Gl 1:4 - Chuj San Sebastian Bible

⁴ A Jesucristo wul ya'jnac cham sb'a, yic tzyi'n 'el qui mulec. 'Ixta 'on̈ yutjec on̈ scolnec 'el 'a yol sc'ab' maysch'olnil 'a yolyib'n̈q'uinl tic, yujto 'ixta x'el 'a sc'ojl Dios, atn qui Mamec.

Chuj San Mateo Bible

⁴ A Jesucristo, yac'nac cham sb'a yic tzul yic'canel co mul. Icha chi' ix yutej on̈ scolanel d'a yol sc'ab' chucal d'a yolyib'an̈q'uinal tic, yujto icha chi' sgana Dios, aton co Mam yaji.

Gl 1:4 Iomraidhean Croise

Salmos 40:8

Caw tzchaj in c'ojl in b'on tas tza nib'ej, molb'il a checnb'il wuj 'a in nab'en, xin chi 'ayach.

Is 65:17

'Ab'ec, 'oj in b'o junx 'ac' satcha'an̈ yet' junx 'ac' yolyib'n̈q'uinal. A jun 'ayc' tic, 'oj 'ec'oc, man̈x 'a mach 'oj nanc coti, 'oj 'atcn 'a satc'ojlal.

Mt 13:22

Ax jun tzo'n̈ xo 'in̈t x'emcn 'a scal c'ultac, tzyal 'el'chi, 'ay jun tzo'n̈ xo eb' tz'ab'n spaxti Dios. Palta an̈j jun tzo'n̈ yic yolyib'n̈q'uinl tic tzna eb', tzjuw snab'en eb' yuj snib'n 'och sb'a ricoal. Yuj jun tzo'n̈ cha, man̈x 'a yel'ch spaxti Dios 'a eb'. Lajn tz'aj eb' 'icha 'ixm trigo may xon jac sjolm tzyac'a.

Mt 20:28

'Ixta pax in an 'Ochnc in 'Anmal tic, man̈ yujoc wajx servil in jawi, palta yuj wa'w servil. In jaw wul wac' milxoc cham in b'a, sec wach' til wal mach 'oj colchjoc wu'uj, xchi 'a eb'.

Mt 26:28

Yujto a jun tic in chiq'uil. Yuj in chic'l tic, 'oj 'el'choc jun strato Dios tzat yac' 'ayex. 'Oj 'elcn in chic'l tic, sec wach' til wal mach 'oj 'ajxoc can lajwc smul yu'uj.

Mt 26:42

Xlajw cha, x'atx leslwoc jun 'ejm xo, xyaln 'ixtic: Mamin, toto matz tac' yec' jun yailal tic 'a wib'an̈, b'o cab' 'icha tza nib'ej, xchi.

Mt 6:9

Yuj cha, yel xo wach' tzex leslwi 'ixtic: Ach qui Mam 'aych 'ec' 'a satcha'an̈, niwn yel'ch cab' a b'i.

Mr 10:45

Yujto an tic, wach'xam 'Ochnc in 'Anma'il, man̈ yujoc wajx servil in jawi, palta yuj wa'w servil. In jaw wul wac' cham in b'a, sec wach' til wal mach 'oj colchjc can 'el wu'uj, xchi Jesús 'a eb'.

Lc 22:19

Xlajw cha, xyi'n chan̈ jun pan. 'Ix ya'n yuj diosal 'a Dios yu'uj. 'Ix ch'iyn 'ec' 'a eb'. 'Ix yaln 'a eb' 'ixtic: —A jun tic, atn in niwnal tic 'oj 'ajxoc eyu'uj, Wajec. Tze b'o jun tic, yic tzin e nan coti, xchi.

Lc 22:42

'Ix yaln 'ixtic: —Mamin, toto tz'el 'a a c'ojol, tzej 'ec' jun yailal tic 'a wib'an̈, palta man̈oc 'icha tzin nib'ej, a cab' wal 'icha tza nib'ej, xchi.

Jn 10:11

An tic, lajn in yet' junc 'ilm calnelu caw wach'. A junc 'ilm calnelu wach', 'ay sgana tzyac' cham sb'a yuj no calnelu cha.

Jn 12:31

A ticnec, a eb' 'ay 'a yolyib'n̈q'uinl tic 'oj b'eyc'ojlaxc eb'. Ax win tz'a'n yajlil 'a yolyib'n̈q'uinl tic, 'oj can 'a yaln̈ wu'uj.

