Gl 1:6 - Chuj San Sebastian Bible

⁶ A Dios 'awtjnacn̈ec yuj swach'c'ojlal Cristo. Palta caw tzsat in c'ojl eyu'uj, yujto wan laj eyactn can Dios muc'uc. Ax ticnec, wan cob' eya'nc 'och e nab'en 'a junx chuc 'ab'xil yic colnb'il tzalx 'ayex.

Chuj San Mateo Bible

⁶ Tzin och q'uelan eyuuj, yujto elan̈chamel van eyactancan Dios, aton ix on̈ avtan yuj svach'c'olal Cristo. Yujto a ticnaic, van eyac'anoch e pensar d'a junxo ab'ix yic colnab'il ch'oc tz'alji d'ayex.

Gl 1:6 Iomraidhean Croise

Salmos 106:13

Palta yajn̈j wal cha, 'ix satx sc'ojl eb' 'a tas xa b'o 'a eb', ma'ix stan̈wj eb' yila', tas wal a nab'en 'a yib'n̈ eb'.

Is 29:13

Atn yuj cha, xyaln Jehová 'ayn 'ixtic: A eb' 'anma tic, tzcob' yal eb' to tzin yac' servil eb', tzyaln cob' eb' to 'ay wel'ch 'a sat eb', palta ax snab'en eb' caw najt yajl 'ayin. Tzcob' yal sb'a eb' 'ayn yalni, palta cojn jun tzo'n̈ checnb'il tzlaj spitzchan̈ eb' 'anma', a chi tzyac' eb' cuyxoc.

Mr 6:6

'Ix sat sc'ojol yujto ma'ix ya'ch eb' sc'ojl 'a 'a. Xlajw cha, x'ec' cuywjoc 'a jun tzo'n̈ aldea 'a sla'nil schon̈ab'.

Jn 9:30

—'E... ¿Tasm jun? Ax tic, tzeyala to man̈ eyojcoc, mach 'a'jnac yopiso winac. Palta 'in 'ix jacw in sat tic yu'uj.

A Tas Sc'ulejnac Eb' Schecab' Jesús Hechos 15:11

Caw man̈ e b'o 'ixta', yujto cojquec, yujn̈ej swach'c'ojlal Cajlil Jesús, tzon̈ colchjec. An̈jtona', 'ixta pax eb' man̈ israeloc cha, xchi Pedro 'a eb'.

Ro 10:3

Man̈ yojcoc eb' tas tz'aj eb' yoch wach'l 'a sat Dios. Tznib'j eb' to mun tzya'ch sb'a eb' wach'l 'a sat. Yuj cha, matz chaj 'och wach'l sb'a eb' 'a sat Dios 'a 'icha tznib'ej.

Ro 5:2

Yuj Cristo, 'ay calnec quic qui chan swach'c'ojlal Dios, yujto tzca'c 'och qui c'ojl 'a 'a. Yuj cha, til wal swach'c'ojlal tzch'ox 'ayn̈ec ticnec. Caw tzon̈ tzaljec, yujto tzca'c 'och yipc qui c'ojol, to 'oj tza'wnoc qui wach'lec 'icha swach'l Dios.

Ro 8:28

Cojquec, jantcn̈ej jun tzo'n̈ tas tzjaw 'ayn̈ec, a Dios a tz'a'n coti, sec caw wach' quiquec an̈ 'ay qui chamc'ojlalec 'a 'a, an̈ec 'awtb'iln̈ xo yu'uj, sec tzon̈ 'ochc 'icha snajnac.

Ro 8:30

An̈ec sic'b'iln̈ec can 'el yu'uj, 'awtb'iln̈ec pax yu'uj. A tzaln cujec an̈ 'awtb'iln̈ec yu'uj, to wach'n̈ec 'a sat. Tzya'n pax swach'l 'ayn̈ec.

1 Co 4:15

Toxn̈ej 'ay lajn̈e'oc mil e cuymal tzex cuyn 'a yic Cristo, palta junn̈j caw 'icha e mam yaji. An ton tic mamb'il waj 'ayex, yujto an in b'ab'l aljnac wach' 'ab'x 'ayx ta'.

2 Co 11:4

Yujto 'ay eb' tz'ec' alnc 'el junx chuc cuynb'ilal 'ayex. 'Icha to chuc junc xo Jesús tz'ec' yal-l eb' yab'xil, man̈oc jun tz'ec' cal-l on̈, man̈oc chi tz'ec' yal-l eb', palta wan cob' e chanc eyab' 'a eb'. Wan e chan junc xo espíritu 'a eb', palta man̈ 'icha'oc jun chab'ilx eyu'uj. Wan eya'n pax 'och e c'ojl 'a jun 'ab'x yic colnb'il cob'i', palta man̈oc jun eyab'jnac 'ayn̈ on̈.

2 Co 2:17

An̈ tic on̈, man̈ yujoc ca'n ganar 'a spatc spaxti Dios, tz'ec' calnc 'el on̈, 'icha tzyutj sb'a nan̈l xo eb'. Tz'ec' cob' sb'al alnc 'el eb'. Palta an̈ xo tic on̈, caw yelc'ojlal tz'ec' cal-l on̈, yujto 'ac'b'il copiso yuj Dios on̈. Tz'ec' cal-l on̈, sec tzalj Dios quet' 'on̈, yujto schecb' on̈ Cristo on̈.

Gl 1:11

Ex wu'tac, ex wanab', tzin nib'j tzeyojquej 'el junx 'oj wal tic. A jun wach' 'ab'x tz'ec' wala', man̈ yico'oc 'anma'.

