Gl 2:1 - Chuj San Sebastian Bible

¹ Schan̈lajn̈il ab'il xo we'cn 'a Jerusalén, in 'at jun 'ejm xo yet' Bernabé. Wi'n 'at Tito pax quet' on̈.

Chuj San Mateo Bible

¹ 14 ab'ilxo chi', ichato chi' in b'atxi d'a Jerusalén chi', yed' vin̈aj Bernabé, ajun pax vin̈aj Tito b'at qued'oc.

Gl 2:1 Iomraidhean Croise

A Tas Sc'ulejnac Eb' Schecab' Jesús Hechos 11:25

Xlajw cha, 'ix 'at Bernabé 'a chon̈b' Tarso, xit' saync 'ec' Saulo ta'. Yic 'ix 'ilchj yu'uj, 'ix yi'n cot 'a chon̈b' Antioquía cha.

A Tas Sc'ulejnac Eb' Schecab' Jesús Hechos 11:30

'Ixta xyutj sb'a eb'. 'Ix ya'n 'at eb' yofrenda 'a eb' anciano 'aj Judea cha. Ax Bernabé yet' Saulo 'ix 'i'n 'at jun ofrenda cha.

A Tas Sc'ulejnac Eb' Schecab' Jesús Hechos 12:25

Ax Bernabé yet' Saulo, yic xlajw tas sb'ocn eb' 'a Jerusalén, 'ix paxx eb' 'a Antioquía. 'Ix yij 'at eb' Juan yet'oc, atn jun tzcuch pax Marcos.

A Tas Sc'ulejnac Eb' Schecab' Jesús Hechos 13:2

A 'a jun 'el, wan yaln sb'a eb' 'a Cajlil, 'aych pax eb' 'a c'ajb'c'ojlal. Ax Yespíritu Dios 'ix aln 'a eb' 'ixtic: —Tze sic' 'elt Bernabé yet' Saulo 'ayin, sec 'oj munljc eb' 'a 'aj 'ix wa'ch yopiso, xchi.

A Tas Sc'ulejnac Eb' Schecab' Jesús Hechos 13:50

Palta ax eb' israel x'a'n sc'ojloc eb' yajl yaj 'a jun chon̈b' cha. 'Ay pax jun tzo'n̈ eb' x'ochnc 'a scuynb'il eb' israel, checl yaj eb' 'a sat eb' 'anma', 'ix 'ajx pax sc'ojloc eb'. 'Ix syamn 'och eb' ya'n stul 'a Pablo yet' 'a Bernabé. 'Ix spechn 'el eb' 'a jun lugar cha.

A Tas Sc'ulejnac Eb' Schecab' Jesús Hechos 14:12

A Bernabé, xyac' eb' scuch Júpiter. Ax Pablo, xyac' eb' scuch Mercurio yujto a xpaxtin 'a eb'. 'Ixta xyutj eb' sb'i eb', yujto 'ixta sb'i chawn̈ sdiosal eb'.

A Tas Sc'ulejnac Eb' Schecab' Jesús Hechos 15:25

Yuj cha, xqui mol alj on̈, xqui si'n 'el jaywn̈ eb' 'a qui cal tic on̈, yic tz'at eb' 'ayx ta'. Moln 'oj 'at eb' yet' cu'tac Bernabé yet' Pablo. Atn eb' tic, chamc'ojlb'il cujec.

1 Co 9:6

¿Tom may waln wic in chan jac colwal yet' Bernabé tic tze na'a? ¿Tom yowlal an̈ja tzin munlji yic tzin sayn jac in gasto? ¿Tom cojn jun tzo'n̈ xo eb' schecb' chi 'ay yaln yic e nani?

2 Co 2:13

Palta x'och jab' in somc'ojlal, yujto ma'ix 'ilchj cu'tac Tito wuj ta'. Yuj cha, waln can in b'a 'a eb', in cotx ta', in jaw 'a Macedonia tic.

2 Co 8:16

Tzwac' yuj diosal 'a Dios, yujto a tz'a'n jawc 'a sc'ojl Tito, yic tzex sya'ilni, 'icha tzwutj ex wiln an tic.

2 Co 8:23

Toto 'ay mach 'oj c'anb'noc 'ayex, tas yaj Tito tic, toto xchi eb', tzeyal 'ixtc 'a eb': Yitb'eym sb'a yet' Pablo, to 'ayl munljoc 'a qui calc tic, xe chi. Toto 'ay mach 'oj c'anb'noc pax 'ayex, tas yaj eb' ajun yet' Tito tic, toto xchi eb', tzeyal 'ixtc 'a eb': A eb' tic, checb'il cot eb' yuj eb' creyente 'a jun tzon̈ xo iglesia, caw tzcheclj 'el swach'l Cristo yuj sb'eyb'al eb', xe chi 'a eb'.

Gl 1:18

Ma'in 'at mu'c 'a Jerusalén, masnto 'a yoxl ab'il, in 'ati. Ata paxtinnacn yet' Pedro. Cojn olajn̈e c'u 'ochnc in wan yet'oc.

Gl 2:13

Ax jun tzo'n̈ xo eb' creyente wit israelal, sb'eylb'ejnac eb' sb'eyb'al Pedro. Caw chab'sat yutjnac sb'a eb' yet'oc. An̈jtona pax Bernabé, 'ochnc chab'satil yet' eb'.

Gl 2:3

Ax Tito cha, ajun wet'oc. Wach'xam man̈ israeloc, palta man̈ 'ajxnacoc pural yajx circuncidar.

Gl 2:9

Ax Santiago, yet' Pedro, yet' Juan, niwn yel'ch eb' 'a sat eb' creyente ta'. Nachjnac 'el yuj eb', chajtlto a Dios 'a'jnac jun wopiso tic yuj swach'c'ojlal. Yuj cha, ya'jnac cot eb' sc'ab' 'ayn yet' Bernabé, qui yamlan qui c'ab' yet' eb' on̈, yujto lajn schajnac sb'a snab'en eb' quet' on̈. 'Ixta yutjnac eb' sch'oxni, to tznib'j eb' tzon̈ 'at 'a scal eb' man̈ israeloc on̈. Ax eb', an̈ja smunlj eb' 'a scal eb' quit israelal on̈.

A Scarta San Pablo D'a Eb' Aj Colosas 4:10

Ax Aristarco, preso yaj wet' 'a tic. Tic tzya't stzatzl e c'ojl ta'. Yet' pax Marcos, atn yican Bernabé, tzya't pax stzatzl e c'ojol. Waljnacx 'at 'ayx yuj Marcos tic, toto 'oj c'och ta', tzaljc'ojlal tze chaj sc'ochi.

Tito 1:4

Ach Tito, tic tzwa't jun in carta tic 'ayach. Yel 'icha wunnal ach, yujto wu'uj, tza'n 'och a c'ojl 'a Cristo wet'oc. Ya' cab' qui Mam Dios yet' Cajlil Jesucristo qui Colmal, swach'c'ojlal yet' sjunc'ojlal 'ayach. ['O'ch cab' sc'ojl 'aych ta'].