Jn 5:30

An tic, may junc tas tztac' in b'on in ch'ocoj. 'Icha tzyal in Mam 'ayin, 'ixta tzwutj in b'eyc'ojlani. Caw wach'n̈j tzwutj in b'eyc'ojlani, yujto matz in b'o 'icha tzin nib'j an tic, palta an̈j 'icha tznib'j jun checjnacn coti, atn in Mam.

Jn 6:38

An tic, cotnc in 'a satcha'an̈, tzwul in b'onc 'icha tznib'j jun checjnacn coti. Man̈ yujoc wul in b'onc tas tzin nib'j in ch'ocoj, in coti.

Ro 1:7

Tic tzin tz'ib'j 'at jun in carta tic 'ayx e masnil ex 'aj Roma, ex chamc'ojlb'ilx xo yuj Dios. A 'awtjnac ex, yic wach' an̈j 'ayx yico'. Tzin nib'ej a qui Mam Dios yet' Cajlil Jesucristo, tzyac' swach'c'ojlal yet' sjunc'ojlal 'ayx ta'.

Ro 12:2

Caw man̈x lajnoc tzcutjec qui b'eyb'al yet' eb' yic yolyib'n̈q'uinl tic. Yowlal tzqui chajec jelxc qui nab'en, sec 'oj wach' b'o qui b'eyb'alec 'a jun 'ejmn̈ej. Toto 'ixta tzcutjec qui b'a, 'oj wach' nachjc 'el cujec, tas tznib'j Dios 'ayn̈ec, atn tas wach', caw tzalj Dios yu'uj, may jac spaltail 'a 'a.

Ro 4:25

Atn jun 'ajxnac 'och 'a yol sc'ab' chaml yuj qui mulec. Xlajw cha, xpitzw paxi, sec tzon̈ 'ochc wach'l 'a sat Dios yu'uj.

Ro 8:27

Ax Dios, caw tzyila tas 'ay 'a qui nab'en junjn on̈ec. Yojtac tas tzyal Yespíritu 'a qui pixan. Yujto 'icha tznib'j Dios, 'ixta sleslwi Yespíritu cujec an̈ yic on̈c xo.

Ro 8:3

Yuj qui tu nab'enalec tic, matz tac' qui yiclniec tas tzyal ley yic Moisés. Yuj cha, may yopiso jun ley chi on̈ scolnec. Palta ax Dios on̈ colnec. A 'a'jnac cot Yunnal, wul ya'nc 'och sb'a 'anma'il. Lajn sniwnal 'icha quic an̈ 'ajmul on̈c tic. A 'ix wul cham yuj qui mulec. A yic 'ix cham yet' sniwnal, 'ix ya'n ganar 'a yib'n̈ maysch'olnil, sec wach' man̈x 'a yaln maysch'olnil chi yic 'ayn̈ec.

Ro 8:32

A Dios ya'jnac 'och Yunnal 'a yol sc'ab' chaml cujec qui masnil. Wach'xam Yunnal, palta ma'ix scolo. Yujto ya'jnac cot Yunnal cha, yuj cha, cojquec to c'uxn 'oj yac' smasnil tas wach' 'ayn̈ec.

1 Co 15:3

A jun tzo'n̈ cuynb'il in chajnac, atn in b'ab'l aljnac 'ayex. To a Cristo 'ix cham yuj qui mulec, 'icha yaj stz'ib'x can 'a Ch'an̈ U'un̈.

2 Co 4:4

A eb' cha, matz ya'ch xon eb' 'a sc'ojol. Yuj cha, a win sdiosal yolyib'n̈q'uinl tic, a win tzwach' 'a'n juwc 'el snab'en eb'. 'Icha to a win tz'a'n juwc 'el yol sat eb', sec matz tac' yiln eb' jun sacq'uinl tzcot 'a yab'xil Cristo. A Cristo caw niwn yel'chi, caw lajn yet' Dios.

Gl 2:20

A ticnec, 'icha to 'ac'b'iln̈ec q'ue 'a spenc culs yet' Cristo 'a sat Dios. Yuj cha, man̈xtoc pitzn on̈c ticnec. Atn Cristo pitzn yaj 'ayn̈ec. Axn̈ej sb'eyb'al tzqui b'eylb'ejc ticnec, yujto tzca'c 'och qui c'ojl 'a Yunnal Dios. Caw sch'oxjnac schamc'ojlal 'ayn̈ec, yujto ya'jnac cham sb'a cujec.