Gl 1:15

Palta yictax mantzac in 'alji, sic'b'iln xon 'el yuj Dios. Yuj wal swach'c'ojlal, yawtjnacn 'och yico'oc. Ax yic 'ix jaw stiempoal 'icha tznib'ej,

Gl 1:7

Palta may junc xo 'ab'x yic colnb'il yel. 'Ay eb' tznib'j ton tzjeln 'el yab'xil Cristo, palta ton̈j tzwach' somchj 'el e nab'en yuj eb'.

Gl 2:14

Palta ax yic wiln an tic, to man̈ tojloc yutjnac sb'a eb' 'icha tzyal jun wach' 'ab'x caw yel, waljnac 'ixtc 'a Pedro 'a sat eb' creyente smasnil: Ach tic, israel ach wet'oc, palta 'in lajn a b'eyb'al yet' eb' man̈ israeloc. Man̈ 'ichaoc sb'eyb'al eb' quit israelal tzotj a b'a. Yuj cha, ¿tas yuj tza nib'j tzac' pural eb' man̈ israeloc, sec lajn tzyutj eb' sb'eyb'al yet' eb' quit israelal cha? xin chi 'a 'a.

Gl 2:2

In 'atx ta', yujto sch'oxjnac Dios 'ayin, to yowlal tzin 'ati. A yic in c'och ta', a eb' checl xon yaji, syam sb'a eb' ta sch'ocj wet'oc. Ata waljnac 'a eb', tas wal yaj jun wach' 'ab'x tzwal-l 'a scal eb' man̈ israeloc. 'Ixta wutjnac in b'a, yujto in nib'jnac, man̈ nab'an̈ejc wixtjnac in b'a in munlji.

Gl 2:5

Palta toxn ma'ix qui yiclj tas yaljnac eb' on̈. Yujto qui nib'jnac on̈, cojxn jun wach' 'ab'x caw yel 'aj tzeya'ch e nab'en.

Gl 2:7

Toxn may tas yaljnac eb', yujto nachjnac 'el yuj eb', to a Dios 'a'jnac wopiso waln 'el wach' 'ab'x 'a scal eb' man̈ israeloc, 'icha Pedro, 'ac'b'il yopiso yaln 'el wach' 'ab'x chi 'a scal eb' wit israelal.

Gl 5:14

Jantcn̈ej tas 'ay 'a ley yic Moisés, c'uxn tzcheclj 'el yuj jun checnb'il 'oj wal tic: Tzlaj e chamc'ojloc eyit 'anma'il, 'icha tzeyutj eya'iln e b'a junjn ex, xchi.

Gl 5:4

Ax xo tze na'a, to wach'x 'a sat Dios, yujto yiclum ex 'a jun ley cha, ax 'a Cristo, toxn man̈x 'a jac eyaln eyic 'a 'a. Man̈x 'a swach'c'ojlal Dios 'oj e cha'.

2 Ts 2:14

Yuj jun wach' 'ab'x yic colnb'il 'ec' caljnac 'ayx on̈, a Dios ex 'awtn 'och yico'oc, sec wach' 'oj tz'acwc e wach'l 'icha swach'l Cajlil Jesucristo.

1 Ti 1:14

Caw niwn swach'c'ojlal Cajlil sch'ox 'ayin. Ya'jnac wa'ch in c'ojl 'a 'a, ya'jnac pax in chamc'ojlal, 'icha tzyutj ya'n 'ayn̈ junjn on̈, yujto junxn̈ej caj yet' Cristo Jesús.

1 Ti 1:3

Caw tzin nib'j tzach wach' can 'a chon̈b' Éfeso cha, 'icha wutj in tew 'ayach, yic in 'at 'a Macedonia. Yujto tzin nib'ej, tzcham wal aln 'a eb' tzcuywj 'a jun tzo'n̈ chuc cuynb'ilal, to caw yowlal tzyactj eb' yalni.

2 Ti 1:9

A Dios ya'jnac qui colnb'il. A 'awtjnac on̈ sec on̈ 'och yico'oc. Man̈ yujoc jun tzo'n̈ tas wach' tzqui b'o'o, on̈ colchji, palta yujto 'ixta tznib'j Dios tzon̈ 'aji, yujto junxn̈ej caj yet' Cristo. Yictax mantzac sb'o yolyib'n̈q'uinl tic, toxn 'ayx swach'c'ojlal 'ayon̈.

2 Ti 2:1

Ach xo, 'icha wal to wunnal ach. Caw te'n tzotj a b'a yuj swach'c'ojlal Dios tzyac' 'ayon̈, yujto junxn̈ej caj yet' Cristo Jesús.

A Sb'ab'el Carta San Pedro 1:15

A jun 'awtjnacn̈ec, caw wach'n̈ej, may jac spaltail. 'Icha jun cha, 'ixta 'ex cab'i', caw wach'n̈j tzeyutj e b'a.

A Schab'il Carta San Pedro 1:3

'Ay jun tzo'n̈ tas 'ay tz'och cujec, yic tzqui chanec qui q'uinl 'a jun 'ejmn̈ej, yic tzca'nec pax 'och qui nab'en 'a Dios. Yujn̈ej spoder, c'uxn xyac' jun tzo'n̈ chi 'ayn̈ec, yujto xyac' cojcoquec 'el Jesucristo. A 'awtjnacn̈ec 'och yico'oc, yujto caw niwn yel'chi, man̈ jantcoc swach'il.

Apoc 22:21

Ya' cab' Cajlil Jesucristo swach'c'ojlal 'ayn̈ec qui masnil. Ya' cab'i'.