Gl 2:20 - Chuj San Sebastian Bible

²⁰ A ticnec, 'icha to 'ac'b'iln̈ec q'ue 'a spenc culs yet' Cristo 'a sat Dios. Yuj cha, man̈xtoc pitzn on̈c ticnec. Atn Cristo pitzn yaj 'ayn̈ec. Axn̈ej sb'eyb'al tzqui b'eylb'ejc ticnec, yujto tzca'c 'och qui c'ojl 'a Yunnal Dios. Caw sch'oxjnac schamc'ojlal 'ayn̈ec, yujto ya'jnac cham sb'a cujec.

Chuj San Mateo Bible

²⁰ A ticnaic, a d'a yichan̈ Dios, d'un̈b'ab'il on̈ q'ue d'a te' culus yed' Cristo. Yuj chi' man̈xo on̈ pitzanoc ticnaic. Aton Cristo pitzan yajoch d'ayon̈. A tas sco c'ulej ticnaic, sco c'ulej yuj cac'an och Cristo Yuninal Dios d'a co c'ool. Sch'oxnac val to xajan on̈ yuuj, yujto yac'naccham sb'a cuuj.

Gl 2:20 Iomraidhean Croise

Cantares 7:10

A ni quelm cha, yic in na, caw nib'b'iln yuj na.

Mt 20:28

'Ixta pax in an 'Ochnc in 'Anmal tic, man̈ yujoc wajx servil in jawi, palta yuj wa'w servil. In jaw wul wac' milxoc cham in b'a, sec wach' til wal mach 'oj colchjoc wu'uj, xchi 'a eb'.

Mt 4:3

'Ix c'och win 'a'm prowal chi 'a 'a, 'ix yaln win 'ixtc 'a 'a: —'In yunnal ach Dios, yuj cha, al 'a jun tzo'n̈ q'uen tic, 'och cab' panil, xchi win 'a 'a.

Jn 1:49

—Ach in Cuymal, yel Yunnal ach Dios. Sreyl ach eb' quit israelal, xchi.

Jn 10:11

An tic, lajn in yet' junc 'ilm calnelu caw wach'. A junc 'ilm calnelu wach', 'ay sgana tzyac' cham sb'a yuj no calnelu cha.

Jn 15:13

Toto 'ay junc mach tzyac' cham sb'a yuj junc swach'c'ojol, may junc mach 'ec'b'al schamc'ojlal 'a jun cha.

Jn 17:21

Tzin c'an 'ayach, sec junxn̈ej 'oj 'aj snab'en eb' smasnil. Mamin, junn̈j in et'oc, junn̈j ach pax wet'oc. Comnoc 'icha caji, 'ixta 'oj 'aj eb', junn̈j tz'aj eb' quet'oc. Toto 'ixta', ax eb' 'anma 'a yolyib'n̈q'uinl tic, 'oj ya'ch eb' 'a sc'ojol, to ach checjnacn coti.

Jn 3:16

Man̈ jantcoc schamc'ojlal Dios 'a eb' 'anma 'a yolyib'n̈q'uinl tic. Yuj cha, wach'xam jun c'otn̈ in an Yunnaln tic, in ya' coti, sec wach' jantcn̈ej eb' tzin 'a'n 'och 'a sc'ojol, ma'oj satcn 'el eb', palta 'ay sq'uinl eb' 'a jun 'ejmn̈ej.

Jn 3:35

Yunnal qui Mam Dios jun cha, chamc'ojlb'il yu'uj. Yuj cha, a Smam chi 'a'jnac 'och smasnil tas 'a yol sc'ab' yic tzya'n cuenta.

Jn 6:57

A qui Mam Dios, pitzn 'a smasnil q'uinal. A checjnacn coti. Yu'uj pitzn in jun xo. Yuj cha, a eb' tzchin in chib'jal tic, 'oj wac' pax sq'uinl eb' jun xo.

Jn 6:69

An̈ tic on̈, tox ach ca'ch 'a qui c'ojl on̈. Cojc on̈, [to ach tic, Cristo ach.] Yunnal ach Dios [pitzan], xchi Pedro 'a 'a.

A Tas Sc'ulejnac Eb' Schecab' Jesús Hechos 8:36

Yic wan s'at eb' 'a yol b'e, 'ix c'och eb' 'a jun a a'. 'Ix yaln win 'aj Etiopía chi 'a Felipe 'ixtic: —Yaj jun a 'a tic. ¿Mamtzac stac' tzin a'cn bautisar ticnec? xchi winac.

A Tas Sc'ulejnac Eb' Schecab' Jesús Hechos 9:20

'Ix 'ec' yalnc 'el Saulo spaxti Dios 'a yol jun tzo'n̈ scapiya eb' yit israelal. 'Ix yalni, chajtlto a Cristo Yunnal Dios.

