Gl 2:21 - Chuj San Sebastian Bible

²¹ Matz tac' calnec, to nab'an̈ej sch'oxjnac Dios swach'c'ojlal 'a eb' wit israelal. Q'uinloc yujn̈ej qui yiclniec ley yic Moisés, tzyaln Dios, to wach'n̈ec 'a sat, to 'ixta', nab'an̈ej xcham Cristo cujec.

Chuj San Mateo Bible

²¹ Man̈ vanoc valan d'ayex to nab'an̈ej sch'oxnac svach'c'olal Dios d'ayon̈. Q'uinaloc tato yujto sco c'anab'ajej ley Moisés syalan Dios to vach' on̈ d'a yichan̈, nab'an̈ej am ix cham Cristo chi' cuuj.

Gl 2:21 Iomraidhean Croise

Salmos 33:10

A tztenn juwc smasnil tas tzlaj cob' sna eb' 'anma sb'o', atn eb' man̈ schon̈b'oc.

Is 49:4

Palta xin nan 'ixtic: Nab'an̈ej in munlji, nab'an̈ej x'el wip, may jac tas 'ix wij 'a 'a, xin chi. Palta wojtac to checl yaj jun tic 'a sat Jehová, a spac wic yuj jun tic, ata 'ayc' 'a yol sc'ab' Dios.

Jeremías 8:8

¿Tas yuj tzeyal 'ixtic: An̈ tic caw wal jeln on̈, cojc sley Jehová, xe chi? ¡'Intax eb' tz'ib'n ley, tzjel pax eb' tas tzyal jun ley cha!

Mr 7:9

—Ton̈j tzeyixtj 'el schecnb'il Dios, sec tze b'eylb'ej jun tzo'n̈ sb'eyb'al qui mam quichmec.

Ro 10:3

Man̈ yojcoc eb' tas tz'aj eb' yoch wach'l 'a sat Dios. Tznib'j eb' to mun tzya'ch sb'a eb' wach'l 'a sat. Yuj cha, matz chaj 'och wach'l sb'a eb' 'a sat Dios 'a 'icha tznib'ej.

Ro 11:6

Yuj wal swach'c'ojlal cha, si'n can 'el eb', man̈ yujoc junc tas tzb'o eb'. Q'uinloc yuj tas tzb'o eb', si'n 'el eb', to 'ixta', man̈ yujoc swach'c'ojlal Dios tzcolchj eb'.

Ro 4:25

Atn jun 'ajxnac 'och 'a yol sc'ab' chaml yuj qui mulec. Xlajw cha, xpitzw paxi, sec tzon̈ 'ochc wach'l 'a sat Dios yu'uj.

Ro 8:31

Yuj jun tzo'n̈ tzwal tic, caw man̈x 'a tas tzqui nac ticnec. Caw 'aych Dios quet'ec. Yuj cha, ¿tom 'ay junc mach tztac' ya'n ganar ya'n owl quet'ec?

1 Co 15:14

An̈jtona', toto man̈ pitzwnacc pax Cristo cha, ax jun wach' 'ab'x tic tzcal-l tic on̈, may jac yel'chi. To 'ixta', nab'an̈ej tzeya'ch e c'ojl 'a 'a.

1 Co 15:17

Palta q'uinloc ma'ix pitzw pax Cristo cha, to 'ixta', nab'an̈ej tzeya'ch e c'ojl 'a 'a, yujto an̈ja 'aych e mul 'a eyib'an̈.

1 Co 15:2

Toto an̈ja 'aych e nab'en 'a jun 'ab'x waljnac 'ayx tic, toto yel eya'jnac 'och e c'ojl 'a 'a, to 'ixta', 'ay e colnb'il yu'uj.

Gl 2:16

Palta cojquec, may junc mach tz'och wach'l 'a sat Dios, yujn̈ej syiclni ley yic Moisés cha. Cojxn eb' tzya'ch sc'ojl 'a Jesucristo, an̈j eb' wach' 'a sat Dios. An̈jtona an̈ tic on̈, tzca'ch pax qui c'ojl 'a Jesucristo eyet' on̈, sec wach'n̈ pax 'a sat Dios on̈. Yujn̈ej ca'n 'och qui c'ojl 'a Cristo on̈, wach'n̈ 'a sat Dios on̈. Man̈ yujoc qui yiclni ley yic Moisés, wach'n̈ on̈. Yujto may junc mach wach' 'a sat Dios, yujn̈ej to tzyiclj tas tzyal jun ley cha.

Gl 2:18

Tox 'ix wala to man̈x 'a yopiso jun tzo'n̈ 'ichm cuynb'il. Q'uinloc tzwalxi, to tzat 'och yopiso jun 'ejm xo. Toto 'ixta', tzcheclj 'eli, to 'ajmul in 'a ley cha.

Gl 3:21

Palta a ley yic Moisés, matz 'och 'ajc'ojlal 'a jun tzo'n̈ tas yaljnac can Dios, yic ya'n sti 'ayn̈ec. Q'uinloc 'ac'b'il junc ley 'aj tztac' qui chan qui q'uinlec 'a jun 'ejmn̈ej, toto 'ixta', tzyal am Dios to wach'n̈ec 'a sat, yujn̈ej tzqui yicljec jun ley cha.

A Ch'an̈ Carta D'a Eb' Hebreo 7:11

A eb' ya'mal 'och sti eb' quit israelal 'a Dios, yin̈tl can Leví eb', yin̈tl pax Aarón eb'. Yuj eb', 'ac'b'il can ley yic Moisés 'a eb' yit israelal. Tzcob' ya'lc eb' sb'on snab'en eb' yit chon̈b' cha, palta matz tac' yuj eb'. Yuj cha, yowlal xjaw junx tz'a'n 'och qui tic 'a Dios. A jun cha, 'ix schaj yopiso 'icha schaj win Melquisedec yico', man̈ 'ichaoc schaj eb' yin̈tl Aarón.