Gl 6:14

Palta an xo tic, may junc tas 'aj tzin b'an̈ in b'a 'a spatic. Cojxn schamlil Cajlil Jesucristo 'a spenc culus a tzin b'an̈a. Yuj schamlil cha, man̈x 'a yaln yolyib'n̈q'uinl tic yic 'ayin, 'icha to chamnc xo 'a in sat. An xo tic, 'icha to chamnc in pax 'a yolyib'n̈q'uinl tic jun xo, yujto man̈x 'a waln wic 'a 'a.

Ef 1:11

Yictax pecti', sic'b'iln̈ec xon 'el yuj Dios, yic 'oj qui chac quic 'oj yac' 'ayn̈ junjn on̈, yujto junxn̈ej cajc yet' Cristo. 'Oj 'el'choc jun tic 'icha tznib'j Dios, yujto a tzb'on smasnil tas 'icha tznib'ej.

Ef 2:2

yujto an̈j jun b'eyb'al yic yolyib'n̈q'uinl tic qui b'eylb'ejec. Qui b'ojnaquec 'icha tznib'j win 'ay yopiso ya'n mandar 'a scal 'ic'. A win cha, espíritu winac. An̈ja ya'n win sc'ojloc eb' man̈ yiclumoc 'a Dios.

Ef 5:16

Caw tzeyac' eyip 'a yic Dios, ya' sb'a 'ayt jab'x tiempo, yujto a jun tiempoal tic, man̈x 'a sch'olnil.

Ef 5:2

Qui ch'oxc qui chamc'ojlal 'a junjn c'u, yujto 'ixta on̈ yutj Cristo on̈ schamc'ojlanec, yic ya'n cham sb'a cujec. 'Icha no calnelu milb'il cham xajmb'alil, wach' sjab' 'a Dios, tzalj yet'oc, 'ixta x'aj Cristo smilx cham cujec.

Ef 6:12

Yujto man̈oc yet' junc comn 'anma wan ca'nec owal. Palta a jun tzo'n̈ espíritu 'ay spoder sb'on maysch'olnil 'a scal 'ic', a yet' eb' wan ca'nec owal. Atn eb' chi 'ay yopiso ya'n mandar, 'aych eb' syajlilc maysch'olnil 'a yolyib'n̈q'uinl tic.

A Scarta San Pablo D'a Eb' Aj Filipos 4:20

Niwn cab' yel'ch qui Diosalec, qui Mamc 'a smasnil tiempo. 'Ixta cab' tz'aji.

1 Ts 1:3

A 'a sat qui Mam Dios, tzqui na cot on̈, chajtlto caw tzex munlj 'a 'a, caw tzeya'ch 'a e c'ojol. Tzqui nan cot on̈ yic tzeya'n servil, yujto caw niwn e chamc'ojlal 'a 'a. An̈jtona', caw te'n tzeyutj e b'a, yujto an̈j Cajlil Jesucristo a tzeya'ch yipc e c'ojol.

1 Ts 3:11

Tzqui nib'j on̈, a qui Mam Dios yet' Cajlil Jesucristo, tz'och quet' on̈, sec 'oj stac' qui 'at 'ayx on̈.

1 Ts 3:13

A 'a yic 'oj jawc pax Cajlil Jesucristo, qui masnil an̈ yic on̈c xo, junn̈j 'oj cajc yet'oc. Tzqui nib'j on̈, a tzwach' 'a'n te'nb'oc e nab'en, sec an̈ja caw wach' e b'eyb'al, may jac e mul 'a yojltac qui Mam Dios 'a jun tiempoal cha.

2 Ts 2:16

A Cajlil Jesucristo yet' qui Mam Dios, caw 'ay schamc'ojlal 'ayn̈ec. Yuj wal swach'c'ojlal, tzya'n sniwnal qui c'ojlec 'a smasnil tiempo. Tzya'n pax ca'c 'och swach'l chi yipc qui c'ojol.

1 Ti 2:6

A xwul yac' cham sb'a, sec 'oj stac' scolchj eb' 'anma smasnil yu'uj. A yic 'ix jaw stiempoal jun tic, 'ix alx 'el yab'xil.

Tito 2:14

A xyac' cham sb'a cu'uj, sec tzon̈ scol 'a yol sc'ab' maysch'olnil. A 'ix 'i'n 'el smasnil qui mul, sec wach' an̈j 'ayn̈ yico', sec an̈j jun tzo'n̈ tas wach' tzqui b'o'.

A Ch'an̈ Carta D'a Eb' Hebreo 2:5

Wan waln yuj junx yolyib'n̈q'uinl tot 'oj jawoc. A jun cha, man̈oc 'a yol sc'ab' eb' ángel 'oj yac' Dios.