Ro 1:17

A jun wach' 'ab'x tic, a tz'a'n nachjc 'el cujec, to tzon̈ yalc Dios wach'il, yujn̈ej to tzca'c 'och qui c'ojl 'a 'a. May junc xo tas tzqui b'o'ec cojn to tzqui wach' 'a'jec 'och 'a qui c'ojol. Yujto 'ixtc yaln 'a Ch'an̈ U'un̈: A eb' tz'a'n 'och Dios 'a sc'ojol, wach' eb' 'a sat. Yuj wal cha, 'ay sq'uinl eb' 'a jun 'ejmn̈ej, xchi Dios 'a Ch'an̈.

Ro 14:7

Ya' sb'a pitzn on̈ec, man̈ munoc quiquec qui b'a. An̈jtona', 'ixta 'a yic 'oj qui chamec, man̈ pax quico'oquec qui b'a.

Ro 3:22

Yujn̈ej to tzca'c 'och qui c'ojl 'a Jesucristo, wach'n̈ec 'a sat Dios, yujto tzann̈j mach tz'a'n 'och 'a sc'ojol, wach' eb' 'a sat. Lajn on̈cn̈ej qui masnil an̈ 'anman̈ec tic 'a sat Dios.

Ro 4:25

Atn jun 'ajxnac 'och 'a yol sc'ab' chaml yuj qui mulec. Xlajw cha, xpitzw paxi, sec tzon̈ 'ochc wach'l 'a sat Dios yu'uj.

Ro 5:2

Yuj Cristo, 'ay calnec quic qui chan swach'c'ojlal Dios, yujto tzca'c 'och qui c'ojl 'a 'a. Yuj cha, til wal swach'c'ojlal tzch'ox 'ayn̈ec ticnec. Caw tzon̈ tzaljec, yujto tzca'c 'och yipc qui c'ojol, to 'oj tza'wnoc qui wach'lec 'icha swach'l Dios.

Ro 5:6

A 'a yic yalan̈, toxn matz tac' mun tzon̈ 'ochc wach'l 'a sat Dios, yujto may Dios 'a qui satec. Ax yic xjaw stiempoal, 'ix cham Cristo cujec.

Ro 5:8

Palta sch'oxjnac Dios schamc'ojlal 'ayn̈ec, yujto a Cristo ya'jnac cham sb'a qui jeloc, yic caw 'ajmul on̈c to.

Ro 6:13

Matz tac' ca'nec 'och qui niwnal tic 'a yol sc'ab' maysch'olnil tzqui b'onec jun tzo'n̈ tu'al. Yowlal an̈j 'a yol sc'ab' Dios tzca'c 'och qui b'a, yujto chamnc on̈c xo 'a sat, on̈ pitzwec paxi. Yuj cha, caw ca'c 'och qui niwnal tic 'a yol sc'ab' Dios, sec wach' cojxn jun tzo'n̈ tas wach' tzqui b'oc yet'oc.

Ro 6:8

An̈ec tic, chamnc on̈c xo yet' Cristo 'a sat Dios. Yuj cha, tzca'c 'och 'a qui c'ojol, to pitzn on̈c 'a jun 'ejmn̈ej yet'oc.

Ro 8:10

Palta an̈ec tic, 'ayx 'och Cristo 'ayn̈ec. Yuj cha, wach'xam yowlal 'oj cham qui niwnalec tic yuj maysch'olnil tzb'o'o, ax qui pixnec, pitznn̈ej, yujto wach'n̈ec 'a sat Dios ticnec.

Ro 8:37

Wach'xam 'oj jawc jun tzo'n̈ tic 'a quib'n̈ec, palta caw 'oj ca'c ganar yuj jun 'ay schamc'ojlal 'ayn̈ec.

1 Co 6:17

Palta a yic tzca'nec qui b'a 'a Cajlil, junxn̈ej tzon̈ 'ajc can yet' 'a 'esal.

2 Co 1:24

Matz qui nib'j tzex cac' mandar on̈, yic tzcaln 'ayx on̈ tas tzeyutj eya'n 'och e c'ojl 'a Dios. Yujto te'n xon tzeyutj e b'a eya'n 'och e c'ojl 'a 'a. Palta tzqui nib'j tzon̈ colwj ca'n e nab'enoc on̈, sec 'oj wach' jawc e tzaljc'ojlal ta'.

2 Co 10:3

Yel toni, 'anman̈n̈ej on̈. Palta man̈ lajnoc tzcutj ca'n quip 'icha eb' comn 'anma 'on̈.

2 Co 11:10

Wach'xam tzwij chan̈ in b'a waln jun tzo'n̈ tic, palta may junc ex 'a lugar Acaya chi tztac' in stenn 'och wa'an. Caw yel tzwala, yujto a Cristo 'aych wet'oc.

