Gl 2:15 - Chuj San Sebastian Bible

¹⁵ An̈ tic on̈, israel on̈ yuj quin̈tl on̈. Yuj cha, man̈ on̈ lajnoc 'icha ex man̈ ex israeloc, yujto man̈ ex yiclumoc 'a sley Moisés.

Chuj San Mateo Bible

¹⁵ A on̈ tic, yin̈tilal on̈ israel. Yuj chi', ichato man̈ on̈ ajmuloc icha eb' man̈ israeloc.

Gl 2:15 Iomraidhean Croise

Mt 9:11

Ax yic xyil ewin fariseo jun cha, yuj cha, xyaln ewin 'ixtc 'a eb' scuywum Jesús: —A jun e Cuymal tic, ¿tas yuj jun tzwa yet' eb' tecm 'el tumin, yet' jun tzo'n̈ xo eb' maysch'olnil sb'eyb'al tic? xchi ewinac.

Lc 24:7

Chajtlto a 'Ochnc 'Anma'il, palta yowlal 'oj 'ajxc 'och 'a yol sc'ab' eb' maysch'olnil, ax yajx 'och 'a spenc culus. Ax 'a schab'jial, ax spitzw paxi. 'In 'ixta yutjnac yaln 'ayex, xchi eb' 'a eb'.

A Tas Sc'ulejnac Eb' Schecab' Jesús Hechos 22:21

Palta xyaln pax Cajlilec 'ayn 'ixtic: 'Ixic, yujto tzach in checb't 'a scal eb' man̈ israeloc 'a najat, xchi 'ayin, xchi Pablo 'a eb'.

Ro 3:9

¿Tas tze na'a? An̈ israel on̈c tic, ¿tom yel xo wach'n̈ec 'a yib'n̈ eb' man̈ israeloc? Ma'ay, 'ayn̈ec 'ec' 'a yol sc'ab' maysch'olnil.

Ro 4:16

Yujn̈ej to ya'jnac 'och win Abraham sc'ojl 'a Dios, yuj cha, ya'jnac can Dios sti 'a winac. 'Ixta tz'aj scheclj 'eli, to yujn̈ej swach'c'ojlal Dios, ya'n can sti'. Yuj cha, an̈ec yin̈tl on̈c Abraham tic, caw yel quiquec pax qui masnil yet' winac. Man̈ cojnoc eb' tzyiclni jun ley chi 'ay yico', palta quiquec pax qui masnil an̈ tzca'c 'och qui c'ojl 'a Dios, 'icha ya'jnac win Abraham cha. Yujto a winac, mamb'il yaj 'ayn̈ec 'a sat Dios, yujto ya'jnac 'och win sc'ojl 'a 'a.

Gl 2:17

Tzqui nib'j on̈, yuj Cristo, tzyaln Dios, to wach'n̈ 'a sat on̈. Yuj cha, tzcheclj 'eli to qui masnil an̈ israel on̈ tic on̈, 'ajmul on̈ pax eyet' on̈. Palta ¿tom a Cristo tzon̈ 'a'n 'och 'ajmulal on̈? Caw ma'ay.

Ef 2:3

'Ixta cutjnaquec qui b'a qui masnil 'a yic yalan̈. Qui b'ojnaquec 'icha tzqui nib'ej. Cojn 'a jun tzo'n̈ maysch'olnil tznib'j 'och qui niwnalec tic, ata ca'jnaquec 'och qui nab'en. Yujto mun a qui nab'enec 'a'jnacn̈ec mandar. Yuj cha, smoj tz'ajx jun niwn yailal 'a quib'n̈ec, 'icha 'oj 'aj sjaw 'a yib'n̈ jun tzo'n̈ xo 'anma'.

A Scarta San Pablo D'a Eb' Aj Filipos 3:4

An xo tic, in najnac, to smoj tzwa'ch jun tzo'n̈ tic yipc in c'ojol, yujto caw yiclum wutjnac in b'a 'a jun tzo'n̈ tic. Tecn 'ay eb' tznani, to smoj tzcolchj eb' yuj jun tzo'n̈ mun tzb'o eb' cha. Palta an tic, yel xo wal caw yiclum wutjnac in b'a 'a jun tzo'n̈ cha.

Tito 3:3

Yujto an̈ tic 'a yic yalan̈, caw may jac qui nab'en. Man̈ on̈ yiclumoc 'a Dios. Caw satnc on̈ to ta'. Caw ca'jnac servil jun tzo'n̈ tzann̈j maysch'olnil qui nib'jnac 'ochi. Caw maysch'olnil qui b'eyb'al ta'. Caw on̈ chichn 'och 'a eb' quit 'anmal yuj tastc 'ay 'a 'a. Yajb'iln̈ 'el yuj eb'. An̈jtona', xlaj qui yaj qui b'a junjn on̈ ta'.

A Ch'an̈ B'ab'el Libro Samuel 15:18

A pax ach checn 'ati, xyaln 'aych 'ixtic: —'Ixic, 'at satl jun tzo'n̈ 'anma maysch'olnil sb'eyb'al chi 'a Amalec, 'at 'ac' owl yet' eb', masnto tza satl eb' smasnil, xchi.