ixta tzeyutj e b'a, yujto wan e tan̈wni jun eyic molb'il 'a satcha'an̈. Atxo 'a yic eyab'n jun wach' 'ab'x caw yel, eyamn 'och eya'n 'och jun chi yipc e c'ojol.

1 Ts 2:13

A yic caln 'el spaxti Dios 'a e cal on̈, yajn̈ej eya'n 'och 'a e c'ojol, chajtlto yel yic Dios, man̈ yico'oc 'anma'. Yuj cha, caw tzca'n̈j yuj diosal 'a Dios eyuj on̈. A spaxti tic, caw yel yico'. Caw 'ay yopiso sb'on qui nab'en an̈ creyente on̈c tic.

San Judas 1:3

Ex chamc'ojlb'il wu'uj, caw xin nib'j xwa't junc in carta 'ayex, yic tzwaln 'at 'ayx yuj qui colnb'ilec. Palta ax ticnec, 'ay jun caw yowlal 'oj walb't 'ayex. Tzin tew 'at 'ayex, caw tzeyac' eyip, sec may tz'aj sjuw jun tzo'n̈ cuynb'il 'aj tzca'c 'och qui c'ojol. Yujto an̈ec yic on̈c xo Dios tic, a 'ayn̈ec ya'jnac can jun tzo'n̈ cuynb'il tic 'a jun 'ejmn̈ej.