2 Co 13:3

Wan e nib'n eyila', toto yel a Cristo tzin c'anlb'ani, yic tzyaln 'ayex. At wal 'oj in c'ochi, ax eyilni, ax snachj 'el eyu'uj. Yujto a Cristo tic, man̈toc may spoder sch'ox 'ayex. caw niwn spoder tzch'oxjnac 'a e cal.

2 Co 13:5

Caw tze b'eyc'ojlej e b'a junjn ex, sec tzcheclji, toto yel 'aych e c'ojl 'a Cristo. Caw tzeyac' prowal e b'a junjn ex. ¿Tom man̈ eyojcoc, to a Jesucristo 'aych 'ayx junjn ex? Cojn toto man̈ ex creyenteoc 'a yel, to 'ixta', man̈ 'ayc 'och 'ayex.

2 Co 5:14

A schamc'ojlal Cristo tz'a'n yajlil 'ayn̈ on̈. Yujto cojc on̈, 'ay jun xcham qui jelc qui masnil. Yuj cha, qui masnil 'icha to chamnc on̈c yet'oc.

2 Co 5:15

Atn Cristo xcham qui jelc qui masnil, sec wach' an̈ec 'ayx qui q'uinl yu'uj, man̈xtzac qui b'eylb'ejc 'icha tzqui nib'j junjn on̈c 'a yol quico'. Palta tzqui b'eylb'ejc 'icha tznib'j jun xcham qui jelquec, xpitzw paxi.

2 Co 5:7

A yic tzon̈ 'e'c 'a yolyib'n̈q'uinl tic, cojxn Dios tzca'c 'och 'a qui c'ojol. Man̈oc 'a jun tzo'n̈ tas tzquilc yet' qui sat 'aj tzca'c 'och qui c'ojol.

Gl 1:4

A Jesucristo wul ya'jnac cham sb'a, yic tzyi'n 'el qui mulec. 'Ixta 'on̈ yutjec on̈ scolnec 'el 'a yol sc'ab' maysch'olnil 'a yolyib'n̈q'uinl tic, yujto 'ixta x'el 'a sc'ojl Dios, atn qui Mamec.

Gl 2:16

Palta cojquec, may junc mach tz'och wach'l 'a sat Dios, yujn̈ej syiclni ley yic Moisés cha. Cojxn eb' tzya'ch sc'ojl 'a Jesucristo, an̈j eb' wach' 'a sat Dios. An̈jtona an̈ tic on̈, tzca'ch pax qui c'ojl 'a Jesucristo eyet' on̈, sec wach'n̈ pax 'a sat Dios on̈. Yujn̈ej ca'n 'och qui c'ojl 'a Cristo on̈, wach'n̈ 'a sat Dios on̈. Man̈ yujoc qui yiclni ley yic Moisés, wach'n̈ on̈. Yujto may junc mach wach' 'a sat Dios, yujn̈ej to tzyiclj tas tzyal jun ley cha.

Gl 3:11

Palta chequel to may junc mach wach' 'a sat Dios, yujn̈ej to tzyiclj jun ley cha. Yujto tzyal pax 'ixtc 'a Ch'an̈ U'un̈: Palta ax eb' tojl snab'en, pitznn̈ej eb' yujto tzin ya'ch eb' 'a sc'ojol, xchi Dios, xchi.

Gl 5:24

An̈ yic on̈c xo Cristo, man̈x 'a yel'ch qui tu nab'enal 'ayn̈ec, yet' jun tzo'n̈ maysch'olnil tzqui nib'jec 'ochi. 'Icha to 'ac'b'ilx 'och 'a spenc culs cujec.

Gl 6:14

Palta an xo tic, may junc tas 'aj tzin b'an̈ in b'a 'a spatic. Cojxn schamlil Cajlil Jesucristo 'a spenc culus a tzin b'an̈a. Yuj schamlil cha, man̈x 'a yaln yolyib'n̈q'uinl tic yic 'ayin, 'icha to chamnc xo 'a in sat. An xo tic, 'icha to chamnc in pax 'a yolyib'n̈q'uinl tic jun xo, yujto man̈x 'a waln wic 'a 'a.

Ef 3:17

Tzin c'ann pax 'a 'a, sec 'oj wach' 'och cajn Cristo 'a e pixan, yujto 'aych e c'ojl 'a 'a. Toto 'ixta', 'oj wach' q'uib' e chamc'ojlal. 'Icha junc te caw niwn sch'an̈lyib', 'ixta 'oj eyaji.

Ef 5:2

Qui ch'oxc qui chamc'ojlal 'a junjn c'u, yujto 'ixta on̈ yutj Cristo on̈ schamc'ojlanec, yic ya'n cham sb'a cujec. 'Icha no calnelu milb'il cham xajmb'alil, wach' sjab' 'a Dios, tzalj yet'oc, 'ixta x'aj Cristo smilx cham cujec.

