Ez 8:5 - Chuj San Sebastian Bible

⁵ Xlajw cha, xyaln 'ayn 'ixtic: Ach 'anma', 'ixc q'ueln 'a stojlal norte, xchi 'ayin. Ax yic in 'at q'ueln 'a stojlal norte cha, 'ix wilni, to a 'a stz'ey spuertail yatut Dios cha, 'a 'aj 'ay jun yet'l xajmb'al, ata 'ay jun yechl comn dios tzuntzn cot yowl sc'ojl Jehová.

Chuj San Mateo Bible

⁵ Ix lajvi chi', ix yalan d'ayin icha tic: Ach anima, b'atan̈ q'uelan d'a stojolal norte, xchi d'ayin. Ix in b'at q'uelan, ix vilan d'a stz'ey spuertail d'a snorteal altar. Ata' ix vil jun yechel stzuntzancot yoval sc'ol Jehová.

Ez 8:5 Iomraidhean Croise

Salmos 48:2

Caw wal wach' yilx lum tzaln Sión, yujto caw chan̈ yaj chan̈ lu'um. A 'a stojlal norte, ata 'ay lum schon̈b' jun Rey caw wal niwn yel'chi.

Salmos 78:58

'Ix stzuntzj cot eb' yowl sc'ojl Dios yuj jun tzo'n̈ smacsej eb' 'ayc' 'a jolmctac witz, xyaln sb'a eb' 'a jun tzo'n̈ yechel.

Jeremías 3:2

'Ixquec q'ueln 'a eb' lum tzalctac, tzcham eyiln 'at eb' lum si'mb'il. ¿Tom 'ayt junc xo eb' lum 'aj mantzac ex mulni? Tzex 'em wocn 'a sti b'e, tze tan̈wni ye'ch eb' tzex muln yet'oc, 'icha tzyutj smacn eb' árabe yec' eb' b'eymal 'anma 'a lum cusltac lu'um. Yuj wal e maysch'olnilal cha, xjuw 'el lum lum tic eyu'uj.

Jeremías 32:34

'Intax to 'ix yixtj 'el eb' jun watut to wicn̈ej yaji, 'ix ya'ch eb' jun tzo'n̈ yechl to caw yajb'entac 'a yojol.

Jeremías 7:30

'Ix yaln Jehová 'ixtic: A wal eb' 'anma 'a chon̈b' Judá, caw tu tzyutj sb'a eb' 'a in sat. A wal jun tzo'n̈ scomn diosal eb' to caw yajb'entac, caw 'ix ya'ch eb' 'a yol jun watut to wicn̈ej yaji, 'ixta 'ix 'aj sjuw 'el yuj eb'.

Ez 5:11

Yuj cha, an Jehová in tic, an tzwal 'ixtic: Yel xo wal man̈x 'a yel'ch xeyutj watut yuj jun tzo'n̈ e diosal yajb'entac yilxi. Caw wal maysch'olnil pax e b'eyb'al, yuj ton wal cha, ax wa'n 'och eyailal. Man̈x 'a in niwnc'ojlal 'ayex, man̈x 'oj 'o'ch in c'ojl 'ayx yuj eyailal cha.

Ez 8:3

A jun 'icha 'anma cha, 'ix ya' cot sc'ab' 'a in jolom, 'ix stzucn chan̈ xil in jolm cha. Ax Yespíritu Dios in t'un̈n cha'an̈, in yi'n 'at 'a Jerusalén yic tzch'oxn wil tas 'ay ta'. A 'a yojl 'och sti spuertail yatut Dios, jun 'ay 'a sti 'amc' 'a stojlal norte, ata 'ay yet'l jun comn dios tzuntzn cot yowl sc'ojl Jehová.