A Ch'an̈ Carta D'a Eb' Hebreo 6:5

Cojquec xo jun wach' 'ab'x yic Dios. Cojquec xo pax spoder Dios 'oj sch'ox 'a jun tiempoal tot 'oj jawoc.

A Ch'an̈ Carta D'a Eb' Hebreo 9:14

Toto 'ixta yopiso schic'l no noc' cha, ocxom wal schic'l Cristo. A Yespíritu Dios 'ayc' 'a smasnil tiempo. Yu'uj, ya'jnac sb'a Cristo xajmb'al-l 'a Dios, 'icha junc xajmb'al may spaltail. Yuj cha, a schic'l chi tzsacb'tzan qui nab'enec 'a jun tzo'n̈ maysch'olnil tz'i'n cot chaml 'a quib'n̈ec. Yuj cha, a ticnec, tztac' ca'nec servil Dios pitzan.

Santiago 4:4

'Ay ex, 'icha junc 'ix, cojxn 'ajmulal tzsayq'ui, 'ixta 'ex 'a sat Dios. ¿Tom mant eyojcoc, to a yic tzqui chamc'ojlanec qui b'a yet' yolyib'n̈q'uinl tic, ax 'a Dios tzon̈ 'ochc 'ajc'ojlal? Yuj cha, tzann̈j mach tznib'j tz'och swach'c'ojloc yolyib'n̈q'uinl tic, ax 'a Dios tz'och 'ajc'ojlal.

A Sb'ab'el Carta San Pedro 2:24

A Cristo 'ix cuchn can qui mulc yet' sniwnal, yic x'och 'a spenc te culus, sec wach' man̈x 'a yaln maysch'olnil yic 'ayn̈ec, 'icha to chamnc on̈c 'a 'a. 'Ixta on̈ yutjec, sec caw wach'n̈j tzcutjec qui b'eyb'al. Caw xyab' syal cujec, sec tzon̈ colchjec can 'el yu'uj.

A Sb'ab'el Carta San Pedro 3:18

Yujto a Cristo x'ab'n syail. Cojn jun 'ejm xcham yuj qui mulec. A Cristo caw tojl snab'en. An̈ec xo tic, caw man̈ tojloc qui nab'enec, palta a xyab' syal cujec, yic tzon̈ yi'nec 'at 'a Dios. A yet' sniwnal xchami, palta ax yic 'ix pitzw paxi, pitznn̈ej yespíritu yet'oc.

1 Jn 2:2

'Icha tz'aj junc xajmb'al, 'ixta x'aj scham Cristo stojloc qui mulec. Man̈ yujocn̈ej qui mul an̈ec tic 'ix chami, palta yuj smul smasnil 'anma 'a yolyib'n̈q'uinl tic.

1 Jn 3:16

Cojquec paxi tas yaj schamc'ojlal Dios 'ayn̈ec, yujto ya'jnac cham sb'a Jesucristo cujec. Yuj cha, yowlal 'ixta tzcutjec qui chamc'ojlan eb' quit creyenteal, tzca'nec cab' cham qui b'a yuj eb'.

Apoc 1:5

Ax Jesucristo, atn testigo caw yel, ya' cab' swach'c'ojlal 'ayex. A b'ab'l pitzwnac pax 'a scal eb' chamnac. A Yajl yaj 'a yib'n̈ eb' rey 'a yolyib'n̈q'uinl tic. Caw 'ay schamc'ojlal 'ayn̈ec. 'Ix yi'n 'el qui mulc yet' schiq'uil.

Apoc 5:9

Ax eb' 'ichm winc cha, 'ix sb'itnan eb' jun 'ac' b'it 'ixtic: Ach tic, a moj xa chaj jun ch'an̈ un̈ tic, yic tza n̈i'chtan seyoal. Yujto ach milb'ilch chamoc, a mann 'och eb' 'anma yico'oc Dios yet' a chiq'uil. Niwn eb' 'a junjn 'in̈tal, 'a junjn ti'al, 'a junjn chon̈b'al, yet' 'a junjn nacion̈al.

Apoc 7:9

Xlajw cha, xwilni. Caw niwn 'anma 'ayc' 'a yojltac jun despacho cha, yet' 'a yojltac jun tzcuch Calnelu. A eb' cha, 'ay eb' 'a junjn nacion̈, 'a junjn 'in̈tal, 'a junjn ti'al, yet' 'a junjn chon̈b'al. Man̈x yalnb'ilc jantc sb'isl eb'. Caw sac spichl junjn eb'. Yamb'il xil te q'uib' yuj junjn eb'.