Ef 5:25

Ax xo ex 'ichmilab'il, caw tze chamc'ojlej eyistzil, 'icha tzyutj Cristo schamc'ojlan yiglesia. A xyac' cham sb'a cujec,

A Scarta San Pablo D'a Eb' Aj Filipos 1:21

Yujto an tic, ya' sb'a pitzn in to, cojxn̈ej Cristo nan wu'uj. Ax yic 'oj in chami, yel xo wal wach' wico'.

A Scarta San Pablo D'a Eb' Aj Filipos 4:13

Tzann̈j tas tzta'n̈j wu'uj, yujto a Cristo tzyac' spoder 'ayin.

A Scarta San Pablo D'a Eb' Aj Colosas 1:27

'Elnc 'a sc'ojol, to tzyac' cojcoquec 'eli. A jun tic, yel xo wal niwn yel'ch 'ayx ax man̈ ex israeloc. Atn jun tic x'ajx cojcoquec 'eli, to a Cristo cajn 'och 'a e pixn junjn ex quet' on̈. Yuj Cristo, tzca'nec 'och 'a qui c'ojol, to 'oj tz'acwc qui wach'l 'icha swach'l Dios.

1 Ts 1:10

An̈jtona', tzyaln pax eb', chajtlto wan e tan̈wni yemx wul Yunnal Dios 'a satcha'an̈, atn Jesús. A Dios, 'a'jnac pitzwc pax 'a scal eb' chamnac. Atn tzon̈ colnec can 'el 'a yol sc'ab' jun niwn yailal 'oj jawc yuj yowl sc'ojl Dios.

1 Ts 5:10

A Cristo 'ix cham qui jelquec. Yuj cha, toxn̈ej pitzn on̈ec, toxn̈ej chamnc on̈ xo, ax sjawi, palta junn̈j 'oj cajc yet' qui masnil.

Tito 2:14

A xyac' cham sb'a cu'uj, sec tzon̈ scol 'a yol sc'ab' maysch'olnil. A 'ix 'i'n 'el smasnil qui mul, sec wach' an̈j 'ayn̈ yico', sec an̈j jun tzo'n̈ tas wach' tzqui b'o'.

A Ch'an̈ Carta D'a Eb' Hebreo 8:3

Junjn eb' sat ya'mal 'och sti eb' quit chon̈b' 'a Dios, 'ay yopiso eb' ya'n jun tzo'n̈ ofrenda 'a 'a, yet' jun tzo'n̈ xajmb'al. Yuj cha, yowlal 'ay pax tas tzyac' Jesucristo 'a Dios.

A Sb'ab'el Carta San Pedro 1:8

Ax xo, wach'xam man̈x 'ic eyil Jesucristo, palta 'ay e chamc'ojlal 'a 'a. Matz eyila, palta tzeya'ch e c'ojl 'a 'a. Caw tzex tzalji. A wal e tzaljc'ojlal cha, caw niwn yel'chi, man̈ jantcoc swach'il.

1 Jn 1:7

A Dios sacq'uinl yaji. Toto tzqui b'eylb'ejc 'icha sacq'uinlal cha, caw junxn̈ej yaj qui nab'enec qui masnil. Ax schic'l Jesucristo Yunnal, a tz'i'n 'el smasnil qui mul 'aych 'ayn̈ec.

1 Jn 4:14

An̈ tic on̈, caw quiljnac Yunnal Dios on̈. Yuj cha, tzca'n testigoal qui b'a on̈, chajtlto a qui Mam Dios, a 'a'jnac cot Yunnal chi wul scolnc 'el eb' 'anma 'a yolyib'n̈q'uinl tic.

1 Jn 5:20

An̈jtona', cojquec paxi, wulnc 'ec' Yunnal Dios 'a yolyib'n̈q'uinl tic. A xjacn qui nab'enec, sec wach' tzcojquejec 'el Dios caw yel. Yuj cha, junn̈j cajc yet' jun caw yel cha, atn Jesucristo Yunnal. A jun cha, caw yel Dios. A tz'a'n qui q'uinlec 'a jun 'ejmn̈ej.

Apoc 1:5

Ax Jesucristo, atn testigo caw yel, ya' cab' swach'c'ojlal 'ayex. A b'ab'l pitzwnac pax 'a scal eb' chamnac. A Yajl yaj 'a yib'n̈ eb' rey 'a yolyib'n̈q'uinl tic. Caw 'ay schamc'ojlal 'ayn̈ec. 'Ix yi'n 'el qui mulc yet' schiq'uil.

Apoc 3:20

'Ab'ec, 'icha to wan wawj 'och 'a yol smac n̈a. Toto 'ay mach tz'ab'n wawj 'ochi, tzjacn yatut 'ayin, 'oj woch yet'oc, ax in mol wa yet'oc.